Novruzla bağlı bilmədiyimiz — Heyrətamiz faktlar

Novruzla bağlı bilmədiyimiz
00:12
21.03.2017
143
Maraqlı
A
Azərbaycan xalqının ən əsas və sevimli bayramlarından olan Novruz simvolik mənalarla dolu müxtəlif mərasimləri və ənənələri özündə birləşdirir.

"Ölkə.Az" Sputnik.az-a istinadən xəbər verir ki, Bakı Dövlət Universitetinin professoru Şirin Bünyadovanın sözlərinə görə, xalqın tarixi təkcə yazılı mənbələrlə deyil, onun ənənələri ilə də yaşadılır. Çox təəssüf ki, onların bir hissəsi zamanla unudulur və hamısı qorunaraq gəlib bu günlərə çatmır. 

"Novruz bayramı həmişə baharın gəlişi ilə əlaqədar olub və hər bir xalq onu özünəməxsus formada qeyd edib. Bu bayramda icra olunan mərasimlər və ayinlər ocaqların yandırılması, yeni paltarların geyilməsi, ocağın üstündən tullanma, suyun çilənməsi, yumurtaların boyanması, səməni cücərdilməsi və şirniyyatların hazırlanmasıdır” – Bünyadova deyib.

Novruzla bağlı əsas ənənələrdən biri bütün ailə üzvlərinin Novruz axşamı şam yeməyini bir yerdə yeməsidir. Hesab olunur ki, əgər adam bu şam yeməyində iştirak eləməsə, daha 7 il bayramı ailəsi ilə birlikdə keçirə bilməyəcək. Ən əsası isə həmin gün stolun küncündə oturmaq olmaz, çünki inanca görə, həmin gün ölülərin ruhları məhz həmin yerə yığışır. 

Bünyadovanın sözlərinə görə, Novruz hazırlıqlarına adamlar martın əvvəlindən başlayırlar. Həyət-bacanı təmizləyirlər, ağacların gövdələrini rəngləyirlər, yeni paltarlar alırlar. İnanca görə, Yeni ili necə qarşılasan, gələn Novruza qədər də günlərini elə keçirəcəksən. "Ənənəyə görə, bayram günü süfrəyə mütləq bu yeddi predmeti qoymalısan: təmizliyin simvolu olan su, neqativlərdən arınmaq üçün güzgü, təbiətin oyanmasının rəmzi olan səməni, rahatlığın və elastikliyin simvolu olan balıq, xoş ətir üçün alma, halva və zənginliyin simvolu — içində qızıl olan fincan” – Bünyadova bildirib. 

Onun sözlərinə görə, şam yandırmağı da unutmaq və onu özü yanıb qurtarmayana qədər söndürmək olmaz. İnanca görə, yanan şam ailənin hər bir üzvünün həyat yolunu göstərir. 

Milli Kulinariya Mərkəzinin vitse-prezidenti Ceyran Əsgərova isə bu bayramla bağlı ən heyrətamiz faktlardan danışıb. Onun sözlərinə görə, bu bayramın əsas simvolu səmənidir. Ona görə də, hər bir ailə mütləq onu becərməlidir. Çünki səməninin böyüməsi gələn ilin necə olacağına işarədir. O, qadınlara məsləhət görüb ki, bayramda ət xörəkləri hazırlamasınlar. Çünki yazda heyvanların artım dövrü başlayır və bu vaxt onun kəsilməsi günah sayılır. Bayram yeməklərini imkan daxilində balıq və toyuqdan hazırlamaq lazımdır. Əsgərova hesab edir ki, bu bayramı qadınların bayramı da hesab etmək olar. Çünki qızlar bu gün gələcək talelərini bilmək üçün fala baxır, öz gələcək həyat yoldaşlarının adını öyrənirlər. 

“Qızlara məsləhət görürəm ki, duzlu kökə hazırlasınlar, onu yatmazdan qabaq yesinlər. Amma ürəkləri istəsə belə, su içməsinlər. Əgər yuxuda hansısa oğlan ona su versə, o, bu qızın əri olacaq. Əgər yuxuda ona iki oğlan su versə, deməli iki dəfə ərə gedəcək” – deyə Əsgərova bildirib. 

