Novruz Məmmədov Tacikistan Prezidenti ilə görüşdü

Novruz Məmmədov Tacikistan Prezidenti ilə görüşdü
20:15
10.08.2018
3534
Siyasət
A
Baş nazir Novruz Məmmədov ölkəmizdə rəsmi səfərdə olan Tacikistan Prezidenti Emoməli Rəhmonla görüşüb.

"Ölkə.Az"ın məlumatına görə, Azərbaycan ilə Tacikistan arasında ənənəvi dostluq münasibətlərini xatırladan Baş nazir Novruz Məmmədov hazırda əlaqələrimizin yüksək səviyyədə davam etdiyindən məmnunluğunu bildirib.

Tacikistan Prezidentinin ölkəmizə rəsmi səfərinin siyasi-iqtisadi və humanitar əməkdaşlığımızın daha da dərinləşməsi baxımından əhəmiyyətli olacağını vurğulayan Baş nazir qeyd edib ki, səfər çərçivəsində hər iki ölkənin prezidentləri arasında keçirilən yüksək səviyyəli görüşlər, aparılan danışıqlar və imzalanan sənədlər çoxşaxəli münasibətlərimiz üçün yeni perspektivlər açacaq, qarşılıqlı sərmayə qoyuluşuna şərait yaradacaq.

Tacikistan Prezidenti Emoməli Rəhmon, ilk növbədə, Novruz Məmmədovu Baş nazir təyin olunması münasibətilə təbrik edib və ona fəaliyyətində uğurlar diləyib. Prezident regionun ən inkişaf etmiş ölkələrindən biri olan dost Azərbaycana səfərindən məmnunluq ifadə edərək, bu səfərin çox məhsuldar və səmərəli keçdiyini vurğulayıb. Azərbaycan ilə Tacikistan arasında ikitərəfli münasibətlərin bundan sonra da dostluq və tərəfdaşlıq zəminində inkişaf edəcəyinə əminlik bildirən Emoməli Rəhmon iqtisadi-ticari, dağ-mədən sənayesi, kənd təsərrüfatı, nəqliyyat, təhsil, mədəniyyət və digər sahələrdə daim genişlənən qarşılıqlı faydalı əməkdaşlığın xalqlarımızın mənafeyinə uyğun olduğunu diqqətə çatdırıb.

Görüşdə Baş nazir Novruz Məmmədov Ermənistan-Azərbaycan Dağlıq Qarabağ münaqişəsi haqqında ali qonağa ətraflı məlumat verib. Baş nazir Ermənistanın qeyri-konstruktiv mövqeyinə görə münaqişənin həllinin yubadılmasının bütün regionda sülhə və əmin-amanlığa təhlükə yaratdığını diqqətə çatdırıb.

Səmimi söhbət zamanı Azərbaycan ilə Tacikistan arasında regional əməkdaşlığın qarşılıqlı maraq doğuran sahələr üzrə inkişaf etdirilməsinə, təcrübə mübadiləsinə dair geniş fikir mübadiləsi aparılıb.

Ölkə.Az

ŞƏRH YAZ
1

"Benzinin qiymətinin qalxmasında heç bir qəbahət yoxdur" — Deputatdan açıqlama

13:28
Bu gün
2601
Siyasət
A
"Azərbaycanda "Premium Euro-95" və "Super Euro-98" markalı yanacağın qiyməti qalxmasına normal baxmaq lazımdır. Bu, dünyada gedən proseslərlə əlaqəlidir".

Bu fikirləri "Ölkə.Az"a açıqlamasında Milli Məclisin deputatı, Yeni Azərbaycan Partiyası (YAP) Siyasi Şurasının üzvü, "Qasid"  firmasının prezidenti Mirkazım Kazımov bildirib. 

M.Kazımov deyib ki, Azərbaycan müstəqil respublikadır:

"Digər tərəfdən isə Azərbaycanda Tarif Şurası var. Bu məsələlərə də bu qurum baxır. Əgər Tarif Şurası lazım bilirsə, qiyməti qaldırır. Burada heç bir qəbahət yoxdur. Bir daha deyirəm ki, Azərbaycan müstəqil dövlətdir və onun öz qanunları var. Ona görə də Azərbaycan dövləti lazım bildiyi vaxt qiyməti qaldıra və ya aşağı sala bilər. Bu da normal bir şeydir".

Vasif Həsənli
Ölkə.Az

ŞƏRH YAZ
1

Nəcməddin Sadıkov Belarusa gedib

Nəcməddin Sadıkov Belarusa gedib
12:32
Bu gün
641
Siyasət
A
Müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov avqustun 21-də Minsk şəhərinə rəsmi səfərə yola düşüb.

Müdafiə Nazirliyindən "Ölkə.Az"a verilən məlumata görə, səfər Belarus Respublikası müdafiə nazirinin birinci müavini - Silahlı Qüvvələrin Baş Qərargah rəisi general-mayor Oleq Belokonevin dəvəti ilə həyata keçirilir. 

ŞƏRH YAZ
0
BAĞLA