Növbəti Avropa Oyunlarına Polşa namizəddir

Növbəti Avropa Oyunlarına Polşa namizəddir
18:50
06.06.2019
594
İdman
A
2023-cü ildə keçiriləcək III Avropa Oyunlarını keçirməyə yeganə namizəd ölkənin adı açıqlanıb.

“Ölkə.Az” xəbər verir ki, Polşa Milli Olimpiya Komitəsi yarışları iki şəhərdə - Krakov və Malopolskda keçirmək istədiyini elan edib.

Bu barədə yekun qərar iyunun 22-də Minskdə açıqlanacaq.

Qeyd edək ki, ilk Avropa Oyunları 2015-ci ildə Bakıda təşkil olunub. II Avropa Oyunları isə 21 - 30 iyunda Belarusun paytaxtı Minskdə keçiriləcək.

Ölkə.Az

ŞƏRH YAZ
0

Güləşçilərimiz bu gün 6 medal qazandılar — YENİLƏNİB-4

Güləşçilərimiz bu gün 6 medal qazandılar
18:58
Bu gün
676
İdman
A
Azərbaycanın sərbəst güləşçisi Sabir Cəfərov "Bakı 2019" Avropa Gənclər Yay Olimpiya Festivalında (EYOF) final görüşünü keçirib.

"Ölkə.Az"ın report-a istinadən məlumatına görə, 60 kq çəki dərəcəsində mübarizə aparan idmançı həlledici görüşdə Rusiya təmsilçisi Fyodor Baltuev ilə üz-üzə gəlib. Qarşılaşmadan məğlub ayrılan Cəfərov gümüş medalla kifayətlənib.

48 kq-dakı Mircava Nəbiyev İsveçrəli Tomas Fişeri məğlub edərək bürünc medala sahib olub.

Bu gün həmçinin yunan-Roma güləşçilərindən Qurban Qurbanov (48 kq) və Həsrət Cəfərov (60 kq) qızıl, qadın güləşçilərindən Gültəkin Şirinova (46 kq) ilə Mərziyə Sadıqova (61 kq) gümüş medala yiyələnib.

Qeyd edək ki, ilk yarış günüdə sərbəst güləşdə Murad Haqverdiyev (45 kq) qızıl, Əbülfəz Nəsirov (55 kq) isə gümüş medal qazanıb. Yunan-Roma güləşçilərindən Fərid Sadıxlı (45 kq) qızıl, Nihat Məmmədli (55 kq) bürünc medal əldə edib.

***

Azərbaycanın daha bir qadın güləşçisi Mərziyə Sadıqova "Bakı 2019" Avropa Gənclər Yay Olimpiya Festivalında (EYOF) final görüşünü keçirib.

"Ölkə.Az"ın report-a istinadən məlumatına görə, 61 kq çəki dərəcəsində mübarizə aparan idmançı həlledici dueldə İtaliya təmsilçisi Aurora Russo ilə üz-üzə gəlib. Rəqibinə 4:10 hesabı ilə məğlub olan Sadıqova gümüş medalla kifayətlənib.

Bundan öncə digər qadın güləşçi Gültəkin Şirinova (46 kq) da finalda uduzaraq gümüş medal qazanıb.

Qeyd edək ki, Azərbaycan güləşçiləri hələlik 4 qızıl, 3 gümüş və 1 bürünc medal əldə ediblər. Bu gün həmçinin güləşçilərdən biri final, digəri bürünc medal görüşünə çıxacaq.

***

Azərbaycanın qadın güləşçisi Gültəkin Şirinova Bakı-2019 Avropa Gənclər Yay Olimpiya Festivalında (EYOF) final görüşünü keçirib.

"Ölkə.Az"ın report-a istinadən məlumatına görə, 46 kq çəki dərəcəsində mübarizə aparan idmançı həlledici dueldə Rumıniya təmsilçisi Georgiana-Lavinia Antuka ilə üz-üzə gəlib. Rəqibinə məğlub olan Şirinova gümüş medalla kifayətlənib.