O, qızlara həmçinin tövsiyə edib ki, pəncərənin qabağına yumurta, yanında da qırmızı və qara karandaş qoysunlar. Əgər səhər yumurtada qırmızı xətt görsə, deməli, yuxuda gördüyü adam onu xoşbəxt edəcək, əgər qara xətt görsələr, əksinə olacaq. Novruzun adət-ənənələri çoxdur. Amma günümüzə onların çox az bir hissəsi gəlib çatıb. İldən-ilə də azalmaqdadır. 

ŞƏRH YAZ
0

Axşam saatlarına yaxın sevdiyiniz insanla söhbət edin

Axşam saatlarına yaxın sevdiyiniz insanla söhbət edin
00:13
Bu gün
1743
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - qüvvəniz və imkanlarınız xaricində olan işlərə başlamayın. Potensialınızı düzgün qiymətləndirin, realist olun. Uğur şanslarının az olduğu aşkarlananda geri çəkilməyin, ruhdan düşməyin. Yardımçı, köməkçi arayın. Bu, yaxşı taktikadır. Müttəfiqlər yardımı əsirgəməyəcəklər, bəzi işləri sizinlə birlikdə bitirəcəklər.

Günün ikinci yarısında bacarıq, bilik və təcrübənizi nümayiş etdirməkdən çəkinməyin. Amma ifrata varmayın, özünüreklamla məşğul olmayın. İmiclə eksperimentlər etmək, gerçəkdən də, parlaq nəsnəni sınaqdan keçirmək olar. Yaşam potensialının səviyyəsi yüksəkdir. Əhvalınız pis olmayacaq.

Buğa - sənədlərin hazırlanması və qeydə alınması ilə bağıl problemlər yarana bilər. Nüfuzlu insanlar və ya dövlət qurumlarının nümayəndələri ilə təmaslar asan olmayacaq. Müstəqil çalışsanız, böyük uğurlara nail ola bilərsiniz.

Birgə layihələrin reallaşdırılması və ya əməkdaşlıq məqamlarında çətinliklər yaranacaq.

Günün ikinci yarısında emosional fon əlverişlidir. Ruh düşkünlüyünə qapılmayın. Baş verənlərə rəğmən geri çəkilməyin, süst olmayın. Dəyər verdiyiniz insanlardan xəbər alacaqsınız.

Axşam saatları dostlarla ünsiyyət, dəvət olunduğunuz yerə yollanmaq üçün əlverişlidir.

Əkizlər - peşəkar fəaliyyət sahəsindəki problemlər sizi ruhdan salmasın. Əksinə, daha böyük enerji ilə çalışın, qeyri-standart qərarlar qəbul edin.

Yeni müttəfiqlərin axtarışı və əməkdaşlığa başlamaq üçün əlverişli zamandır. İşgüzar danışıqlar, səfər və müzakirələr uğurlu olacaq.

Günün ikinci yarısında az da olsa, gəlir əldə edəcəksiniz. Hədiyyə almağınız istisna deyil. Sevdiyiniz insanla axşam saatlarını normal keçirməyə çalışın.

Səhhətinizdə kiçik problemlər istisna deyil. Amma sağlıq durumunuza görə təlaşa düşməyin - təhlükə yoxdur.

Xərçəng - işlərə təkbaşına başlayaraq tənha çalışmayın. Ən çətin situasiyalarda yanınızda olacaq müttəfiqlər və ya köməkçilər tapa bilərsiniz. Peşəkar fəaliyyət sahəsi ilə yanaşı, şəxsi münasibətlərlə bağlı məsələləri müzakirə etmək üçün pis gün deyil.

Zəngin yaşam təcrübəsinə malik insanlar günün ikinci yarısında sizə yaxşı məsləhət verəcəklər.

