Novruz Məmmədov iclas keçirdi

Novruz Məmmədov iclas keçirdi
12:10
11.10.2018
830
Siyasət
A
Azərbaycan Respublikasının Prezidenti İlham Əliyevin sədrliyi ilə keçirilən Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında qaldırılan məsələlərlə əlaqədar Baş nazir Novruz Məmmədovun yanında Nazirlər Kabineti Aparatının iclası olub.

Nazirlər Kabinetinin Mətbuat xidmətindən "Ölkə.Az"a verilən məlumata görə, sosial-iqtisadi sahədə ölkəmizin əldə etdiyi uğurlu nəticələrdən, iqtisadi islahatların daha da dərinləşdirilməsi istiqamətində aparılan məqsədyönlü işlərdən danışan Baş nazir Novruz Məmmədov vurğulayıb ki, iclasda Prezident İlham Əliyevin qeyd etdiyi kimi, beynəlxalq mövqeləri daha da möhkəmlənən Azərbaycan regionda sabitliyin, təhlükəsizliyin, əməkdaşlığın inkişafına töhfə verir: "Eyni zamanda ölkəmizdə iqtisadiyyat sahəsində islahatların dərinləşməsi, iqtisadiyyatın rəqabətliliyinin artırılması üçün önəmli addımlar atılır. Xüsusən sənaye istehsalında, qeyri-neft sektorunda mühüm işlər görülür. Ölkədə makroiqtisadi vəziyyət sabitdir, investisiya və infrastruktur layihələri ardıcıl icra edilir, əhalinin aztəminatlı hissəsinin, şəhid ailələrinin, Qarabağ müharibəsi əlillərinin, məcburi köçkünlərin sosial problemləri daim dövlətin diqqət mərkəzindədir. Dövlət başçısının dediyi kimi, bu il Cənub Qaz Dəhlizinin, TANAP layihəsinin açılışları böyük nailiyyətlərdir. Bu yaxınlarda "Azerspace-2" peykinin orbitə çıxarılması, həmçinin Sumqayıtda, Mingəçevirdə, Masallıda Sənaye parklarının yaradılması uğurlu işlərimizdəndir. İnfrastruktur layihələri ilə bağlı nəzərdə tutulan bütün məsələlər öz müsbət həllini tapır. Kənd təsərrüfatının inkişafına, bölgələrdə məşğulluğun artırılmasına dövlət qayğısı da öz yüksək səmərəsini göstərməkdədir. Pambıqçılıq, üzümçülük, meyvəçilik, tərəvəzçilik sahələrində böyük irəliləyişlər müşahidə olunur".

Yekunda sosial-iqtisadi inkişafın nəticələrinə dair ətraflı fikir mübadiləsi aparıldıqdan sonra Baş nazir Novruz Məmmədov Azərbaycan Respublikasının Prezidenti İlham Əliyevin müşavirədə verdiyi tapşırıqların icrası ilə əlaqədar Nazirlər Kabineti tərəfindən həyata keçirilməsi nəzərdə tutulan tədbirlərlə bağlı Nazirlər Kabineti Aparatının aidiyyəti şöbələrinə müvafiq göstərişlər verib.

ŞƏRH YAZ
0

Aqrar sığorta kənd təsərrüfatının inkişafına böyük töhfə verəcək — Millət vəkilləri

Aqrar sığorta kənd təsərrüfatının inkişafına böyük töhfə verəcək
13:35
Bu gün
108
Siyasət
A
Deputatlar hesab edirlər ki, aqrar sığorta kənd təsərrüfatının inkişafına böyük töhfə verəcək.

“Ölkə.Az” xəbər verir ki, Milli Məclisin Aqrar siyasət komitəsinin bu gün keçirilən iclasında “Aqrar sığorta haqqında” qanun layihəsi birinci oxunuşda müzakirə olunub.

 Layihə ətrafında çıxış edən deputatlar qanunla bağlı fikirlərini bildiriblər.

