Norveçin məşhur saytı Elşad Mirinin qadağan olunmuş kitabından yazdı

Norveçin məşhur saytı Elşad Mirinin qadağan olunmuş kitabından yazdı
12:18
14.02.2018
1091
Ölkə
A
İlahiyyatçı Elşad Mirinin çapı qadağan olunmuş “İslamda Yoxdur” kitabı ilə bağlı “Forum 18 Xəbərlər Xidməti”ndə yazı dərc olunub.

"Ölkə.Az" xəbər verir ki, Norveç-Danimarka-İsveçin təşəbbüsü ilə fəaliyyət göstərən, qeyri-kommersiya xidməti olan “Forum 18 Xəbərlər Xidməti” kitabın ölkədə senzura ilə qarşılaşmasından, Dini Komitənin qadağa ilə bağlı gətirdiyi əsaslardan bəhs edib.

Felix Corley tərəfindən yazılan məqalədə Elşad Mirinin kitabına qoyulan qadağandan söhbət açılıb. Jurnalist ilahiyyatçının dini məzmunlu kitabların Komitənin razılığı olmadan çap edilə bilməməsini qeyd edib. Buna görə də mətbəələr bu razılıq məktubu əldə edilmədən hər hansı dini kitabı çap etmirlər.

Kitabında toxunduğu 7 mövzu isə islamda olmadığı halda insanlara təqdim edilən miflərdir. İlahiyyatçı bildirib ki, kitabının nəşrinə icazə almaq üçün yanvar ayının 15-də dini komitəyə müraciət edib.

Kitab haqqında rəy yazan ekspert isə onun qadağan olunmasına əsas gətirdiyi səbəblərdən birini bu şəkildə izah edib: “Kitabın əsas problemli məqamlarından biri bütün məzhəb alimləri tərəfindən  qəbul edilən peyğəmbərlərin məsumluq sifəti şübhə altına alınmasıdır. Müəllif israrla bəzi ayələrin zahiri mənasına isnad edərək peyğəmbərlərin, əsasən də Məhəmməd peyğəmbərin də günah işlətdiyini, səhvə yol verdiyini bildirir”.

Kitabına qoyulan qadağanın əsassız olduğu deyən ilahiyyatçı “Forum 18”ə bildirib ki, internet mediasının mövcud olduğu dünyada sərbəst düşünməyi kiməsə qadağan etmək düzgün deyil. Ölkədə senzura yoxdur ki, yazdığın bir kitaba qadağa qoyulsun.

Bundan başqa “forum18.org” saytında dərc olunan şikayətdə Elşad Mirinin kitabda toxunduğu mövzular, Cırıyevin kitabla bağlı rəydə yazdıqları, dini komitənin məsələ ilə bağlı açıqlaması, daha əvvəl komitənin Yəhova Şahidləri tərəfindən məhkəməyə verilməsi və qanuni məsələlərə toxunulub.

 

ŞƏRH YAZ
0

Sabah Bakıda bu küçələr bağlanacaq — Xocalı soyqırımının ildönümü ilə əlaqədar

Sabah Bakıda bu küçələr bağlanacaq
17:25
Bu gün
326
Ölkə
A
Fevralın 26-da Xocalı soyqırımının 26-cı ildönümünə həsr olunmuş tədbirlərlə əlaqədar olaraq Bakıda bir sıra küçələrdə nəqliyyatın hərəkəti məhdudlaşdırılacaq.

"Ölkə.Az" xəbər verir ki, Bakı Şəhər Baş Polis İdarəsi Dövlət Yol Polisi İdarəsinin Yol hərəkəti təhlükəsizliyinin təbliği və İctimai qurumlarla əlaqə bölməsinin rəisi, polis polkovniki Vaqif Əsədov "Trend"ə bildirib ki, sabah paytaxtın Xətai prospekti və Xocalı prospekti istiqamətində kəsişən bütün paralel küçə və prospektlərdə avtomobillərin hərəkətinə məhdudiyyət qoyularaq istiqamət dəyişdiriləcək:

"26 fevral saat 08:00-dan tədbir başa çatanadək Xocalı prospektinə Nəcəfqulu Rəfiyev, Yusif Səfərov, Sergey Senyuşkin, Fəzail Bayramov, Mehdi Mehdizadə, Süleyman Vəzirov, Sabit Orucov, akademik İzzət Orucov, Ayaz İsmayılov küçələrindən avtomobillərin hərəkəti məhdudlaşdırılacaq və istiqamət dəyişdiriləcək".

"Ana harayı" abidəsinə ziyarətə gələnlərdən xahiş olunur ki, ictimai nəqliyyatdan istifadəyə üstünlük versinlər.

Ölkə.Az

ŞƏRH YAZ
0

Bu gün magistraturaya qəbul imtahanı keçirilib — YENİLƏNİB

Bu gün magistraturaya qəbul imtahanı keçirilib
17:03
Bu gün
2046
Ölkə
A
Bu gün Dövlət İmtahan Mərkəzi (DİM) ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanının birinci mərhələsini keçirib.

DİM-dən "Ölkə.Az"a verilən məlumata görə, magistratura səviyyəsinə qəbul imtahanının birinci mərhələsi respublikanın 5 şəhərində – Bakı, Naxçıvan, Gəncə, Mingəçevir və Lənkəran şəhərlərində, ümumilikdə 38 imtahan binasında aparılıb.

İmtahan bütün binalarda eyni vaxtda başlanıb və 2 saat 30 dəqiqə davam edib.

İmtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahan prosesinin gedişi nəzarətdə olub. Bütün binalarda imtahan təlimata uyğun şəkildə keçirilib, bakalavrların öz bilik səviyyələrini nümayiş etdirmələri üçün zəruri şərait yaradılıb.

Fevralın 26-dan etibarən DİM-də imtahan protokollarının və cavab kartlarının emalı aparılacaq. İmtahan nəticələrinin yaxın 2-3 gün ərzində elan edilməsi nəzərdə tutulur.

***

Bu gün ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanının birinci mərhələsi keçirilir.

"Ölkə.Az" xəbər verir ki, Dövlət İmtahan Mərkəzindən (DİM) verilən məlumata görə, magistratura səviyyəsinə qəbul imtahanının birinci mərhələsi respublikanın 5 şəhərində - Bakı, Naxçıvan, Gəncə, Mingəçevir və Lənkəran şəhərlərində, ümumilikdə 38 imtahan binasında aparılır.

İmtahanda iştirak üçün 12387 bakalavr ərizə təqdim edib. Onlardan 11205 nəfəri Azərbaycan bölməsi, 1182 nəfəri rus bölməsi üzrə imtahan verir. Ərizə verənlərin 5321 nəfəri oğlan, 7066 nəfəri isə qızlardır. Bakalavrlardan 6833-ü cari ilin, 5554-ü isə əvvəlki illərin məzunlarıdır, 31 nəfər xarici ölkə vətəndaşıdır.

Qəbul imtahanı Bakı şəhərində 32, Gəncə şəhərində 3, Naxçıvan, Mingəçevir və Lənkəran şəhərlərinin hər birində bir binada təşkil olunur.

Bakıda 10705, Naxçıvanda 339, Gəncədə 838, Mingəçevirdə 292, Lənkəranda 213 bakalavrın imtahan verəcəyi gözlənilir. İmtahanın idarə olunmasına 123 imtahan rəhbəri, 1153 nəzarətçi-müəllim cəlb olunacaq. İmtahanda iştirak üçün ərizə təqdim etmiş ən yaşlı bakalavr 1961-ci il ildəndir.

Ölkə.Az

ŞƏRH YAZ
0
BAĞLA