Maliyyə baxımından əlverişli zamandır. Xərclər az, gəlirlər isə çoxdur. Alış-verişə çıxa bilərsiniz. Ailə üzvlərinə xüsusi diqqət yetirin. Sevdiyiniz insanla həssas olun.

Şir - sizi böyük, amma mürəkkəb işlər gözləyir. Həmin işlərə başlamazdan əvvəl yardımçılar tapın, nüfuzlu insanlardan dəstək alın. Problemləri təkbaşına həll etmək mənasız və qeyri-effektiv seçim olardı. "Komanda oyunu" daha məsləhətdir. Mühüm qərarlar qəbul etməklə yanaşı, bəzi əməliyyatlara rəhbərlik edə bilərsiniz.

Günün ikinci yarısı maliyyə məsələləri ilə bağlı situasiya baxımından neytraldır. İri məbləğli gəlirlər ehtimalı azdır. Qəfil xərclər də olmayacaq.

Diqqət mərkəzinə düşsəniz də, yeni münasibətlərə başlamağa tələsməyin.

Qız - çox müşkül problemi həll etmək məcburiyyətində qalacaqsınız. Ətrafınızda olan insanlara çox işlərə qadir olduğunuzu sübut edin. Peşəkar fəaliyyət sahəsindəki uğurlarınız həmkarlarınızın qibtəsinə və paxıllığına səbəb ola bilər. Onlar yalnız nəticəni görür, uğur əldə etmək üçün göstərdiyiniz səyləri və çəkdiyiniz zəhməti nəzərə almaq istəmirlər.

Günün ikinci yarısında sərfəli, uzunmüddətli anlaşma, sövdələşmə və müqavilə istisna deyil.

İşlər çox olsa da, axşam saatlarında yaxınlarla təmaslara vaxt ayırın. Bu vaxtı əla keçirəcəksiniz. Sevdiyiniz adamlarla dil tapmağa çalışın. Münaqişə, qarşıdurma və mübahisələrə yol verməyin.

Tərəzi - yeni təəssüratlar xoş olacaq. Sizi xoş xəbərlər gözləyir. Gün pis keçməyəcək. Peşəkar fəaliyyət müstəvisində yeni, maraqlı işlər peyda olur. Həmin işləri görərkən yeni təcrübə və bacarıq əldə etməklə yanaşı, maraqlı insanlarla tanış olacaqsınız.

Gəlirlər gecikir. Amma maliyyə böhranı olmayacaq. Malik olduğunuz vəsaiti ağılla xərcləyin.

Günün ikinci yarısı romantik görüşlər və dostlarla təmaslar, rəğbət bəslədiyiniz insanlarla ünsiyyət üçün münasibdir. Sizdə mənfi emosiyalar və qıcıq yaradan insanlardan uzaq durun.

Həmin yaramaz şəxslər əhvalınızı korlaya bilər.

Əqrəb - yaxın ətrafınızdakı insanlar sizdən işlərdə ciddi irəliləyişlər, yaşanan problemlərin təcili həllini gözləyirlər. Siz də onların ümidlərini puç etməmək və gözləntilərini doğrultmaq üçün çox çalışırsınız. Məqsədə çatırsınız, amma bu, asan olmur. Əsəb gərginliyi yüksək olacaq.

Günün ikinci yarısında emosiyalarınıza hakim olmağa çalışın, hisslərin əsiri olmayın. Təmasları məhdudlaşdırın. Həyasız və tamahkar insanlarla ünsiyyəti dayandırın.

Axşam saatlarında gəzintiyə çıxın, istirahət edin.

Yaşam potensialının səviyyəsi aşağıdır. Yoluxucu xəstəliyə mübtəla olmamaq üçün profilaktiki tədbirlərə əl atın.

Ailə üzvləri və ya ən yaxın dostlarla vaxt keçirin.

Oxatan - çox işlər görməlisiniz. Günlə bağlı planı nə qədər tez hazırlayıb ona riayət etməyə başlasanız, bir o qədər yaxşıdır. Boş söhbətlərə vaxt sərf etməyin. Sizinlə ünsiyyətdə olmaq istəyənlər az deyil. Onların arasında sizdən, sadəcə, öz məqsədləri üçün yararlanmaq istəyənlər də var.