 Deputat İqbal Məmmədov deyib ki, indiyədək aqrar sahədə çalışan insanların  kənd təsərrüfatı məhsullarının sığortalanmasında ciddi problemlər var idi:

“Sığorta şirkətləri ilə imzalanan müqavilərlər də çox çətin olurdu. Bu da aqrar sahədə çalışan insanlar üçün ciddi risklər yaradırdı. Ancaq bu qanun qəbul edilib, tətbiq edildikdən sonra kənd təsərrüfatı sahəsində çalışanlar üçün böyük köməklik olacaq”.

 Deputat Hüseynbala Mirələmov da qanun layihəsinin kənd təsərrüfatının inkişafına töhfə verəcəyini qeyd edib. “Bir təklifim var ki, qanunun dili sadələşdirilməlidir”, - deyə deputat bildirib.

 Deputat Aydın Hüseynov da bildirib ki, adı çəkilən qanun xüsusən qeyri-neft sektorunun inkişafına  təkan verəcək.

 Mürtəza
Ölkə.Az

 

 

ŞƏRH YAZ
0

İlham Əliyevlə Putin Pekində görüşdü — YENİLƏNİB

İlham Əliyevlə Putin Pekində görüşdü
13:01
Bu gün
389
Siyasət
A
Aprelin 26-da Pekində Azərbaycan Respublikasının Prezidenti İlham Əliyevin və Rusiya Federasiyasının Prezidenti Vladimir Putinin görüşü olub.

Bu barədə Azərbaycan Prezidentinin Mətbuat xidməti məlumat yayıb.

"Yeni görüşümüzə görə çox şadam. Görüşlər əlaqələrimizin inkişafına çox ciddi təkan verir. Biz mütəmadi görüşük və əlbəttə ki, bütün sahələrdə qarşılıqlı fəaliyyətin və əməkdaşlığın vacib məsələlərini həll edirik".

"Ölkə.Az" xəbər verir ki, bu sözləri Azərbaycan Prezidenti İlham Əliyev rusiyalı həmkarı Vladimir Putinlə görüşündə deyib.

Rusiya prezidentinin saytında dərc olunan materialda qeyd olunub ki, İ.Əliyev Rusiya-Azərbaycan əlaqələrinin inkişafından məmnunluğunu dilə gətirib:

“Biz əlaqələrimizin inkişafından məmnunuq. O, bütün sahələri əhatə edir və fəal siyasi dialoq aparılır. Biz ticarət dövriyyəsinin artımını müşahidə edirik. 

Qeyd etdiyiniz kimi, konkret layihələrin inkişafı üçün xüsusi mexanizm var. İşgüzar dairələrdə bir yerdə işləmək üçün böyük maraq var. 

Əlbəttə, əməkdaşlığın ən əhəmiyyətli istiqaməti nəqliyyat-logistika sektorudur. Burada da bizim yaxşı nəticələrimiz var. Enerji, kənd təsərrüfatı, humanitar əməkdaşlıq...

Düşünürəm ki, bu gün qarşılıqlı əlaqələr istər ikitərəfli gündəlikdə, istərsə də regionalda dayanan istənilən məsələni həll etməyə imkan verir. Buna görə də əminəm ki, bu görüşümüz də dostluq, mehriban qonşuluq, qarşılıqlı hörmət əsasında formalaşdırılan əlaqələrimizin gələcək inkişafına yaxşı təkan verəcək. Biz bu əlaqələri yüksək qiymətləndiririk və bu əlaqələrin daha da inkişaf edəcəyinə inanırıq”.

***

Bu gün Pekində 2-ci “Bir kəmər, bir yol” Beynəlxalq Əməkdaşlıq Forumu işə başlayıb.

Azərbaycan Respublikasının Prezidenti İlham Əliyevin rəhbərlik etdiyi nümayəndə heyəti Forumda iştirak edir. Forum çərçivəsində Azərbaycan Prezidenti İlham Əliyevlə Rusiya Prezidenti Vladimir Putin arasında görüşün keçiriləcəyi gözlənilir.

"Ölkə.Az" xəbər verir ki, bu barədə jurnalistlərə açıqlamasında Rusiya prezidentinin köməkçisi Yuriy Uşakov məlumat verib. 

Uşakovun sözlərinə görə, görüşdə ikitərəfli əlaqələr və beynəlxalq məsələlərlə bağlı dialoqun aparılması nəzərdə tutulub. 

Ölkə.Az

ŞƏRH YAZ
0
BAĞLA