Nigeriyada məscidi partlatdılar
Nigeriyanın şimali-şərqində məsciddə partlayış törədilib.
"Ölkə.Az" xəbər verir ki, partlayış nəticəsində ən azı 8 nəfər həlak olub.
İnsident Mayduquri şəhərində baş verib. Kamikadze terrorçu üzərindəki bombanı işə salıb. Bu barədə Borno ştatının fövqəladə hallar üzrə idarəsinin rəisi Ahmed Satomi məlumat verib: "Terrorçu 8 nəfəri qətlə yetirib. 15 nəfər isə xəsarət alıb".
Satominin verdiyi məlumata əsasən kamikadze terrorçu qız olub. Şəhər sakinləri şübhələndikləri üçün onu izləyiblər. Qız məscidə yaxınlaşanda ondan dayanmaq tələb edilib. Amma qız qəflətən məscidə tərəf qaçaraq partlayıcını işə salıb. Eyni anda şəhərdə üç başqa kamikadze-terrorçu qız da müşahidə edilib. Onlardan ikisi zərərsizləşdirilib. Üçüncü isə bombanı işə sala bilib.
Hikmət Həsənov
Ölkə.Az