Novruz Məmmədov: "Qarabağda yeni müharibə alovlana bilər"

Novruz Məmmədov:
13:01
17.07.2017
14
Siyasət
A
Azərbaycan prezidentinin xarici siyasət üzrə köməkçisi Novruz Məmmədov "RİA Novosti" agentliyinə müsahibə verib.

"Ölkə.Az" xəbər verir ki, cənab Məmmədov müsahibəsində bir çox məqamlara aydınlıq gətirib.

Novruz Məmmədov bildirib ki, beynəlxalq məsələlərdə uğurdan danışmaq çox çətindir. Çünki Varşava müqaviləsinin fəaliyyəti başa çatdıqdan sonra dünyada ədalət prinsipi qalmayıb. Prezidentin köməkçisi deyib: "Dünyanın bu gün belə bir vəziyyətdə olmasının səbəbi ədalətin olmamasıdır. Varşava müqaviləsindən sonra dünya ədalət prinsiplərini saxlaya bilmədi. Əgərr beynəlxalq münasibətlərdə ədalət yoxdursa, universal dəyərlərdən danışmağın nə mənası var?"

Novruz Məmmədov Qarabağ münaqişəsinə də toxunub və bildirib ki, bu münaqişənin ədalətli qiyməti əngəllərlə qarşılaşır: "Bu gün elə bir vəziyyət yaranıb ki, bir müharibə ilə heç nəyi həll etmək olmur. Çünki münaqişə başqa bir münaqişə yaradır. Super güclər isə bu məsələdə fəal iştirak edirlər".
Prezidentin köməkçisi həm də qeyd edib ki, Qarabağ münaqişəsi hər an yeni qüvvə ilə alovlana bilər. Çünki bu münaqişə geosiyasi oyunların nəticəsində meydana çıxıb.

"Dağlıq Qarabağ münaqişəsi 25 ildən çoxdur ki, davam edir. Azərbaycanın 20 faiz torpağı Ermənistan tərəfindən işğal edilib. Nəticədə 1 milyondan çox insan qaçqın düşüb və yaşadığı ərazini tərk etmək məcburiyyətində qalıb. Amma bununla yanaşı problemin dondurulmuş münaqişəyə çevrilmə cəhdləri davam etməkdədir. Əminliklə bildirmək olar ki, bu münaqişə geosiyasi oyunların nəticəsidir"-deyə prezident aparatının işçisi bildirib.

Novruz Məmmədov həm də qeyd edib ki, oyunlar davam etdikcə nəticə dəyişməyəcək: "Gürcüstan, Moldova və Ukrayna buna canlı misaldır". Məmmədovun fikrinə görə, "dondurulmuş" Qarabağ münaqişəsi hər an yeni güc ilə alovlana bilər: "Beynəlxalq vasitəçilər Azərbaycanın ərazi bütövlüyünün saxlanılması barədə çıxış etsələr də, niyəsə bitərəf mövqedə dayanmaqdan imtina edirlər. Biz həm həmsədr ölkələrdən, həm də dünya ictimaiyyətindən münaqişənin ədalətli həlli üçün konkret addımlar gözləyirik".

Novruz Məmmədov həm də bildirib ki, Azərbaycan Rusiya ilə əməkdaşlığını genişləndirmək niyyətindədir: "Azərbaycan xarici siyasətində strateji partnyorlarının, o cümlədən Rusiyanın maraqlarını nəzərə alır. Azərbaycan yüz illərdir ki, Rusiya ilə əlaqəlidir. Rusiya ilə geniş əməkdaşlığımız var. Rusiya ilə əməkdaşlığı möhkəmləndirmək və genişləndirmək bizim planlarımıza daxildir".

Bununla yanaşı prezidentin köməkçisi qeyd edib ki, Rusiya Ali Məhkəməsi tərəfindən Ümumrusiya azərbayccanlıları konqresinin ləğvi və Rusiya XİN-in bəzi sərt açıqlamaları rısmi Bakıda anlaşılmazlıq yaradıb.