Qeyd edək ki, Azərbaycan güləşçiləri hazırda 4 qızıl, iki gümüş və bir bürünc medal əldə ediblər. Bu gün həmçinin güləşçilərdən ikisi final, biri isə bürünc medal görüşünə çıxacaq.

***

Azərbaycanın yunan-Roma güləşçisi Həsrət Cəfərov Bakı-2019 Avropa Gənclər Yay Olimpiya Festivalında (EYOF) final görüşünü keçirib.

"Ölkə.Az"ın report-a istinadən məlumatına görə, 60 kq çəki dərəcəsində mübarizə aparan idmançı finalda Rusiya təmsilçisi Maqomed Qiqiyevlə üz-üzə gəlib. Cəfərov qələbə qazanaraq qızıl medala sahib olub. Bu isə Azərbaycan güləşçilərinin 4-cü qızıl medalıdır.

Bu gün digər yunan-Roma güləşçisi Qurban Qurbanov (48 kq) da qızıl medal əldə edib. Azərbaycanın daha üç güləşçisi final, biri isə bürünc medal uğrunda görüşünə çıxacaq.

Qeyd edək ki, ilk yarış günüdə sərbəst güləşdə Murad Haqverdiyev (45 kq) qızıl, Əbülfəz Nəsirov (55 kq) isə gümüş medal qazanıb. Yunan-Roma güləşçilərindən Fərid Sadıxlı (45 kq) qızıl, Nihat Məmmədli (55 kq) bürünc medal əldə edib.

***

Azərbaycanın yunan-Roma güləşçisi Qurban Qurbanov Bakı-2019 Avropa Gənclər Yay Olimpiya Festivalında (EYOF) final görüşünü keçirib.

"Ölkə.Az"ın report-a istinadən məlumatına görə, 48 kq çəkidə yarışan idmançı həlledici görüşdə Xviça Abuladze ilə (Gürcüstan) üz-üzə gəlib.

Qarşılaşmada qalib gələn Azərbaycan təmsilçisi qızıl medal əldə edib.

Bu gün Azərbaycanın daha 4 güləşçisi final, biri isə bürünc medal uğrunda görüşünə çıxacaq.

Qeyd edək ki, ilk yarış günüdə sərbəst güləşdə Murad Haqverdiyev (45 kq) qızıl, Əbülfəz Nəsirov (55 kq) isə gümüş medal qazanıb. Yunan-Roma güləşçilərindən Fərid Sadıxlı (45 kq) qızıl¸ Nihat Məmmədli (55 kq) bürünc medal əldə edib.

Ölkə.Az

ŞƏRH YAZ
0

"Qəbələ" və "Neftçi"nin potensial rəqibi bilindi

17:10
Bu gün
285
İdman
A
Bu gün Avropa Liqasında da 3-cü təsnifat mərhələsinin püşkü atılıb.

"Ölkə.Az"ın məlumatına görə, İsveçrənin Nyon şəhərində keçirilən tədbirdə ölkəmizin Avroliqadakı təmsilçiləri “Qəbələ” və "Neftçi"nin də potensial rəqibi məlum olub. "Qırmızı-qaralar" 2-ci mərhələdə Tbilisi "Dinamo"sunu keçsə, Hollandiyanın "Feyenoord" klubu ilə qarşılaşacaq. 

"Neftçi" isə "Arsenal"ı (Rusiya) mübarizədən kənarlaşdırsa, İsrailin “Bney Yehuda” klubu ilə üz-üzə gələcək. İkinci mərhələni keçəcəyi təqdirdə "Qəbələ" 3-cü mərhələyə səfərdə, "Neftçi" evdə başlayacaq.


“Arsenal” (Tula, Rusiya)/“Neftçi” (Azərbaycan) cütünün qalibi - “Bney Yehuda” (İsrail)

"Feyenoord" (Hollandiya)/"Qəbələ" (Azərbaycan) - "Dinamo" (Tbilisi, Gürcüstan)


Qeyd edək ki, Avropa Liqasında 3-cü təsnifat mərhələsinin ilk oyunları avqustun 8-də, cavab qarşılaşmaları isə 15-də keçiriləcək.

Ölkə.Az

ŞƏRH YAZ
0
BAĞLA