Günün ikinci yarısında gəlirlər olacaq. Amma əldə ediləcək məbləğ sizi razı salmayacaq.

Məişət texnikası, mebel, interyer predmetləri, habelə yaxınlarınıza hədiyyələr almaq üçün münasib zamandır. Axşam saatlarında yeni bilik, bacarıq və ya təcrübə əldə edə bilərsiniz. Dünyagörüşünü artırmaq, yeni faydalı tanışlıqlara nail olmaq şansı var.

Oğlaq - günün ilk yarısı yaxşı xəbərlər və maraqlı işgüzar təkliflər zamanıdır. Qərarları sürətlə, təxirə salmadan qəbul etmək gərəkdir. Fikirləşmək, düşünüb-daşınmaq üçün vaxt azdır.

Saatlar keçdikcə əhvalınız pisləşə bilər. Bir qədər istirahət edin. Gəzintiyə çıxmaqda, rəğbət bəslədiyiniz insanla söhbətdə xeyir var.

Günün ikinci yarısında uzaq yola çıxmayın. Evdə qalın, bəyəndiyiniz işlərlə məşğul olun.

Qida rasionunuza fikir verin, tamahkarlıq etməyin. Əks təqdirdə səhhətinizdə problemlər yarana bilər.

Dolça - aldığınız informasiyalar qarışıq və ziddiyyətlidir. Dürüst qərar qəbul etmək asandır. İntuisiya susur. Yalnız öz sağlam məntiqinizə, yaşam təcrübənizə bel bağlayın. Etibar etdiyiniz insanın, yaxın dostun məsləhətindən yararlanmaq olar. Aldığınız təkliflər yalnız ilk baxışdan cazibədar və maraqlıdır.

Həmin təkliflərdən birini qəbul etsəniz, çətinliklərlə üzləşəcəksiniz.

Günün ikinci yarısında imiclə eksperimentlər etməyin. Axşam saatlarına yaxın sevdiyiniz insanla söhbət edin. Səmimi, həssas olun. Sizi anlayacaq, dəstəkləyəcəklər. Hisslərinizi bölüşməkdən çəkinməyin.

Balıqlar - kommersiya fəaliyyəti üçün əlverişli zamandır. Bir müddət sonra gəlir gətirəcək anlaşma və sövdələşmələrə nail ola bilərsiniz. İş yerini dəyişmək, daha çox maaş verilən yerdə çalışmaq imkanları yaranır. Amma o iş indiki ilə müqayisədə daha az maraqlıdır. Düşünün - belə dəyişiklik sizə gərəkdirmi?

Günün ikinci yarısında qəfil səfər, işgüzar görüşlər istisna deyil. Qarşınızda yeni perspektivlər yaranır.

Axşam saatları idman və fiziki əmək üçün münasibdir. Yaxşı formadasınız, ifrat yorğunluq riski yoxdur. Axşam saatlarında xoş sürprizlər ola bilər. Romantik görüş pis keçməsə də, gözləntilərinizi doğrultmayacaq.

Ölkə.Az

ŞƏRH YAZ
0

Dünyanı bəzəyən 5 MÜQƏDDƏS ŞƏHƏR — SİYAHI və FOTOLAR

Dünyanı bəzəyən 5 MÜQƏDDƏS ŞƏHƏR
20:00
25.05.2018
5574
Maraqlı
A
Dünyada milyonlarla şəhər var. Dünyada 4 minə yaxın dini inanc var.

"Ölkə.Az" bu gün ən məşhur dinlərin mərkəzinə çevrilmiş şəhərlərin siyahısını təqdim edir. Bu şəhərlər daim zəvvarların axınına uğrayır.

1. Qüds, İsrail

Dünyanın ən qədim şəhərlərindəndir. İlk dəfə adı eramızdan əvvəl 2-ci minillikdə çəkilir. Dünyanın üç dini-xristianlıq, musəvilik və islam üçün müqəddəs sayılır. Adı tərcümədən sülh şəhəri olsa da, bu günə qədər bir çox hücumlara məruz qalıb.