Hikmət Həsənov
Ölkə.Az

ŞƏRH YAZ
0

Bakıdan Fransaya kəskin etiraz — Səfir XİN-ə çağrıldı

Bakıdan Fransaya kəskin etiraz
21:11
21.11.2017
2179
Siyasət
A
“ATƏT-in Minsk Qrupunun həmsədr ölkələrindən biri olan Fransaya Azərbaycanın Ermənistan silahlı qüvvələri tərəfindən işğal edilmiş ərazilərində yaradılmış qanunsuz rejimin təmsilçisi kimi özünü təqdim edən Bako Saakyan adlı şəxsin səfəri ilə əlaqədar kəskin etirazımızı ifadə edirik”.

Ölkə.Az xəbər verir ki, bu barədə “Qafqazinfo”ya açıqlamasında Xarici İşlər Nazirliyinin Mətbuat xidmətinin rəhbəri Hikmət Hacıyev bildirib.

Onun sözlərinə görə, Avropa İttifaqı ölkələrində fəaliyyət göstərən erməni lobbi dairələri və Ermənistan bu yolla Azərbaycanın işğal olunmuş ərazilərində yaradılmış qanunsuz rejimi təşviq etməyə və Ermənistan-Azərbaycan Dağlıq Qarabağ münaqişəsinin danışıqlar yolu ilə həllinə maneə olmağa çalışır.

“Sözügedən məsələ ilə əlaqədar Fransanın Azərbaycandakı Səfiri ilə XİN-də görüş keçirilib. Azərbaycan Respublikasının Fransadakı səfirliyinin isə bu gün Fransa XİN-də görüşü nəzərdə tutulub.

Təəssüflə qeyd edirik ki, Ermənistan Respublikasının diplomatik pasportu ilə səyahət edən Bako Saakyanın Avropa İttifaqının ərazisinə daxil olması Şenqen viza qaydalarının ciddi pozulması ilə müşayiət olunmasına və ATƏT-in Minsk Qrupunun həmsədrlərindən biri kimi Fransanın öhdəliklərinə zidd olmasına baxmayaraq, Fransa tərəfindən bu səfərin qarşısının alınması üçün heç bir tədbir görülməyib.    

2 iyul 2015-ci ildə Fransa hökuməti tərəfindən xarici işlər və daxili işlər nazirlikləri səviyyəsində yerli prefekturalar və ali komissarlara sirkulyar təlimat göndərilib. Həmin təlimatda yerli özünü idarəetmə qurumlarının beynəlxalq əməkdaşlıq sahəsində səlahiyyət məhdudiyyətlərinə dair xəbərdarlıq edilir və mərkəzi hakimiyyətin siyasətinə və Fransanın beynəlxalq öhdəliklərinə zidd olaraq, yerli orqanların Fransa hökumətinin tanımadığı qeyri-qanuni rejimlər, o cümlədən qondarma Dağlıq Qarabağla beynəlxalq əməkdaşlığa dair sənədlər imzalamasına qadağa qoyulur.  

Fransa tərəfinin bu təlimatdan çıxış edərək Azərbaycanın işğal olunmuş ərazilərində yaradılmış qondarma rejimlə qanunsuz sənədlər imzalayan yerli orqanlara münasibətdə zəruri addımlar atacağını gözləyirik.

Son dövrlərdə Avropa İttifaqı üzv ölkələrinin də üzləşdiyi problemləri nəzərə alaraq, təhlükəli separatizm meyllərinin qarşısının alınması və dövlətlərin ərazi bütövlüyü, suverenliyi və sərhədlərinin toxunulmazlığı ilə əlaqədar vahid və birmənalı siyasətin yürüdülməsi mütləq şəkildə zəruridir”, - deyə H. Hacıyev qeyd edib.

ŞƏRH YAZ
0

Azərbaycanda inzibati ərazi vahidləri arasında ərazi mübahisələri 15 gün ərzində həll ediləcək

Azərbaycanda inzibati ərazi vahidləri arasında ərazi mübahisələri 15 gün ərzində həll ediləcək
19:01
21.11.2017
1820
Siyasət
A
Azərbaycanda inzibati ərazi vahidləri arasında ərazi məsələləri üzrə mübahisələrin həlli qaydası müəyyənləşib.

