Novruz Məmmədov nazirləri topladı — FOTO

Novruz Məmmədov nazirləri topladı
16:59
24.09.2018
6242
Siyasət
A
Sentyabrın 24-də Azərbaycan Respublikasının Baş naziri Novruz Məmmədovun sədrliyi ilə “Azərbaycan Respublikası Nazirlər Kabinetinin 2018-ci il üçün iş planı”na uyğun olaraq, Nazirlər Kabinetinin növbəti iclası keçirilib.

İclasda Azərbaycan Respublikasının 2019-cu il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəriciləri, Azərbaycan Respublikasının 2019-cu il və gələn üç il üzrə iqtisadi və sosial inkişaf konsepsiyası və proqnoz göstəriciləri müzakirə edilib.

Son illər Azərbaycan Respublikasının Prezidenti İlham Əliyevin rəhbərliyi ilə həyata keçirilən uğurlu iqtisadi siyasətin ölkəmizin dinamik inkişafına rəvac verdiyini vurğulayan Baş nazir Novruz Məmmədov, bu baxımdan gələn ilin dövlət büdcəsinin layihəsinin də əldə olunan nailiyyətlər zəminində, habelə dünyada gedən qlobal maliyyə-iqtisadi proseslər nəzərə alınmaqla tərtib edildiyini bildirdi. 

O qeyd etdi ki, layihənin hazırlanmasında dövlət büdcəsinin həmişəki kimi sosialyönümlü olması, əhalinin maddi rifahının daim yüksəldilməsi əsas götürülüb, xüsusilə qeyri-neft sektorunun inkişafına dəstək verilməsi, dövlətin müdafiə qüdrətinin və təhlükəsizliyinin təmin edilməsi, beynəlxalq müstəvidə nüfuzunun daha da artırılması kimi mühüm amillərə diqqət yetirilib.

Sonra gündəlikdə duran məsələlərə dair Azərbaycan Respublikası maliyyə nazirinin və Azərbaycan Respublikası iqtisadiyyat nazirinin müavininin məruzələri dinlənildi.

Geniş müzakirələrdən sonra qərara alındı ki, təqdim olunan büdcə layihələri bəyənilsin və “Büdcə sistemi haqqında” Azərbaycan Respublikasının Qanununa müvafiq olaraq, büdcə zərfinə daxil olan sənədlər toplusu Azərbaycan Respublikasının Prezidentinə təqdim edilsin.

ŞƏRH YAZ
0

Britaniya səfiri: "Bakı Avropa Liqasının final matçının keçirilməsinə ciddi hazırlaşıb"

Britaniya səfiri:
11:47
Bu gün
315
Siyasət
A
"Azərbaycan beynəlxalq tədbirlərin keçirilməsində kifayət qədər geniş təcrübəyə malikdir".

"Ölkə.Az" Report-a istinadən xəbər verir ki, bunu Böyük Britaniyanın Azərbaycandakı səfiri Kerol Krofts mətbuat konfransında deyib.

"Təhlükəsizlik məsələlərinə gəlincə, ölkə hər zaman beynəlxalq təcrübəyə uyğun olaraq bütün təhlükəsizlik tədbirlərini yerinə yetirir", - o bildirib.

Səfir həmçinin qeyd edib ki, Bakı Avropa Liqasının final matçının keçirilməsinə ciddi hazırlaşıb: "Azarkeşlər artıq Azərbaycanla, Bakı ilə və fantastik stadionla tanış olublar".

Ölkə.Az

ŞƏRH YAZ
0

Elmar Məmmədyarovdan Ramil Səfərova DƏSTƏK

Elmar Məmmədyarovdan Ramil Səfərova DƏSTƏK
11:15
Bu gün
385
Siyasət
A
Azərbaycan Xarici işlər naziri Elmar Məmmədyarov Rusiyanın “Kommersant” qəzetinin əməkdaşının Ramil Səfərovla bağlı ona ünvanladığı suala özünəməxsus formada etiraz edərək cavabını verib.

“Ölkə.Az” xəbər verir ki, nazir bildirib ki, Qarabağ münaqişəsinin həlli ilə bağlı beynəlxalq təşkilatlar tərəfindən çoxsaylı qətanmələrin, qərarların olmasına baxmayaraq, ermənilər tərəfindən  nəinki işğlaçılıq siyasəti  nəticəsində  işğal olunan ərazilərdə etnik təmizləmə siyasəti həyata keçirildi, hətta 1992-ci ildə Xocalıda dinc insanlara qarşı soyqırım aktı həyata keçirilib, onlar məhz azərbaycanlı olduğu üçün soyqırıma məruz qalıblar:

 “2016-ci il aprel hadisələrinin baş verməsinə səbəb mövcud status-kvonun dəyişməməsi,  etnik təmizləmə siyasətinin davam etməsi çox böyük risk yaradır və bu risk  istənilən an  münaqişə bölgəsində hərbi eskalasiyaya səbə ola bilər.

Ona görə də bütün bu problemlərin kökündə  atəşkəsin  rejimin pozulması,  müharibə riskinin artmasına səbəb olur. Xüsusən də  Ermənistan Silahlı Qüvvələrinin  Azərbaycanın işğal olunmuş ərazilərində qeyri-qanuni möhkəmlənməsinin davam etməsi  yüz minlərlə məcburi köçkünün öz yurdlarına   qayıtmasına  imkan vermir.   O cümlədən Ramil Səfərovun da ailəsi qovulduğu Cəbrayıl rayonuna qayıda  bilməyib. Bax, baş verən hadisələrin kökündə bu dayanır”.

Ölkə.az

ŞƏRH YAZ
0
BAĞLA