Novruz Məmmədov bundan sonra universitetdə işləyəcək — TƏYİNAT

Novruz Məmmədov bundan sonra universitetdə işləyəcək
16:15
19.11.2019
2928
Ölkə
A
Azərbaycan Respublikasının sabiq Baş naziri Novruz Məmmədovun yeni vəzifəyə təyin olunub.

"Ölkə.Az" moderator.az-a istinadən xəbər verir ki, N.Məmmədov bu gün Azərbaycan Dillər Universitetinə elmi işlər üzrə prorektor təyin olunub.

Professor Əfqan Abdullayev də Azərbaycan Dillər Universitetinin Tədris işləri üzrə prorektoru vəzifəsindən azad olunub. Onun yerinə elmi işlər üzrə prorektor gətirilib.

Professor Əfqan Abdullayevin Təhsil Nazirliyində vəzifəyə gətiriləcəyi gözlənilir.

ŞƏRH YAZ
0

Son 5 ildə 160-dək cinayətkar Azərbaycana ekstradisiya edilib

Son 5 ildə 160-dək cinayətkar Azərbaycana ekstradisiya edilib
00:19
Bu gün
1242
Ölkə
A
Prezident İlham Əliyevin rəhbərliyi ilə cinayətkarlığa qarşı qəti mübarizə aparılaraq bu sahədə beynəlxalq əməkdaşlığa mühüm əhəmiyyət verilir. Respublikamız cinayətkarlıqla qlobal mübarizədə fəal iştirak edərək cinayət işləri üzrə hüquqi yardım və ekstradisiya sahəsində konvensiyalardan və ikitərəfli müqavilələrdən irəli gələn öhdəlikləri vicdanla yerinə yetirir.

"Ölkə.Az" Ədliyyə Nazirliyinin "Facebook" səhifəsinə istinadla xəbər verir ki, ölkəmiz 50 dövlət tərəfindən ratifikasiya olunmuş "Ekstradisiya haqqında" 1957-ci il tarixli Avropa Konvensiyasının iştirakçısı olmaqla Ədliyyə Nazirliyi tərəfindən səlahiyyətli qurum kimi həmin dövlətlərlə, habelə MDB çərçivəsində müvafiq konvensiyalar üzrə səmərəli əməkdaşlıq edir. Eyni zamanda, nazirlik cinayət törətmiş şəxslərin təslim edilməsinə – ekstradisiyasına dair bir sıra Asiya, Afrika və Ərəb dövlətləri ilə ikitərəfli müqavilələr bağlayıb. Bütün bunlar cinayətkarların özünü təhlükəsizlikdə hiss etmələrinin qarşısını alan çox mühüm təsirli mexanizm olmaqla cəzanın labüdlüyü prinsipini təmin edir.

Bu sahədə səmərəli beynəlxalq əməkdaşlıq çərçivəsində ötən beş il ərzində 160-dək cinayətkarın Azərbaycana ekstradisiya edilməsinə nail olunub.

Azərbaycan Respublikası ilə Əlcəzair Xalq Demokratik Respublikası arasında imzalanmış ekstradisiya haqqında Sazişin implementasiyası çərçivəsində özgənin əmlakını ələ keçirərək külli miqdarda ziyan vurmaqla əməl törətmiş və barəsində İnterpolun xətti ilə beynəlxalq axtarışa verilmiş şəxsin Azərbaycana ekstradisiyası ilə bağlı danışıqlar aparılıb, Ədliyyə Nazirliyinin Əlcəzair tərəfinə göndərdiyi sorğu təmin edilərək həmin şəxsin təslim edilməsinə razılıq verilib və o, nazirliyin əməkdaşlarının müşayiəti ilə bu günlərdə ölkəmizə gətirilib.

Nazirlik tərəfindən bu sahədə lazımi tədbirlər bundan sonra da davam etdiriləcək.

ŞƏRH YAZ
0

Şirin suya həsrət qalan Maştağa sakinləri: Camaat aya uçur, biz şəhərdə su axtarırıq — VİDEO

Şirin suya həsrət qalan Maştağa sakinləri: Camaat aya uçur, biz şəhərdə su axtarırıq
23:36
24.01.2020
1185
Ölkə
A
Maştağanın “Daş karxanası” adlanan ərazisində yaşayan minlərlə sakin uzun illərdir ki, şirin suya həsrət qalıb.

"Ölkə.Az"ın məlumatına görə, sakinlər bildirirlər ki, yaşadıqları ərazidən cəmi iki kilometr məsafədən su xətləri keçsə də, onlar burda susuzluqdan əziyyət çəkirlər. Əlacsız qalan sakinlər ya hər həftə 40 manat verib maşınla su gətizdirməli olurlar, ya da hər gün bataqlıq yollarla iki kilometrə yaxın məsafə qət edərək qablarla su daşımalı olurlar. 

Hər gün qablarda su daşıyan sakinlərdən biri vəziyyəti belə izah edib: “Yoruluruq, bu qədər əzab olar? Camaat aya uçur, biz paytaxtda su axtarırıq”.

Dözülməz vəziyyətlə bağlı sakinlər dəfələrlə məsul qurumlara müraciətlər ünvanlayıblar. Hər dəfə isə onlara növbəti ildə problemin həll olunacağı ilə bağlı vədlər verilib. Amma, təssüflər olsun ki, illər dəyişsə də, vəziyyət dəyişməyib.  

Problemlə bağlı “Azərsu” ASC-nin mətbuat xidmətinin rəhbəri Anar Cəbrayıllı sakinləri ən azı bir il səbrli olmağa çağırıb.  

Qurum rəsmisinin sözlərinə görə, ya bu ilin sonu, ya da ən geci 2021-ci ilin əvvəlində ərazidə şirin su problemi aradan qalxacaq. Onun sözlərindən aydın oldu ki, ana xətt ilə təxminən bir kilometr məsəfəyə şirin su xətti çəkilməsi üçün “Azərsu” ASC-yə bir ildən çox vaxt lazımdır. (oxu.az)

ŞƏRH YAZ
0
BAĞLA