Nikola Yurçeviç jurnalistlərdən yığmaya oyunçu təklif etmələrini istəyib — FOTO

Nikola Yurçeviç jurnalistlərdən yığmaya oyunçu təklif etmələrini istəyib
18:32
24.03.2019
1421
İdman
A
Bu gün "Bakcell Arena" futbol üzrə Azərbaycan milli komandasının açıq məşqi olub.

"Ölkə.Az" report-a istinadən məlumat verir ki, Litva yığması ilə yoldaşlıq matçı üçün hazırlıq prosesinə düşərgədə yer alan 22 futbolçunun hamısı qatılıb.

Məşq zamanı baş məşqçi Nikola Yurçeviç jurnalistlərə yaxınlaşaraq söhbətləşib. O, Azərbaycan millisinin AVRO-2020-nin seçmə mərhələsinin ilk turunda Xorvatiyaya səfərdə 1:2 hesabı ilə uduzduğu matçda hansı futbolçunun ən yaxşı, hansının isə ən zəif təsir bağışladığını soruşub. Ümumi fikir ən yaxşının Eddi İsrafilov və Ramil Şeydayev, ən zəifin isə Dimitri Nazarov olması əsasında formalaşıb.

Xorvatiyalı mütəxəssis media nümayəndələrindən ona hazırda heyətdə yer almayan futbolçuları təklif etməyi rica edib. Bu zaman "Qəbələ"nin hücumçusu Rauf Əliyev, Türkiyə "Boluspor"undan Ufuk Budak kimi oyunçuların adları çəkilib.

Qeyd edək ki, martın 25-də "Bakcell Arena"da keçiriləcək Azərbaycan - Litva oyunu saat 18:00-da başlayacaq.

Ölkə.Az

ŞƏRH YAZ
0

Azərbaycanın Avropa Liqasının finalından əldə etdiyi qazanc açıqlandı

Azərbaycanın Avropa Liqasının finalından əldə etdiyi qazanc açıqlandı
00:13
Bu gün
293
İdman
A
2019-cu il mayın 20-da Bakı Olimpiya Stadionunda keçirilmiş UEFA Avropa Liqasının final matçı ilə əlaqədar Azərbaycana birbaşa 175 milyon manat nağd vəsait daxil olub.

"Ölkə.Az"ın report-a istinadən verdiyi məlumata görə, bu, İqtisadi İslahatların Təhlili və Kommunikasiya Mərkəzinin hesablamaları əsasında müəyyənləşib. Bildirilir ki, İngiltərənin "Çelsi" və "Arsenal" komandaları arasındakı görüşün təşkilindən 680 milyon manat iqtisadi qazanc götürülüb.

Görüşün keçirilməsi üçün isə vergilər də daxil olmaqla 13 milyon 333 min 491 manat xərclənib. Bu məbləğ Azərbaycan Respublikasının dövlət büdcəsindən Maliyyə Nazirliyinin ayırdığı vəsait və AFFA-dan ayırmalar hesabına formalaşıb. Maliyyə Nazirliyindən 11 milyon manat, AFFA-dan 2 milyon 333 min 491 manat ayrılaraq layihənin büdcəsinin formalaşmasına yönəldilib.

Qeyd edək ki, final matçında "Çelsi" "Arsenal"a 4:1 hesabı ilə qalib gəlib.

Ölkə.Az

ŞƏRH YAZ
0

Millimizin baş məşqçi postuna namizəd olan məşhurlar — SİYAHI

Millimizin baş məşqçi postuna namizəd olan məşhurlar
21:36
28.01.2020
465
İdman
A
Futbol üzrə Azərbaycan millisinin baş məşqçisinin kim olacağı maraqla gözlənilir.

"Ölkə.Az" qafqazinfo-ya istinadən xəbər verir ki, bu məsələ AFFA İcraiyyə Komitəsindən müzakirə olunsa da, hələlik qərar qəbul edilməyib.

Lakin yığmanın baş məşqçi postuna namizəd olan mütəxəssislərdən bir neçəsinin adı müəyyən olub.

Belə ki, İTV telekanalı assosiasiyanın yeni icraçı vitse-prezidenti Elxan Məmmədovun əlində olan dəftərdən millinin baş məşqçi postuna namizəd olan bir sıra mütəxəssislərin adını lentə ala bilib.

Bunlar arasında Oleq Kononov, Canni de Byazi, Branko İvankoviç, Luici Di Byaco, Çezare Prandelli kimi məşhur simalar var.

Qeyd edək ki, Branko İvankoviç Oman millisi ilə razılıq əldə edib.

ŞƏRH YAZ
0
BAĞLA