İnterpol azərbaycanlı iş qadınını axtarır — 67 yaşı var

İnterpol azərbaycanlı iş qadınını axtarır
23:43
14.02.2018
3970
Hadisə
A
İnterpol azərbaycanlı qadın sahibkar barədə beynəlxalq axtarış elan edib.

"Ölkə.Az"ın Trend-ə istinadən məlumatına görə, 1951-ci ildə Azərbaycanın Salyan rayonunda anadan olan Həsənova Meyransa Avaz qızı vergidən yayınmaqda təqsirləndirilir.

M.Həsənova vergidən yayınmaqda ittiham olunaraq barəsində cinayət işi başlansa da, xanım sahibkar istintaqdan yayınıb. Nəticədə məhkəmə M.Həsənova barəsində həbs qətimkan tədbiri seçilməsi və tutularaq istintaqa təhvil verilməsi barədə qərar çıxarıb.

Həmin qərar əsasında da M.Həsənova beynəlxalq axtarışa verilib.

Ölkə.Az

ŞƏRH YAZ
1

Gəncədə iki avtomobil toqquşub — Sürücülər xəsarət alıb

Gəncədə iki avtomobil toqquşub
22:42
Bu gün
414
Hadisə
A
Gəncə şəhərində 2 nəfərin xəsarət alması ilə nəticələnən yol-nəqliyyat hadisəsi olub.

"Ölkə.Az"ın "Report"a istinadən məlumatına görə, şəhərin Heydər Əliyev parkının yaxınlığında baş vermiş avtomobil qəzası zamanı hər iki sürücü xəsarət alıb.

Onlardan birinə ambulator yardım göstərilib. Digər sürücü, Gədəbəy rayon sakini, 68 yaşlı Səfdər Bağırov isə xəstəxanaya yerləşdirilib.

Faktla bağlı araşdırma aparılır.

Ölkə.Az

ŞƏRH YAZ
0

Bakı metrosunda problem: qatar xarab oldu — 7 dəqiqə gecikmə

Bakı metrosunda problem: qatar xarab oldu
21:12
Bu gün
1132
Hadisə
A
Bakıda metroda qatarda texniki nasazlıq yaranıb.

"Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədovun "Ölkə.Az"a verdiyi məlumata görə, hadisə bu gün saat 19:30 radələrində metronun "28 May" stansiyasında baş verib.

"İçəri Şəhər"-" Həzi Aslanov" marşrutu üzrə hərəkətdə olan qatar "28 May" stansiyasına daxil olarkən texniki problem yaranıb. Maşinist qatarda vəziyyəti qiymətləndirmək üçün stansiyada 7 dəqiqə gözləməli olub. Nəticədə arxadan gələn "Dərnəgül"-"Həzi Aslanov" istiqamətində hərəkətdə olan qatar "Nizami" stansiyası ilə "28 May" stansiyası arasındakı tuneldə 3 dəqiqə gözləməli olub.

Texniki problem yaranan qatar sərnişinlərlə birlikdə "Nəriman Nərimanov" stansiyasına qədər gələrək sərnişinləri düşürüb, Depoya göndərilib.

B.Məmmədov bildirib ki, hazırda metroda qatarlar normal qrafiklə hərəkətini davam etdirir, intervalda problem yoxdur.

Ölkə.Az

ŞƏRH YAZ
0
BAĞLA