“İlqar Məmmədov azadlığa buraxıla bilər...” — Prezidentin köməkçisindən MÜHÜM AÇIQLAMA

“İlqar Məmmədov azadlığa buraxıla bilər...”
14:54
07.12.2017
7042
Siyasət
A
"Müstəqillik illərində Qərbdə və Avropada müəyyən dairələrin Azərbaycanla bağlı proseslərə ədalətli mövqe nümayiş etdirməməsi Azərbaycan ictimaiyyətini artıq son dərəcə narahat edir. Belə mövqenin yeni bir nümunəsi dekabrın 5-də Avropa Şurasında İlqar Məmmədovla bağlı məsələnin müzakirəsi zamanı özünü göstərdi".

"Ölkə.Az" APA-ya istinadən məlumat verir ki, bunu Azərbaycan Respublikası Prezidentinin Xarici siyasət məsələləri üzrə köməkçisi – şöbə müdiri Novruz Məmmədov deyib.
 
N. Məmmədovun sözlərinə görə, İlqar Məmmədovla bağlı məsələ artıq bir müddətdir ki, Avropa Şurasının fəaliyyətinə istiqamət verə biləcək fiqurlardan olan baş katib Yaqlandın yuxusuna haram qatıb: "O elə hesab edir ki, hansı məqsədlərə xidmət etdiyini heç kim bilmir. Görünür, Yaqlandın məqsədi İlqar Məmmədov məsələsini əlində “insan haqlarının müdafiəçisi” bayrağı edərək, nəyin bahasına olursa olsun, Azərbaycanı “cəzalandırmaq”, Azərbaycana özünün nəyə qadir olduğunu nümayiş etdirməkdir.
 
Düşünür ki, buna asanlıqla nail ola bilər. Nahaq yerə Avropa İttifaqını - xristian klubu adlandırmırlar ki! Niyə Avropa Şurası da xristian klubu olmasın. İslamofobiyanın bu səviyyəyə çatdığı bir zamanda ona kim mane ola bilər. Elə bu yolla da istədiyi “əsas məqsədinə” çata bilər. Belə olmasaydı, ötən illər ərzində, Avropa Şurasına üzv ola-ola Azərbaycanın ərazilərini işğal altında saxlayan Ermənistanla əlaqədar, heç olmasa, bircə dəfə bir yerdə bir söz deyər, mövqe bildirərdi. Amma əfsuslar. Daim insan haqlarından, öhdəlikdən danışan bu Avropa qurumunun, sanki, heç bir öhdəliyi yoxdur. Başqa dövlətin ərazilərini işğal altında saxlayan dövlət Yaqlandın mövqeyinə görə heç bir məsuliyyət daşımır".
 
N. Məmmədov bildirib ki, Ermənistanın uzun illərdir Azərbaycan torpaqlarını işğal altında saxlamasına, orada yaşayan 1 milyondan artıq Azərbaycanlının təməl hüquqlarını pozmasına, Xocalı soyqırımını törətməsinə baxmayaraq, ona qarşı heç bir tədbir görülmür, hər hansı sanksiya tətbiq edilmir və bu ölkə hələ də insan hüquqlarının simvolu olan Avropa Şurasının üzvüdür: "Avropa dəyərləri budurmu? Nə səbəbə Avropa İttifaqından öz ərazi bütövlüyünə dəstək almaq üçün Azərbaycan 26 il gözləməli idi?
 
Dağlıq Qarabağın Ermənistan tərəfindən işğalına biganə yanaşan Avropa özü bu gün separatizmlə üzləşdiyindən məsələyə mövqeyini dəyişməyə, öz üzvlərinin ərazi bütövlüyünü dəstəkləyən bəyanatlar verməyə başlayıb ki, bu da ikili standartların bariz nümunəsidir. Halbuki, biz dəfələrlə separatizmə qarşı vahid mövqeyin formalaşdırılmasının zəruriliyini, separatizmin bumeranq effekti verərək, Avropanın özünə qayıdacağı barədə fikirlər bildirmişik.
 
