Nil çayına lağ edən müğənninin səhnəyə çıxışına qadağa qoyuldu
Misirin "Musiqiçilər Həmkarlar İttifaqı" məşhu müğənni Şirinə Əbdülvəhabın səhnə çıxışına qadağa qoyub.
"Ölkə.Az" xəbər verir ki, buna səbəb Şirinənin Nil çayını lağa qoyması olub.
"BBC Türk"ün xəbərinə əsasən, müğənni konsertlərinin birində pərəstişkarlarının "Heç Nil çayının suyundan içdinmi?" mahnısını oxumaq barədə istəyinə "Nilin suyundan içsəm, xəstələnərəm" cavabını verib. Sözü gedən xəstəliyə isə parazitlər səbəb olur.
Əbdülvəhab sonra pərəstişkarlarına "Nil suyu əvəzinə Evian markalı su için"məsləhətini verib.
Musiqiçilər Həmkarlar İttifaqı isə video çarxı incələyib və Şirinənin Nil çayına lağ etdiyini müəyyən edib. Bu səbəbdən 37 yaşlı müğənninin səhnə çıxışlarına qadağa qoyulub.
Hikmət Həsənov
Ölkə.Az