"Ölkə.Az"ın məlumatına görə, Azərbaycan prezidenti İlham Əliyev bununla bağlı “Azərbaycan Respublikasının ərazi vahidlərinin, inzibati ərazi dairələrinin və sahə inzibati ərazi dairələrinin xəritələrinin hazırlanması Qaydası”nda dəyişikliklər edilməsi haqqında” fərman imzalayıb.
 
Bununla bağlı qaydaya “İnzibati ərazi vahidləri arasında ərazi məsələləri üzrə mübahisələrin həllinə dair xəritənin hazırlanmasının xüsusiyyətləri” adlı yeni hissə əlavə edilib. Beləliklə, inzibati ərazi vahidləri arasında ərazi məsələləri üzrə mübahisələrin həlli ilə bağlı ərazi vahidlərinin, inzibati ərazi dairələrinin və sahə inzibati ərazi dairələrinin xəritələri hazırlanacaq. Mübahisə ilə bağlı xəritə onun hazırlanması tapşırığı verildiyi gündən 15 gün müddətində hazırlanaraq Azərbaycan Respublikası Prezidentinə təqdim edilməlidir. Tapşırıq daxil olduğu gündən 2 iş günü müddətində Əmlak Məsələləri üzrə Dövlət Komitəsi tərəfindən koordinatlarının müəyyən edilməsi, çöl tədqiqat və mərzçəkmə işlərinin yerinə yetirilməsi məqsədi ilə ərazi vahidlərinin, inzibati ərazi dairələrinin və sahə inzibati ərazi dairələrinin sərhədlərinin yerində müəyyən edilməsi və razılaşdırılması işlərinin başlanma vaxtı barədə həmin ərazi vahidlərinin, inzibati ərazi dairələrinin və sahə inzibati ərazi dairələrinin yerləşdiyi rayon və ya şəhər icra hakimiyyəti orqanına bildiriş göndərilir.
 
Mübahisə ilə bağlı xəritənin hazırlanması məqsədilə ərazi vahidlərinin, inzibati ərazi dairələrinin və sahə inzibati ərazi dairələrinin sərhədlərinin koordinatlarının müəyyən edilməsi, çöl tədqiqat və mərzçəkmə işlərinin yerinə yetirilməsi ƏMDK-nın ərazi vahidinin, inzibati ərazi dairəsinin və sahə inzibati ərazi dairəsinin yerləşdiyi ərazi bölməsi nümayəndəsinin, xəritəsi hazırlanmalı inzibati ərazi dairəsi (şəhər, qəsəbə, kənd ərazi vahidinə münasibətdə - onun daxil olduğu inzibati ərazi dairəsi) və ya sahə inzibati ərazi dairəsi üzrə, eləcə də onun həmsərhəd olduğu digər inzibati ərazi dairəsi və (və ya) sahə inzibati ərazi dairəsi üzrə müvafiq rayon, şəhər və ya şəhər rayonu icra hakimiyyəti başçısının nümayəndəsinin iştirakı ilə ƏMDK-nın müvafiq struktur bölməsinin mütəxəssisi tərəfindən həyata keçiriləcək.
 
Mübahisə ilə bağlı xəritədə mübahisələndirilən ərazi hissəsinin sərhədləri ayrıca göstərilir. Kağız üzərində hazırlanmış mübahisə ilə bağlı xəritə bu Qayda göstərilən nümayəndələr, həmçinin müvafiq rayon, şəhər və ya şəhər rayonu icra hakimiyyəti başçıları və tapşırıqda göstərilən digər şəxslərlə razılaşdırılacaq, onlar tərəfindən imzalanacaq və möhürlə təsdiq ediləcək. Ərazi vahidlərinin, inzibati ərazi dairələrinin və sahə inzibati ərazi dairələrinin xəritələrinin, habelə mübahisə ilə bağlı xəritələrin hazırlanması dövlət büdcəsinin vəsaiti hesabına maliyyələşdiriləcək.

ŞƏRH YAZ
0
BAĞLA