Nikola Yurçeviç jurnalistlərdən yığmaya oyunçu təklif etmələrini istəyib — FOTO

Nikola Yurçeviç jurnalistlərdən yığmaya oyunçu təklif etmələrini istəyib
18:32
24.03.2019
887
İdman
A
Bu gün "Bakcell Arena" futbol üzrə Azərbaycan milli komandasının açıq məşqi olub.

"Ölkə.Az" report-a istinadən məlumat verir ki, Litva yığması ilə yoldaşlıq matçı üçün hazırlıq prosesinə düşərgədə yer alan 22 futbolçunun hamısı qatılıb.

Məşq zamanı baş məşqçi Nikola Yurçeviç jurnalistlərə yaxınlaşaraq söhbətləşib. O, Azərbaycan millisinin AVRO-2020-nin seçmə mərhələsinin ilk turunda Xorvatiyaya səfərdə 1:2 hesabı ilə uduzduğu matçda hansı futbolçunun ən yaxşı, hansının isə ən zəif təsir bağışladığını soruşub. Ümumi fikir ən yaxşının Eddi İsrafilov və Ramil Şeydayev, ən zəifin isə Dimitri Nazarov olması əsasında formalaşıb.

Xorvatiyalı mütəxəssis media nümayəndələrindən ona hazırda heyətdə yer almayan futbolçuları təklif etməyi rica edib. Bu zaman "Qəbələ"nin hücumçusu Rauf Əliyev, Türkiyə "Boluspor"undan Ufuk Budak kimi oyunçuların adları çəkilib.

Qeyd edək ki, martın 25-də "Bakcell Arena"da keçiriləcək Azərbaycan - Litva oyunu saat 18:00-da başlayacaq.

Ölkə.Az

ŞƏRH YAZ
0

"AFFA-nın bütün işini milli komanda ilə bağlayırlar" — Elxan Məmmədov - VİDEO

10:23
Bu gün
349
İdman
A
“3 D” verilişinin növbəti qonağı AFFA-nın baş katibi Elxan Məmmədov olub.

“Ölkə.Az” xəbər verir ki, Dadaşlinski əvvəl “AVRO 2020”ni Bakıda keçirilməsini təşkil etdikləri üçün Məmmədova minnətdarlığını bildirib.

Daha sonra o, AFFA-nın baş katibi ilə futboldakı vəziyyəti müzakirə edib.

“İlk dəfə Azərbaycan 1996-cı ildə Avropa seçim turlarında iştirak edib və 1 xalla oradan ayrılıb. 2019-cu ildə də komanda seçim turlarından 1 xalla ayrıldı. Sizcədə futbolumuz eyni dairə üzrə hərəkət etmirmi, irəli getmirik?”- sualına E. Məmmədovun cavabı belə olub:

“Ümumiyyətlə, futbol elə bir idman növüdür ki, heç kim gələcək nəticələri öncədən deyə bilməz. Ancaq onu da bildirim ki, komandamızın seçim turunda göstərdiyi nəticə ürək açan deyil, bunu bilirəm. Bu yaxınlarda iclasımız olacaq, baş məşqçidən də hesabat gözləyirik. Buna görə də AFFA  son qərarını iclasdan sonra qəbul edəcək. Bir də təkrarlayıram ki, biz bu nəticə ilə heç də razı deyilik. Ancaq onu da vurğulayım ki, komandamız son illərdə rekord xallar da qazanıb, 9-10 xalımız olub”.

Məmmədov aparıcının uşaq futbolunun inkişafı barəsində sualını da cavablandırıb: 

“Uşaq futbolu üçün süni meydançalarımız yoxdur, təbii meydançada isə bunu etmək mümkün deyil. Çünki həftədə 3-4 məşqə təbii meydança yararsız vəziyyətə düşə bilər”.

Növbəti dəfə “Bildiyimizə görə, AFFA Berlin şəhərində futbol məktəbi açmışdı. Bərdədə, Yevlaxda deyil, düz Berlində. Bu nə məqsəd daşıyırdı? Ən əsas ora nə qədər sərmayə qoyulmuşdu? İşin nəticəsi necə oldu?”- sualı ilə Dadaşlinski baş katibə müraciət edib.

“Bizim məqsədimiz orada yaşayan azərbaycanlı uşaqları, o məktəbə cəlb etmək idi. Bu ən çox orada Azərbaycanı təmsil etmək idi. Bunun üçün 100.000 manat xərclənib””, - deyə baş katib bildirib.

“Heç olub ki, Elxan müəllim milli komandaya görə utanıb?” sualına isə Məmmədov “Yox, təəssüf hissi keçirmişəm, amma utanmamışam”,- cavabını verib.