Əgər Avropa Şurası belə addımlarla Azərbaycanı qurumdan kənarlaşdırmaq niyyətini əsaslandırmağa çalışırsa, buna heç bir ehtiyac yoxdur. Azərbaycan Avropa Şurasına üzv olduğu dövrdən etibarən, Avropa Şurası ilə həyata keçirdiyi beynəlxalq əməkdaşlıq layihələri, müxtəlif təşkilatlar çərçivəsində göstərdiyi yardımlar barəsində heç olmasa bir müsbət fikir eşitmək əvəzinə, qarşılaşdığı hər bir məsələdə həm qurumun, həm də onun rəhbərliyinin qərəzli münasibəti ilə üzləşib.
 
Azərbaycan Avropa Şurasının tam hüquqlu üzvüdür. Bununla belə, Azərbaycanın təşkilatdan çıxması faciə deyil. Avropa Şurasının digər üzv ölkələrində baş verən beynəlxalq hüquq və insan hüquqlarının, eləcə də Avropa Şurası Nizamnaməsinin pozuntuları, təşkilatın bir üzv ölkəsinin digərinin ərazisini işğalı, təşkilat qarşısında öhdəliklərin yerinə yetirilməməsi (üzvlük haqqının ödənilməməsi, məhkəmə qərarlarının icra edilməməsi, jurnalist, vətəndaş cəmiyyəti nümayəndələrinə qarşı təzyiqlər və onların fəaliyyətinə məhdudiyyətlər) və Avropa İnsan Hüquqları Məhkəməsinin minlərlə qərarının icra edilməməsi fonunda yalnız Azərbaycana qarşı belə bir addım beynəlxalq hüquqa - ədalətə məhəl qoymamaqdan, yuxarıda qeyd etdiyimiz münasibətin davamından başqa bir şey deyil.
 
Beləliklə, Avropa Şurası Avropa İnsan Hüquqları Konvensiyasının 46.4-cü maddəsini həmin dövlətlərə deyil, məhz ilk olaraq Azərbaycana qarşı tətbiq etməyə çalışır. Ermənistanda mövcud olan çoxsaylı insan hüquqları pozuntularının təsbit olunması fonunda bu ölkə haqda heç bir tənqidi fikrin belə söylənilməməsi AŞ Nazirlər Komitəsinin bu qərarı ilə bağlı ciddi suallar doğurur.
 
Bu isə yenə də müsəlman dövlətə qarşı qərəzli mövqe ortaya qoyur və islamofobiyanın müəyyən formada təzahürü deyilmi? Hətta ikitərəfli danışıqlar zamanı özünü dost kimi göstərməyə çalışan bəzi dövlətlər də səsvermə zamanı tamam başqa cür hərəkət edir.
 
Halbuki Azərbaycan sözügedən qərarın icrası üçün bütün mümkün vasitələrdən istifadə etməklə bağlı öz vədlərinə sadiq qalaraq, Prezidentin sərəncamı ilə müvafiq qanunvericilik islahatlarının aparılmasına davam edir. Bu xüsusda, qanunvericiliyə edilmiş dəyişikliklərə uyğun olaraq, 2017-ci ilin dekabrın 1-dən etibarən İ.Məmmədov məhkəməyə müraciəti əsasında cəza müddətinin 2/3 hissəsini çəkdiyinə görə şərti azadlığa buraxılma hüququna malik ola bilər. Bununla yanaşı, Azərbaycan tərəfi məsələnin digər həll yollarının axtarılması üçün konstruktiv danışıqlara gedə bilər.
 
Lakin Avropa Şurasının bir qurumu prosesin hansı istiqamətdə gedəcəyini nəzərə almadan müəyyən dairələrin təsiri altına düşərək qərəzli mövqelərini davam etdirir. Vəziyyətin bu dərəcəyə çatmasında isə Yaqlandın həlledici rolu göz qabağındadır.
 
Son bir neçə onillikdə beynəlxalq aləmdə eləcə də Avropada baş verən hadisələr və proseslər, bunların nəticəsində müxtəlif ölkələrdə yüz minlərlə insanın tələf olması, milyonlarla insanın evindən – ocağından didərgin düşərək qaçqına çevrilməsi, minlərlə şəhərin, kəndin xaraba qalması və sonda yaranmış gərginlik beynəlxalq birliyi və onun liderlərini daha çox narahat etməli və düşündürməlidir. Bu gün radikalizm, terrorizm, separatizm, miqrasiya, kütləvi qırğın silahlarından istifadə nə üçün belə geniş vüsət alıb? Bütün bunların səbəbləri nədir? Dünya birliyi hara istiqamət götürüb? Sabit, təhlükəsiz və davamlı inkişafı təmin edən gələcəyə tam təminat və əminlik varmı?
 
