“Növbəti seçkilərə qədər bələdiyyələrin sayı azaldılmalıdır” — Deputat

“Növbəti seçkilərə qədər bələdiyyələrin sayı azaldılmalıdır”
13:50
12.02.2019
1751
Siyasət
A
“Bu gün ölkəmizdə bələdiyyələrin fəaliyyəti ilə bağlı kifayət qədər işlər görülür, nəzarət edilir. Qanundan kənara çıxan bələdiyyələrlə bağlı ölçü götürülür. İldən ilə bu proses daha da təkmilləşir”.

“Ölkə.Az” xəbər verir ki, bunu deputat Siyavuş Novruzov parlamentin bu gün keçirilən plenar iclasında Bələdiyyələrin fəaliyyətinə inzibati nəzarəti həyata keçirən orqanın illik məruzəsinin müzakirəsi zamanı çıxış edərkən deyib. 

O, bildirib ki,  çıxışlarda tez-tez bələdiyyələrin yeni struktur olması, onların iş mexanimzminin dövlət tərəfindən müəyyən yardımlar əsasında qurulması ilə  bağlı fikirlərə rast gəlirik:

 “Artıq 15 ildən çoxdur ki, Azrbaycanda bələdiyyələr fəaliyyət göstərir. Bələdiyyələrin özündə yeni baxış sistemi formalaşmalıdır. Bəziləri həddindən artıq səlahiyyət istəyir, bəziləri səlahiyyətləri yerinə yetirmir, başqa məqsədlər uğrunda iş aparır. Bələdiyyələr kifayət qədər təkmilləşmiş strukturdur və onlar öz təminatı ilə bağlı addımlar atmalıdırlar”.

S. Novruzov qeyd edib ki, bu gün bələdiyyə məktəbləri, bağçaları, iaşə obyektləri, klub, kinoteatrlar yoxdur: 

“Elə bələdiyyərlər var ki, onlara milyondan artıq subsidiya verilib. Onlar elektron kitabxana tikə, kompüter mərkəzləri aça bilərdi. Bələdiyyə meşələri, bağlar salmaq, örüşlər icarəyə verməklə əlavə vəsait əldə etmək olar. 20-dən atıq bələdiyyələrin statusu ilə bağlı qanun var. Növbəti bələdiyyə seçkilərinə qədər bir neçə məsələ - onların saylarının azaldılması, bələdiyyə sədrlərinin seçkili olması və tam işləyib gəlir gətirməsi mexanizmi hazırlanmalıdır”.   

Mürtəza
Ölkə.Az

ŞƏRH YAZ
0

NATO-dan Rusiyaya xəbərdarlıq

NATO-dan Rusiyaya xəbərdarlıq
23:22
26.06.2019
5963
Siyasət
A
NATO baş katibi Yens Stoltenberq Rusiyaya Orta Mənzilli Nüvə Qüvvələri Müqaviləsinə aid (INF) öhdəliklərini yerinə yetirməsi üçün müraciət edib.

“Ölkə.Az” TRT-yə istinadən xəbər verir ki, Stoltenberq əks halda NATO-nun cavab verməli olacağı barədə xəbərdarlıq edib:

“Rusyanın INF müqaviləsini xilas etmək üçün avqustun 2-ə qədər vaxtı var. Rusiyaya müqavilənin öhdəliklərini yerinə yetirməsi üçün müraciət etməyə davam edirik. Lakin bu baş verməsə, NATO cavab verməli olacaq”.

O, bu məsələnin çox ciddi məsələ olduğunu qeyd edərək, vaxtın daraldığını, NATO-nun görə biləcəyi tədbirləri müzakirə edəcəyini və bunları avqustun 2-dən sonra həyata keçirməyə başlayacağını qeyd edib.

Ölkə.Az

ŞƏRH YAZ
0

“Müharibə hələ bitməyib” — İlham Əliyev

“Müharibə hələ bitməyib”
21:05
26.06.2019
2006
Siyasət
A
“Müharibə hələ bitməyib, hər an hazır olmalıyıq ki, torpaqlarımızı azad edək”.

“Ölkə.Az” Azərtac-a istinadən xəbər verir ki, bunu Azərbaycan Prezidenti, Ali Baş Komandan İlham Əliyev Cəmşid Naxçıvanski adına Hərbi Liseydə 26 iyun - Silahlı Qüvvələr Günü münasibətilə kursantları və müəllimləri təbrik edərkən deyib.

Dövlət başçısı bildirib ki, bu gün Azərbaycan Ordusu dünya miqyasında güclü ordular sırasındadır:

“Bizim ordumuzun gücü, döyüş qabiliyyəti, peşəkarlığı artır. Bu gün ordumuz ən yüksək səviyyədədir.

Ulu Öndərin misilsiz xidmətləri Azərbaycan xalqının qəlbində daim yaşayır. Biz onun işini davam etdiririk. Ordu quruculuğu prosesi uğurla, sürətlə gedir. Müasir səviyyədə işlər görülür, hərbi texnika alınır, döyüş qabiliyyəti artır”.

İlham Əliyev vurğulayıb ki, bu gün Azərbaycan Ordusu öz gücünü göstərir və göstərməlidir:

“Biz müharibə şəraitində yaşayırıq. Müharibə hələ bitməyib və biz hər an hazır olmalıyıq ki, doğma torpaqlarımızı işğalçılardan azad edək. Əminəm ki, bu gün gələcək və Azərbaycan ərazi bütövlüyünü bərpa edəcək.

Bizim imkanlarımız artır, maddi vəziyyətimiz yaxşılaşır, orduya lazım olan texnika, silah-sursat alınır, gətirilir. Bir sözlə, biz bütün bu işləri ona görə edirik ki, daha güclü orduya malik olaq və öz ərazi bütövlüyümüzü bərpa edək”.

Prezident qeyd edib ki, Azərbaycan bu gün bütün sahələrdə uğurla inkişaf edir:

“Əminəm ki, bu inkişaf dayanıqlı olacaq. Sizə - burada oxuyan kursantlara və çalışan müəllimlərə yeni uğurlar, cansağlığı arzulayıram. Vətənin qorunması işində siz həmişə fəal olmalısınız və öz gücünüzü göstərməlisiniz. Sizi bir daha təbrik edirəm.

Bütün Azərbaycan xalqını Silahlı Qüvvələr Günü münasibətilə təbrik edir və sizə yeni uğurlar arzulayıram”.

Ölkə.Az

ŞƏRH YAZ
0
BAĞLA