Baş katib Slovakiyanın futbol mütəxəssisi Vladislav Yurkeviçin milli komanda haqqında dediyi “Uzun zamandır Azərbaycan komandası kimi zəif komanda görməmişəm, necə olur ki, bir komanda fasiləyə qədər oyun meydançasının mərkəzini keçə bilməsin? Azərbaycan yığmasının oyunçuları, futbolçu yox turistdirlər” sözlərinə də aydınlıq gətirib.

“Bunu o, oyundan sonra deyib. Çünki, bizim o oyunda itiriləcək heç nəyimiz yox idi. Ona görə, biz müdafiə futbolu oynadıq. Slovakiya yəqinki, bizdən hücum futbolu gözləyirdi”.

“Əgər biz futbolda nəticə göstərə bilmiriksə, yeni nəsil yetişmirsə, bəlkə etiraf edək ki, “Futbol bizimki deyil?” sualına isə “Klubların sayı birbaşa iş adamlarından asılıdır. Onlar yeni klublar yaratmalıdırlar. Siz bu sualla onlara müraciət edin”, deyə bildirib.

Dadaşlinskinin “Qurban Qurbanovun millidən getməsinin birbaşa səbəbkarı kimi sizi göstərirlər, bu barədə nə deyə bilərsiniz?”- sualına isə baş katib “Düzü bilmirəm niyə məni buna səbəb göstərirlər. Mən hər zaman ona dəstək olmuşam. Qurban Qurbanova klubdan təklif gələndə əvvəl ikisində də fəaliyyət göstərirdi. Lakin bunlar fərqli sahələr olduğu üçün AFFA qərar verdi ki, o, işini ”Qarabağ”da davam etdirsin və biz də baxaq fəxr edək. Hər zaman demişəm mənim Qurban müəllimə böyük hörmətim var. Ona bütün şərait yaradılmışdı”.

O, Rəşad Sadıqovun U-21-də baş məşqçi təyinatından da danışıb. Məmmədov bildirib ki, Sadıqov baş məşqçi təyin olunanda həm də futbolçu kimi karyerasına davam edirdi. Ona görə, iki işi bir arada görə bilmədi.

“Məni hər zaman süni tənqid edirlər, subyektiv tənqidə mən razıyam. Bizə qarşı müxtəlif kampaniyalar yaradırlar”,- deyə o, bildirib.

Sonda Elxan Məmmədov “Bir futbol federasiyasının nə qədər uğursuzluqları olmalıdır ki, rəhbərlik istefa versin?” sualına  “AFFA- nın rəhbərliyini seçən Azərbaycan futbol ictimaiyyətidir. Qərarı onlar verib. Təssüflər olsun ki, AFFA-nın bütün işini milli komanda ilə bağlayırlar. Bizim böyük uğurlarımız da olub”,- deyə bildirib.

Ölkə.Az

 

ŞƏRH YAZ
0

BDU Futzal Komandası ÖLKƏ ÇEMPİONU oldu — FOTO

BDU Futzal Komandası ÖLKƏ ÇEMPİONU oldu
11:52
09.12.2019
587
İdman
A
Azərbaycan Təhsil İşçiləri Azad Həmkarlar İttifaqı Respublika Komitəsinin təşkilatçılığı ilə 27 noyabr - 6 dekabr tarixləri arasında keçirilən “Ali məktəb tələbələri arasında Futzal yarışması” çərçivəsində BDU Futzal Komandası ölkə çempionu olub.

Beləki, qrup mərhələsində BDU Futzal Komandası Azərbaycan Əmək və Sosial Münasibətlər Akademiyası, Bakı Müsiqi Akademiyası, Azərbaycan Dövlət İqtisad Universiteti və Sumqayıt Dövlət Universitetinin komandaları ilə qarşılaşmış və qrup lideri olaraq 4/1 final mərhələsinə atlamışdır.

BDU fudzal Komandası 4/1 mərhələsində Bakı Mühəndislik Akademiyası və Gəncə Dövlət Universitetinin yığmaları ilə baş tutan oyunlarda qələbə qazanaraq finala yüksəlmiş və Azərbaycan Dövlət İqtisad Universiteti ilə final qarşılaşması baş tutmuşdur. Final oyununda 4-2 hesabı ilə qalib gələn BDU futzal Komandası ölkə çepionu adın qazanmışdır. Digər oyunların nəticələrinə görə ikinci yerdə ADİU, üçüncü yerdə isə Azərbaycan Texniki Universitetinin yığması qərarlaşmışdır.

Qeyd edək ki, BDU Fudzal Komandasının sponsoru BDU Tələbə Həmkarlar İttifaqı Komitəsidir.

ŞƏRH YAZ
0
BAĞLA