Novruz Məmmədovdan bina sakinlərini sevindirəcək — YENİ QƏRAR

Novruz Məmmədovdan bina sakinlərini sevindirəcək
10:12
24.04.2019
8975
Ölkə
A
“Fərdi parklanma talonlarının forması, habelə onların verilməsi Qaydası” təsdiq edilib.

"Ölkə.Az"ın məlumatına görə, bu barədə müvafiq qərarı Baş Nazir Novruz Məmmədov imzalayıb.

Qərara əsasən, yerli icra hakimiyyəti orqanları və Bakı Nəqliyyat Agentliyi (Bakı şəhərinin inzibati ərazisində) fərdi parklanma talonlarının uçotunu aparır. Parklanma yerləri təşkil edildiyi avtomobil yollarının kənarlarında yerləşən evlərdə və ya binalarda yaşayan minik avtomobillərinin istifadəçiləri üçün onların müraciətinə əsasən yerli icra hakimiyyəti orqanları tərəfindən pulsuz parklanma yerləri ayrılır və onlara fərdi parklanma talonu (Bakı şəhərinin inzibati ərazisi istisna olmaqla) verilir. Bakı şəhərinin inzibati ərazisində isə pulsuz parklanma yerləri BNA tərəfindən ayrılır.

Fərdi parklanma talonu almaq üçün müraciət etmiş minik avtomobilinin istifadəçilərinə fərdi parklanma talonu müraciət edildiyi tarixdən 15 iş günü müddətində verilir. Fərdi parklanma talonu almaq istəyən şəxs yerli icra hakimiyyəti orqanına şəxsən və ya internet şəbəkəsi vasitəsilə elektron formada müraciət edə bilər. 

Təqdim olunmuş sənədlərdə və ərizədə çatışmazlıq aşkar edildikdə, müraciətin yerinə yetirilməsindən imtina edilir və imtinanın səbəbləri barədə ərizəçiyə iki iş günü müddətində sifarişli poçt göndərişi vasitəsilə, elektron müraciət etdikdə isə onun elektron poçtuna dərhal məlumat göndərilir. Hər iki halda müraciətə baxılmasından imtina şəxsin yenidən müraciət etməsinə mane olmur.

Müraciət qəbul olunduqdan sonra iki iş günü müddətində yerli icra hakimiyyəti orqanları müraciəti və ona əlavə edilən sənədlərin skan edilmiş surətini elektron qaydada Bakı şəhərinin ərazisində pulsuz parklanma yerlərinin ayrılması üçün Bakı Nəqliyyat Agentliyinə göndərir. 

Nəqliyyat vasitələrinin istifadəçilərinə fərdi parklanma talonunun verilməsi üçün ödəniş tələb olunmur. 

Fərdi parklanma talonu zədələndikdə və ya itirildikdə, nəqliyyat vasitələrinin istifadəçiləri tərəfindən təkrar müraciət edilir və onlara fərdi parklanma talonunun dublikatı verilir. 

Aşağıdakı hallarda fərdi parklanma talonu öz qüvvəsini itirir

1. nəqliyyat vasitəsi özgəninkiləşdirildikdə; 

2. fərdi parklanma talonunun verildiyi şəxsin yaşayış yeri dəyişdikdə

3. fərdi parklanma talonunun qüvvədəolma müddəti bitdikdə.

Nəqliyyat vasitəsi şəxsin mülkiyyətində olduqda, ona verilən fərdi parklanma talonunun qüvvədəolma müddəti üç ildir. Nəqliyyat vasitələri icarə və ya digər əşya hüquqlarına dair müqavilə, eləcə də etibarnamə əsasında istifadə edildikdə, nəqliyyat vasitələrinin istifadəçilərinə fərdi parklanma talonları həmin sənədlərin qüvvədəolma müddətinədək verilir (üç ildən çox olmamaqla).

Bir şəxsə yalnız bir fərdi parklanma talonu verilir. Fərdi parklanma talonuna dair məlumatlar yerli icra hakimiyyəti orqanları, Bakı şəhərinin inzibati ərazisində isə Bakı Nəqliyyat Agentliyi tərəfindən Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin mərkəzi informasiya sisteminə ötürülür. 

Fərdi parklanma talonu verilmiş şəxslər nəqliyyat vasitələrini yalnız talonda göstərilən parklanma ərazisində müəyyən olunmuş yerlərdə ödənişsiz əsaslarla saxlaya bilərlər. Fərdi parklanma talonu verilmiş şəxslərə nəqliyyat vasitələrinin onlar üçün ayrılmış parklanma yerlərində saxlanılmasına görə müddət məhdudiyyəti nəzərdə tutulmur.

Fərdi parklanma talonu nəqliyyat vasitəsinin salonunda, ön şüşənin arxasında aydın görünən və oxunan yerdə qoyulmalıdır.

Ölkə.Az

ŞƏRH YAZ
0

Qısqanclıq, namus, şərəf bəhanəsi ilə doğmalarının qurbanına çevrilənlər — Qadınlar niyə öldürülür?

Qısqanclıq, namus, şərəf bəhanəsi ilə doğmalarının qurbanına çevrilənlər
08:02
Bu gün
149
Ölkə
A
Qadına qarşı şiddət hadisələri hər keçən gün daha da artır. Bəs səbəbkarlar kimdir? Valideynlər, yoxsa cəmiyyət? Niyə qadınlar, qızlar, uşaqlar ən amansız cinayətlərin qurbanı olur? Artıq cinayətə qurban gedən qadınlar heç kimi təəccübləndirmir.

