Nikola Yurçeviç jurnalistlərdən yığmaya oyunçu təklif etmələrini istəyib — FOTO

Nikola Yurçeviç jurnalistlərdən yığmaya oyunçu təklif etmələrini istəyib
18:32
24.03.2019
821
İdman
A
Bu gün "Bakcell Arena" futbol üzrə Azərbaycan milli komandasının açıq məşqi olub.

"Ölkə.Az" report-a istinadən məlumat verir ki, Litva yığması ilə yoldaşlıq matçı üçün hazırlıq prosesinə düşərgədə yer alan 22 futbolçunun hamısı qatılıb.

Məşq zamanı baş məşqçi Nikola Yurçeviç jurnalistlərə yaxınlaşaraq söhbətləşib. O, Azərbaycan millisinin AVRO-2020-nin seçmə mərhələsinin ilk turunda Xorvatiyaya səfərdə 1:2 hesabı ilə uduzduğu matçda hansı futbolçunun ən yaxşı, hansının isə ən zəif təsir bağışladığını soruşub. Ümumi fikir ən yaxşının Eddi İsrafilov və Ramil Şeydayev, ən zəifin isə Dimitri Nazarov olması əsasında formalaşıb.

Xorvatiyalı mütəxəssis media nümayəndələrindən ona hazırda heyətdə yer almayan futbolçuları təklif etməyi rica edib. Bu zaman "Qəbələ"nin hücumçusu Rauf Əliyev, Türkiyə "Boluspor"undan Ufuk Budak kimi oyunçuların adları çəkilib.

Qeyd edək ki, martın 25-də "Bakcell Arena"da keçiriləcək Azərbaycan - Litva oyunu saat 18:00-da başlayacaq.

Ölkə.Az

ŞƏRH YAZ
0

SOCAR-ın "Fənərbağça"ya sponsorluq edəcəyi iddiasına RƏSMİ CAVAB

SOCAR-ın
15:07
22.11.2019
670
İdman
A
Azərbaycan Dövlət Neft Şirkəti (SOCAR) Türkiyənin “Fənərbağça” klubuna sponsorluq edəcəkləri ilə bağlı mətbuatda yer alan xəbərlərə münasibət bildirib.

"Ölkə.Az" xəbər verir ki, urumun İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov “Report”a açıqlamasında bu iddianın əsassız olduğunu söyləyib.

“Mütəmadi olaraq bu cür şayələr ortalığa atılır. Bizim konkret bu istiqamətdən sponsorluq planımız yoxdur”,- o vurğulayıb.

“Fənərbağça” klubu da İctimaiyyəti Məlumatlandırma Platformasında açıqlama yayaraq, xəbəri təkzib edib: “Bəzi xəbər saytlarında ve sosial mediada “Fənərbağça”nın ad hüququnun 15 il müddətində satılması ilə bağlı şirkət adı və məbləğ göstərilməklə, danışıqlar aparıldığı yönündə məlumatlar yer almaqdadır. Həqiqəti əks etdirməyən bu xəbərlərə inanmamağı sərmayədarlarımızın diqqətinə çatdırırıq”.

Qeyd edək ki, SOCAR-ın 450 milyon avro qarşılığında “Fənərbağça”ya sponsorluq edəcəyi xəbərini Türkiyə mətbuatı yazıb. Eyni zamanda “Red Bull” şirkətinin də belə bir niyyətinin olduğu bildirilib.

ŞƏRH YAZ
0

Nurməhəmmədov: Putin zəng elədi, dedim ki, yəqin məni döymək istəyirlər — VİDEO

Nurməhəmmədov: Putin zəng elədi, dedim ki, yəqin məni döymək istəyirlər
07:00
22.11.2019
1006
İdman
A
Döyüşdən sonra qarışıq hislər yaşayırdım.

"Ölkə.Az" bildirir ki, bu sözləri UFC çempionu Həbib Nurməhəmmədov Konor Makqreqorla aralarındakı döyüş barədə danışarkən deyib.

“Məni qalib elan edəndə soyunub-geyinmə otağında idim. 300 mühafizəçinin əhatəsində oturmuşdum.

Vladimir Putin zəng edib necə olduğumu soruşdu. Mən tribuna yaxınlığında 300 nəfərin əhatəsində oturduğumu dedim. Dedim ki, yəqin məni döyməyə toplaşıblar”, - idmançı bildirib. 

Nurməhəmmədov həmçinin Makqreqorun 2019-cu ilin oktyabrında Moskvada keçirilən mətbuat konfransında revanşa ümid etdiyini söyləməsinin həqiqəti əks etdirmədiyini deyib:

“Onu 4 raund boğdum, döydüm. Axı o, özü bunun sona çatması üçün əlini vurdu. Düşünürəm ki, o, döyüş istəmir”.

ŞƏRH YAZ
0
BAĞLA