Niko Rosberq: Fettel \"Mercedes\" komandası üçün əla seçimdir
2016-cı ilin "Formula-1" çempionu Niko Rosberq "Mercedes" komandasının planlarına dair görüşlərini bölüşüb
"Ölkə.Az" xəbər verir ki, Rosberqin fikrinə görə, "Mercedes" komandası 2018-ci il üçün pilot Sebastyan Fettel ilə müqavilə imzalaya bilər.
Rosberq deyib: "Fettel? Onun "Ferrari" komandası ilə müqaviləsi bu il başa çatır. "Mercedes" üçün o, əla seçimdir. Təbii ki, komanda bu fikri mütləq nəzərdən keçirəcək".
Qeyd edək ki, Rosberq 2016-cı ildə karyerasını başa vurub. Bununla da "Mercedes" komandasına yer boşalıb. 2017-ci il mövsümündə komandanın şərəfini Valtteri Bottas qoruyacaq. Amma komanda rəhbərliyi Valtteri ilə müqaviləni bir illik imzalayıb.
Hikmət
Ölkə.Az