"Ölkə.Az" bildirir ki, Dövlət Statistika Komitəsindən oxu.az-ın sorğusuna cavab olaraq bildirilib ki, təkcə 2018-ci il ərzində ölkədə 331 qadın cinayət (895 kişi) nəticəsində ölüb. Onlardan 57 nəfəri məişət zorakılığı cinayətlərinin qurbanı olub.

Ölən qadınların 38,4 faizi Bakı şəhərinin, 13,9 faizi Gəncə-Qazax iqtisadi rayonunun, 9,1 faizi Abşeron iqtisadi rayonunun, qalanları isə digər regionların payına düşür.

Bundan başqa, cinayət nəticəsində qadınların ölüm hallarından 214-ü (655 kişi) ehtiyatsızlıqdan, 65-i (135 kişi) qəsdən adam öldürmə, 52-si digər cinayətlər nəticəsində baş verib.

Nəzərə alsaq ki, cari ilin iyun ayında qeydə alınan altı cinayət hadisəsindən üçündə qadınlar öldürülüb, statistik rəqəmlər heç də təəccüblü deyil. Lakin onu da qeyd etmək lazımdır ki, Azərbaycanda qeydə alınan statistik nəticələr dünya ölkələrində qadın ölümləri ilə bağlı açıqlanan rəqəmlərdən qat-qat azdır.

Bəs qadınlar daha çox kimlər tərəfindən öldürülür?

Mövzu ilə əlaqədar kriminal hadisələrin işıqlandırılmasında ixtisaslaşmış jurnalist Ramella İbrahimxəlilova qadınların əksər halarda qısqanclıq zəminində keçmiş həyat yoldaşları tərəfindən öldürüldüyünü deyir:

“Qeydə alınan cinayətlərdə 20-45 yaş qrupu aralığında olan qadınların öldürülməsi çoxluq təşkil edir. Yaşlı qadınların da öldürüldüyü cinayətlərin sayı da az deyil. Son dövrlər törədilən cinayətlərin səbəbləri də eynidir. Qadınlar daha çox məişət zorakılığının və ya mal-mülk üstündə cinayətlərin qurbanına çevrilirlər.

Təcrübə göstərir ki, əksər hallarda gənc qadınların öldürüldüyü cinayətlərin motivləri məişət zorakılığı, qısqanclıq və ya ailədə şərəf və namus məsələləri ilə əlaqədar olur. Belə olan hallarda qadınlara qarşı törədilən cinayətlərin böyük əksəriyyəti keçmiş həyat yoldaşları, qeyri-nikah şəraitində yaşadıqları kişilər və ya başqa yaxın qohumları (ata, qardaş, oğlan övladı və s.) tərəfindən törədilir”.

Xatırladaq ki, bir neçə ay bundan əvvəl Ədliyyə Nazirliyinin Təşkilat-Nəzarət Baş İdarəsinin rəis müavini Sübhi Kazımov jurnalistlərə açıqlamasında dünyada təkcə 2017-ci ildə məişət zorakılığı zəminində 87 min qadın qətlə yetirildiyini bilib. O qeyd edib ki, cinayət qurbanı olan qadınlar yalnız Azərbaycanda yox, dünyanın bütün ölkələrində var:

“Dünya ölkələrində qeydə alınan cinayətlərin əksəriyyəti isə uzun müddət ərzində öyrənilməyib, gizlədilib və ya məxfi saxlanılıb. Məişət zorakılığı halları isə ailə üzvləri tərəfindən törədildiyi üçün, təəssüf ki, bir qayda olaraq təkrarlanır”.

Ölkə.Az

ŞƏRH YAZ
0

Düşmən çayın qarşısını kəsdi, kənd susuz qaldı — FOTOLAR

Düşmən çayın qarşısını kəsdi, kənd susuz qaldı
03:00
Bu gün
1720
Ölkə
A
Tovuzun Əlibəyli kənd sakinləri susuzluqdan əziyyət çəkir.

“Ölkə.Az” baku.ws-ə istinadən xəbər verir ki, uzun illərdir onlar başlanğıcını Ermənistanın Berd rayonundan götürən bir çayın ümidinə yaşayırlar.

Nə qədər ki ermənilərə su lazımdır çayın qarşısı kəsilir, ermənilər öz təsərrüfatlarının suvarılmasında istifadə edirlər. Onlara lazım olmadıqda isə  yağışlar yağmadığı halda ehtiyat məqsədilə çayın qarşısında yaratdıqları su anbarları doldurulur.

Əgər burdan su artarsa, o halda ermənilər suyun qarşısını açırlar. Çay gəlmədikdə ermənilərin 500 metr addımlığında yaşayan Əlibəylilər həyatlarını təhlükə altına qoyub çayın qarşısını açmaq üçün çayın mənbəyinə gedirlər. Kənd sakinləri bu çayın suyundan həm içməli su kimi, həm də suvarmada istifadə edirlər.

Sakinlərin suya olan tələbatlarının ödənilməsi məqsədilə 90-ci illərdə artezian quyusu da qazılıb. Hətta bir nəfər də erməni gülləsindən ağır yaralanıb. Bundan sonra artezian idarəsi işləri yarımçıq qoyub gedib. Quyu indiyədək sakinlər tərəfindən qorunub saxlanılır.

Hətta quyunun ağzına bir daş da qoyublar ki, daş, qumla dolmasın. Sakinlər deyir ki, artezianın quraşdırılıb istifadəyə verilməsi ilə bağlı aidiyyatı orqanlara dəfələrlə müraciətləri olub.

Ölkə.Az

ŞƏRH YAZ
0
BAĞLA