XXII əsrdə səlib yürüşünə yollanan məşhur Şir Ürəyi Qüdsə son anda daxil olmaqdan vaz keçir. Çünki insanların xatirəsində Müqəddəs Torpaqda qantökən kimi qalmaq istəmirdi.

Məbəd dağı musəvilər, xristianlar və müsəlmanlar tərəfindən müqəddəs sayılan yeganə yerdir. Bir versiyaya görə, burada Adəmin ilk dəfə işıq gördüyü qaya var. Müsəlmanlara görə, Məhəmməd Peyğəmbər bu daşa ayaq basaraq Miraca qalxıb.

Dünyanın ən bahalı qəbiristanlığı da Qüds şəhərindədir. Burada dəfn edilmək bir neçə milyona başa gəlir. Ərazisi kiçik olduğu üçün qiymətlər belədir. İnsanların inancına görə, Məsih zühr edəndə burada dəfn edilənlər diriləcəklər və Cənnətə birinci daxil olacaqlar.

Məkkə, Səudiyyə Ərəbistanı

Müsəlmanların müqəddəs şəhəri, Səudiyyənin paytaxtı və Məhəmməd peyğəmbərin vətənidir. Dünyanın bütün müsəlmanları namaz qılanda qiblə kimi Məkkəni, daha dəqiq desək, Kəbəni götürürlər. Müsəlmanlığın beş vacib şərtindən biri də Həcc ziyarətidir.

Məkkənin ən gözəl məscidi Əl-Haramdır. Məscidin 44 girişi, 9 minarəsi var. Sahəsi 309 min kvadrat metrdir. Kompleksin mərkəzində müqəddəs Kəbə yerləşir. İnanca görə, Həzrət Əli burada anadan olub. Bundan başqa Kəbəni İbrahim peyğəmbər inşa edib. Kəbənin mərkəzində Həcər daşı var.

Vatikan, İtaliya

İtaliyanın paytaxtı Roma şəhərinin daxilində cırtdan dövlətdir. Vatikan "Mons Vaticanus" təpəsinin şərəfinə adlandırılıb. Sahəsi cəmi 440 min kvadrat metrdir. Dövlət sərhədi isə cəmi 3.2 km-dir. Vatikanda absolut monarxiya hökm sürür. Roma Papası hakimiyyətin bütün qollarına nəzarət edir. Vatikanın bütün sakinləri Katolik Kilsəsinin işçiləridir. Katolik dininin mərkəzi sayılır. Orta Əsrlərdən bu yana bütün katoliklərin müqəddəs şəhəridir. Hər il milyonlarla turist Vatikanı ziyarət edir.

Varanasi, Hindistan

Əfsanəyə görə, Şiva tərəfindən inşa edilən şəhərdir. Hindistan sakinləri inanırlar ki, məhz səma çarlığına ən maksimal yaxınlıq burada yerləşir. Şəhər induslar və buddistlər hər il bu şəhəri ziyarət edirlər.

Müqəddəs Qanq çayında çimmək günahlardan təmizlənmək mənasına gəlir. Varanasi şəhərində vəfat etmək böyük iş sayılır.

Lxasa, Tibet

Lxasa VII əsrdən bu yana Tibetin paytaxtı və mədəniyyət mərkəzi sayılır. Şəhər 3660 metr hündürlükdə yerləşir. İl ərzində günəş şüaları 3000 saat Lxasaya düşür. Bu səbəbdən bəzən şəhəri Günəş şəhəri adlandırırlar.

Dünyanın ən qədim dinlərindən sayılan buddizmin mərkəzlərindənddir. Buddanın heykəlləri məbəd və şəhəri bəzəyir. Heykəllər qızıl suyuna çəkilib. Lxasanın əsas müqəddəs məbədi Cokanq məbədidir. Dünya buddist zəvvarlığının mərkəzi sayılır.

Hikmət
Ölkə.Az

ŞƏRH YAZ
0
BAĞLA