Nigeriyada biyabırçılıq
Nigeriyada siçanlar prezident sarayını basıb.
"Ölkə.Az" xəbər verir ki, Nigeriya prezidenti Məhəmməd Buharinin otağına siçanlar hücum ediblər. Buhari xəstələndiyi üçün İngiltərəyə müalicəyə getmişdi. Üç aylıq müalicədən sonra prezident ötən həftə Nigeriyaya qayıdıb.
Hökumətin mətbuat katibi Qarba Şehu bildirib ki, Buhari olmayanda siçanlar otaqda mebel və havalandırma sisteminə ziyan vurublar.
Prezident isə bu səbəbdən 3 ay evində işləyəcək. Şehu bildirib ki, Buharinin evi kifayət qədər təchizata sahibdir və prezident evindən rahat işləyə biləcək.
Hikmət Həsənov
Ölkə.Az
