Nikola Yurçeviç jurnalistlərdən yığmaya oyunçu təklif etmələrini istəyib — FOTO

Nikola Yurçeviç jurnalistlərdən yığmaya oyunçu təklif etmələrini istəyib
18:32
24.03.2019
640
İdman
A
Bu gün "Bakcell Arena" futbol üzrə Azərbaycan milli komandasının açıq məşqi olub.

"Ölkə.Az" report-a istinadən məlumat verir ki, Litva yığması ilə yoldaşlıq matçı üçün hazırlıq prosesinə düşərgədə yer alan 22 futbolçunun hamısı qatılıb.

Məşq zamanı baş məşqçi Nikola Yurçeviç jurnalistlərə yaxınlaşaraq söhbətləşib. O, Azərbaycan millisinin AVRO-2020-nin seçmə mərhələsinin ilk turunda Xorvatiyaya səfərdə 1:2 hesabı ilə uduzduğu matçda hansı futbolçunun ən yaxşı, hansının isə ən zəif təsir bağışladığını soruşub. Ümumi fikir ən yaxşının Eddi İsrafilov və Ramil Şeydayev, ən zəifin isə Dimitri Nazarov olması əsasında formalaşıb.

Xorvatiyalı mütəxəssis media nümayəndələrindən ona hazırda heyətdə yer almayan futbolçuları təklif etməyi rica edib. Bu zaman "Qəbələ"nin hücumçusu Rauf Əliyev, Türkiyə "Boluspor"undan Ufuk Budak kimi oyunçuların adları çəkilib.

Qeyd edək ki, martın 25-də "Bakcell Arena"da keçiriləcək Azərbaycan - Litva oyunu saat 18:00-da başlayacaq.

Ölkə.Az

ŞƏRH YAZ
0

Starric “Trabzonspor”da — RƏSMİ

Starric “Trabzonspor”da
01:25
Bu gün
183
İdman
A
Türkiyənin "Trabzonspor" klubu ingilis hücumçu Daniel Starriclə 2+1 illik müqavilə imzalayıb.

“Ölkə.Az” xəbər verir ki, yaşlı futbolçuya imza pulu olaraq 2 milyon avro ödənilib.

Onun maaşı isə 1,5 milyon avro təşkil edəcək. Maaşın 8 faizi isə menecerə ödəniləcək.

Qeyd edək ki, Starricin 6 ildir formasını geyindiyi “Liverpul”la müqaviləsi bu yay başa çatmışdı.

Ölkə.Az

ŞƏRH YAZ
0

Məşhur model komadan ayıldı, futbolçuları məhkəməyə verdi — “Məni balkondan atdılar

Məşhur model komadan ayıldı, futbolçuları məhkəməyə verdi
23:44
21.08.2019
330
İdman
A
2018-ci ildə Moskvada diplomat Denis Pakı döydüyü üçün 18 ay müddətinə həbs cəzası alan rus futbolçular Aleksandr Kokorin (“Zenit”) və Pavel Mamayevlə (“Krasnodar”) bağlı növbəti iddia səsləndirilib.

“Ölkə.Az” “Posta”ya istinadən xəbər verir ki, həmin hadisə vaxtı restoranda olan çexiyalı model Yekaterina Bobkova mayda hadisə ilə bağlı ifadə verməyi qəbul etmişdi.

Lakin, məhkəmədən bir neçə gün öncə Çexiyada bir hotelin 4-cü mərtəbəsindən düşən model məhkəmə prosesində iştirak edə bilməmişdi. Model müalicə üçün Rusiyaya aparılıb və 3 aylıq müalicədən sonra komadan ayılıb.

Özünə gələndən sonra başına gələnlər haqqında danışan model bildirib ki, hadisə günü 2 qədəh şərab içib:

“Futbolçuların göndərdiyi adamların şahid olmamağım üçün şərabıma qatdığı dərman mənə yuxu gətirdi. Sonra başıma vuraraq balkondan atdılar”.

Bobkova futbolçulara “cinayəttə təşəbbüs” və “cinayətə təşviq” maddələri ilə cinayət işi açılması üçün məhkəməyə müraciət edib.

Ölkə.Az

ŞƏRH YAZ
0
BAĞLA