Nokia yeni smartfon təqdim edəcək
ABŞ-ın FCC adlı nizamlayıcı orqanının məlumat bazasında TA-1182 model nömrəli yeni büdcəli Nokia smartfonu aşkar edilib. Bu barədə Gagadget saytı xəbər verib. Məlumata əsasən məşhur brendin yeni smartfon modeli 159.22x76.24 mm ölçülərə sahibdir. Bundan belə qənaətə gəlmək olar ki, yeni Nokia modelinin ekran ölçüsü 6 düymdən biraz böyük olacaq. Bununla yanaşı smartfon Snapdragon 429 prosessoru və 4000 mAh enerji tutumlu batareyaya malik olunacaq.
"Ölkə.Az" Türkiyə mediasına istinadən bildirir ki, o, Bluetooth 5.0 LE, Wi-Fi b/g/n və GPS modul kimi özəlliklərə də malik olacaq. Smartfon Android Pie əməliyyat sisteminin təmiz versiyası vasitəsilə çalışacaq. Smartfonun hansı ad ilə satışa çıxacağı barəsində məlumat yoxdur. Lakin güman edilir ki, o, Nokia 3.2 modelinin daha sadələşdirilmiş versiyası olacaq. Cihazın nə zaman təqdim olunacağı bilinmir. Lakin onun barəsində artıq məlumatların yayılmasını əsasən təxmin edilir ki, smartfon yaxın müddətdə təqdim olunacaq.
Ölkə.Az