Yaqlandı tanıyanlarda da, tanımayanlarda da sual yarana bilər: Onun fəaliyyətinə belə münasibətə ehtiyac varmı? Əminliklə, “var” deyirəm. Ona görə ki, bu yolla dünya düzəninin indiki vəziyyətə düşməsinə töhfə verilir.
 
Təəssüflər olsun ki, elə bu günlərdə atılan addımlar da əvvəlkilərin davamından başqa bir şey deyil. Əminəm ki, dünyanın hər yerində, elə Avropada da mənim fikirlərimi bölüşənlər çoxdur".

ŞƏRH YAZ
0

"Paşinyan əvvəlcə gedib öz ailədaxili problemlərini həll etsin" — Bayram Səfərovdan SƏRT AÇIQLAMALAR

17:08
Bu gün
450
Siyasət
A
Şuşa Rayon İcra Hakimiyyətinin başçısı, Dağlıq Qarabağın Azərbaycanlı İcmasının rəhbəri Bayram Səfərov Ermənistan rəhbəri Nikol Paşinyanın Azərbaycanı müharibə ilə hədələməsinə cavab verib.

B.Səfərov "Ölkə.Az"a açıqlamasında bildirib ki, Nikol Paşinyan məsuliyyətsiz və qeyri-ciddi siyasətçidir:

"Paşinyan əvvəlcə gedib öz ailədaxili problemlərini həll etsin. Çünki Paşinyanın arvadı Azərbaycana müraciət edərək dövlətimizi sülhə çağırır, ancaq özü isə müharibədən dəm vurur. Buradan da bəlli olur ki, Paşinyan "nümunəvi" erməni ailəsinin başçısıdır". 

İcma rəhbəri deyib ki, Nikol Paşinyan hakimiyyətə təsadüfən gələn adamdır:

"O, hakimiyyətə küçədən gələn adamdır. Axı Paşinyan nə bilir ki, xalq, millət, dövləti idarəetmək nədir? O, tam təsadüf nəticəsində hakimiyyətə gəlib. Bunun da əsas səbəbi Robert Köçəryan və Serj Sarkisyanın erməni əhalisinə zülm verməsi oldu. Erməni əhalisi məcburiyyətdən Paşinyanı hakimiyyətə gətirdi. İndi də Paşinyan Azərbaycanı öz aləmində müharibə ilə hədələyir. Ancaq bir gün dilinin bəlasına gələcək. Azərbaycan ordusu dünyanın ən güclü və müasir 50 ordusu arasında dayanır. Ona görə də Ermənistan rəhbərliyinin müharibədən danışmağa dili olmamalıdır. Misal var ki, tülkü ayının kölgəsində yatıb öz kölgəsi hesab edir. İndi Ermənistan da belədir. Nə Ermənistan dövlətinin, nə də əhalisinin Azərbaycana qarşı müharibə etməyə gücü və cəsarəti çatmaz". 

İcra başçısı qeyd edib ki, Nkol Paşinyan ötən əsrin 90-cı illərində Azərbaycana rəhbərlik etmiş AXC-Müsavat üzvlərinin bənzəridir:

"Nikol Paşinyan 1990-1992-ci illərdə Azərbaycanı idarə etmiş rəhbər şəxslərin tərs üzüdür. O vaxtı da AXC-Müsavat üzvlərinin məsuliyyətsiz, səriştəsiz və qeyri-ciddi hərəkətləri üzündən torpaqlarlarımızın 20 faizi erməni işğalı altına düşdü. Gərək ki, bu gün AXC-Müsavat funksionerlərinin dili olmasın danışmağa. Çünki onların ucbatından torpaqlarımız işğal olunub. Bu gün Paşinyan kimi yaramazların bu gün Azərbaycanı hədələməsi AXC-Müsavat hakimiyyətinin vaxtilə yol verdiyi böyük səhvlərə görədir. Bu gün Paşinyan hakimiyyəti də səriştəsizliyinə görə AXC-Müsavat hakimiyyətindən fərqlənmir. Ancaq bu gün güclü Azərbaycan ordusu və onun cənab İlham Əliyev kimi Ali Baş Komandanı var. Allahın köməyi ilə Ali Baş Komandan tezliklə torpaqlarımızı işğaldan azad edəcək. Azərbaycan xalqı bu cür qələbələrdən bir qismini 2016-cı ilin aprel döyüşləri zamanı görüb. Həmin vaxtı Ermənistan rəhbərliyi qorxusundan ağız açmadığı ölkə qalmamışdı. Yalvararaq sülh imzaladılar. Axı nə üçün Paşinyan 2 il əvvəlki hallarını xatırlamır? Mən Paşinyanı xəbərdar edirəm ki, ağılını başına yığsın. Cənab İlham Əliyevin də söylədiyi kimi, Ermənistan hakimiyyəti ağılını başına yığmasa, onlar üçün pis olacaq. Çünki Azərbaycan xalqı və ordusu Ali Baş Komandanla bir yerdədir. Bu gün Azərbaycan xalqı ordusu naminə canından keçməyə, Milli Ordu isə torpaqlarımızı erməni işğalından azad etməyə tam hazırdır. Ona görə də Paşinyana məsləhət görürüəm ki, ağılını başına yığıb bir tikə çörəyini düşünsün. Ən əsası da işğalçılıq siyasətindən əl çəksin. İşğal olunan torpaqların öz yiyəsi var. Möhtərəm Prezidentimiz İlham Əliyevin başçılığı altında biz hamımız o torpaqlara ən yaxın zamanlarda qayıdacağıq. Nə yolla olursa olsun, bu baş tutacaq. Sadəcə olaraq hələlik danışıqlar yolunu seçmişik, istəmirik ki, qan tökülsün".

B.Səfərov Azərbaycan daxilində müharibə çağırışları edən bir sıra müxalifət qüvvələrini də təxribatlara getməməyə çağırıb:

"Bəzən eşidirəm ki, bir sıra müxalifət partiyaları Azərbaycan rəhbərliyini nə üçün dərhal müharibəyə başlamamaqda qınayır. Ancaq bu cür çağırışlar yersizdir. Həmin adamların əksəriyyəti AXC-Müsavat partiyası üzvləridir. Bu adamların cənab Prezidentə məsləhət verməyə nə mənəvi haqqı, nə də ağılı çata bilməz. Çünki həmin qüvvələrin hakimiyyətini də gördük. Azərbaycan xalqı AXC-Müsavat hakimiyyətinin nəyə qadir olduğunu yaxşı bilir. Möhtərəm Prezidentimiz nəyi nə zaman edəcəyini hamımızdan yaxşı bilir. Cənab Prezident İlham Əliyev sülhpərvər və hümanist siyasətçidir. Eyni zamanda möhtərəm Prezidentimizin uzaqgörən siyasəti və ağılı var. Ona görə də kiminə cənab Prezidentə nəyisə məsləhət verməsi gülməlidir. Həmin AXC-Müsavat hakimiyyəti və digər siyasi partiya nümayəndələrinin apardığı siyasət nəticəsində torpaqlarımız işğal altına düşüb. Bu gün onların məsləhətinə ehtiyac yoxdur. Əgər AXC-Müsavat belə bacarıqlıs siyasət aparırdısa, torpaqlarımız nə üçün işğal altına düşürdü? Onların lazımsız siyasətləri özlərinə qalsın. Hələ utanmadan bu gün çıxıb camaat içərisində də danışa bilirlər. Artıq heç kəs onlara güvənmir. Məsləhətə qalsa, cənab Prezident İlham Əliyev çox ölkənin rəhbərlərinə ağıllı məsləhətlər verir".

Vasif Həsənli
Ölkə.Az

ŞƏRH YAZ
0

Omanın Dövlət Şurasının sədri Azərbaycandadır

Omanın Dövlət Şurasının sədri Azərbaycandadır
16:55
Bu gün
140
Siyasət
A

Oman Respublikasının Dövlət Şurasının sədri Yahya bin Məhfuz Əl-Munziri Azərbaycan parlamentinin 100 illiyi münasibətilə keçiriləcək təntənəli iclasda iştirak etmək üçün Bakıya səfərə gəlib.

“Ölkə.Az” xəbər verir ki, Heydər Əliyev Beynəlxalq Aeroportunda Yahya bin Məhfuz Əl-Munzirini Milli Məclis sədrinin birinci müavini Ziyafət Əsgərov və digər rəsmi şəxslər qarşılayıblar.

ŞƏRH YAZ
0
BAĞLA