Növbəti hərracın vaxtı bilindi

Növbəti hərracın vaxtı bilindi
19:17
09.10.2018
793
İqtisadiyyat
A
Əmlak Məsələləri Dövlət Komitəsi (ƏMDK) tərəfindən oktyabrın 9-da keçirilən hərracda 10 dövlət əmlakına 13 sifariş verilib.

Komitədən "Ölkə.Az"a bildirilib ki, bu dəfə özəlləşdirilən kiçik dövlət müəssisə və obyektlərindən 3-ü paytaxtda, 5-i isə digər şəhər və rayonlarda yerləşir. Bakının Suraxanı rayonu, Hövsan qəsəbəsindəki təsərrüfat malları mağazasının ümumi faydalı sahəsi 248,8 kvadratmetrdir. Qeyd edək ki, sifarişçi tərəfindən bu dövlət əmlakına 45 min manat təklif edilib. Eləcə də paytaxtın Qaradağ rayonundakı 21 saylı mağaza və Çörək kombinatının 3 saylı Qızıldaş sexi də iştirakçılar tərəfindən özəlləşdirilib.

Qeyri-yaşayış sahələri isə paytaxtın müxtəlif rayonlarında yerləşir. Sabunçu rayonu, Bakıxanov qəsəbəsindəki obyekt xidmət sahəsi üzrə gəlirli fəaliyyətə imkan verəcək. Ümumi faydalı sahəsi 57,8 kvadratmetr olan bu dövlət əmlakının hərracında 15 min manat təklif edən iştirakçı qalib elan edilib. Hərracda özəlləşən qeyri-yaşayış sahələrindən biri də Xətai rayonu, N.Tusi küçəsində yerləşir. Ümumi faydalı sahəsi 50,4 kvadratmetr olan obyektin hərracda son satış qiyməti 9 min manat olub.

Hərracda özəlləşdirilən kiçik dövlət müəssisə və obyektlərindən 4-ü kənd klublarıdır. Bunlara Göygöldəki Hacıməlik və Danayeri kənd klubları, Lənkərandakı Daşdaleqjar və Velədi kənd klubları aiddir.

Keçirilən hərraclarda biznes ideyasını reallaşdırmaq istəyənlər üçün uyğun imkanlar yaradılıb. Elektron hərrac sistemi vasitəsilə özəlləşdirmə prosedurlarında hər kəs vaxtına qənaət edərək iştirak edə bilər. Belə ki, evdən, ofisdən və internetin olduğu bütün məkanlardan prosesə onlayn formada qoşularaq əmlak sahibi olmaq olar.

Qeyd edək ki, komitə tərəfindən növbəti hərrac oktyabrın 16-da baş tutacaq. Hərraca ümumilikdə 83 dövlət əmlakı çıxarılıb. Onlardan 20-si səhmdar cəmiyyət, 13-ü kiçik dövlət müəssisə və obyekti, 11-i qeyri-yaşayış sahəsi, 39-u isə nəqliyyat vasitəsidir. Vətəndaşlar hərraca çıxarılan hər bir dövlət əmlakı ilə komitənin rəsmi saytı (emdk.gov.az) və Özəlləşdirmə portalında (privatization.az) tanış ola bilər. Hər bir dövlət əmlakı üzrə mövcud məlumat bölməsində həmin əmlakı onlayn formada sifariş vermək mümkündür.

ŞƏRH YAZ
0

Azərbaycan nefti bahalaşır

Azərbaycan nefti bahalaşır
01:30
Bu gün
433
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti fevralın 14-də 66,16 dollar/barel təşkil edib ki, bu da çərşənbə gününə olan göstəricidən 0,31 dollar/barel çoxdur.

“Ölkə.Az” xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin son qiyməti 65,4 dollar/barel təşkil edib ki, bu da əvvəlki qiymətdən 0,31 dollar/barel çoxdur.

Novorossiysk limanından yüklənən URALS neftinin son qiyməti 61,89 dollar/barel təşkil edib ki, Trend-ə görə, bu, əvvəlki qiymətdən 0,27 dollar/barel çoxdur.

Şimal dənizindən hasil edilən "Brent Dated" etalon növlü neftin son qiyməti 63,9 dollar/barel təşkil edib, bu da əvvəlki qiymətdən 0,42 dollar/barel çoxdur.

Ölkə.Az

ŞƏRH YAZ
0

Azərbaycana bir ildə milyarddan çox pul köçürülüb

Azərbaycana bir ildə milyarddan çox pul köçürülüb
19:17
15.02.2019
952
İqtisadiyyat
A
Ötən il Azərbaycana daxil olan pul baratları 1 milyard 80 milyon ABŞ dolları təşkil edib.

"Ölkə.Az" Azərbaycan Mərkəzi Bankının (AMB) 2018-ci il üzrə pul siyasəti icmalına istinadla xəbər verir ki, keçən il iqtisadi tərəfdaş ölkələrində iqtisadi artımın davam etməsi qeyri-neft ixracı ilə yanaşı, ölkəyə daxil olan pul baratlarının dinamikasına da təsir edib.

Belə ki, il ərzində ölkəyə daxil olan pul baratları 1 milyard 80 milyon dollar olub və bu, əvvəlki illə müqayisədə 6 faiz çoxdur. 

Ölkə.Az

ŞƏRH YAZ
0
BAĞLA