İntihar edən üç uşaq anasının məktubu tapıldı

İntihar edən üç uşaq anasının məktubu tapıldı
13:33
25.04.2019
3965
Ölkə
A
Aprelin 24-də meyiti dalğıclar tərəfindən Akkuşa çayından tapılmış, 35 yaşlı Salyan rayon sakini Dadaşova Aysel Vaqif qızının qaldığı evdə ölümündən qabaq yazdığı məktubu tapılıb.

"Ölkə.Az" Oxu.Az-a istinadən xəbər verir ki, bu barədə Salyan rayon Prokurorluğundan məlumat verilib.

Bundan əvvəl Dadaşovanın kənd məktəbində müəllim işlədiyi xəbər verilirdi. Cümə axşamı isə qadının kənd məktəbində texniki işçi kimi çalışdığı məlum olub.

Üç oğul anası (ən böyüyü 11 yaşında olub), özünü körpüdən çaya ataraq intihar edib. Bu addımı atmazdan əvvəl yazdığı məktubda tənhalıqdan və ona son illər əziyyət verən baş ağrılarından cana gəldiyini bildirib. Məktubda Dadaşova qohumlarından övladlarının qayğısına qalmalarını xahiş edib.

İstintaq nəticəsində məlum olub ki, qadının əri Bakıda tikinti sahəsində çalışır, ona görə kəndə ayda bir dəfə baş çəkir. Bundan başqa, hüquq-mühafizə orqanları Dadaşovanın evindən psixiki pozuntuların və baş ağrılarının müalicəsi üçün yazılmış həkim reseptləri və tibbi preparatlar aşkarlayıb.

İlkin ehtimala görə, intihara qadının depressiv vəziyyətdə olması səbəb olub.

Ölkə.Az

ŞƏRH YAZ
0

Nadir Qafarzadə: “Qeyrətsiz qadının başı kəsilməlidir” — AUDİO

Nadir Qafarzadə: “Qeyrətsiz qadının başı kəsilməlidir”
21:55
Bu gün
6561
Ölkə
A
Türkiyənin Kırıkkale bölgəsində 38 yaşlı Əminə Buludun keçmiş həyat yoldaşı tərəfindən dəhşətli şəklildə övladının gözü qarşısında öldürülməsi ölkədə böyük rezonans yaradıb.

“Ölkə.Az” xəbər verir ki, baku.ws məsələyə münasibət bildirmək üçün tanınmış müğənni Nadir Qafarzadə ilə əlaqə saxlayıb.

Müğənni açıqlamasında qadını öldürən kişi barəsində özünəməxsus fikir bildirib:

“Bu hadisə qeyrətsizlik səbəbindən baş veribsə, ərinin onun başını kəsməsi düzdür. Pis qadının başı kəsilməlidir. Əgər qadın pozğunluq edirsə, kişi ona dözməlidir? Mən dəqiq bilmirəm, o cinayətin baş vermə səbəbi nədir. Mən inanmıram ki, kişi başqa hansısa səbəbdən bunu etsin”.

Müğənni həmçinin vurğulayıb ki, qadına azadlıq çərçivə daxilində verilməlidir.

“İndi zaman o qədər pisləşib ki, insanlar öz qeyrətsziliklərini boynuna alıblar. Ər arvadını, qardaş bacısını və oğul anasını aparır ki, təki pul qazansın. Biz azadlığı pozğunluq və əxlaqsızlıqla səhv salmışıq. Azadlıq əsl kişilik, mərdlik və qadınlıqdır.

Bir çoxları elə düşünür ki, azadlıq elə özünü açıb-tökmək, istədiyini etməkdir. Belə bir misal da var ki, 40 il boyunduruq altında yaşamqdansa, bir gün kişi yaşamaq lazımdır. Amma qadına tam azadlıq vermək də olmaz. Qadın üçün çərçivə olmalıdır”.

<iframe src="https://baku.ws/video2/v.php?v=1290589"  width="640" height="360"></iframe>

Ölkə.Az

ŞƏRH YAZ
0

Polis Saray qəsəbəsində reyd keçirdi — FOTO

Polis Saray qəsəbəsində reyd keçirdi
20:17
Bu gün
8358
Ölkə
A
Abşeron Rayon Polis İdarəsi Dövlət Yol Polisi şöbəsinin əməkdaşları tərəfindən “Təmiz hava” aylığı çərçivəsində reyd keçirilib.

“Ölkə.Az” report-a istinadən xəbər verir ki, reyd Saray qəsəbəsi ərazisində təşkil edilib.

Keçirilən tədbir zamanı avtomobillərdən çıxan qazların tərkibində olan zərərli maddələrin miqdarı xüsusi avadanlıqlarla yoxlanılıb, normadan artıq zəhərli qaz ixrac edən və atmosferi həddindən artıq çirkləndirən avtomobilləri idarə edən sürücülər barədə qanunamüvafiq tədbirlər görülüb. Həmçinin bölmə əməkdaşları tərəfindən yol hərəkəti qaydalarına riayət olunması və avtomobillərin saz vəziyyətdə saxlanılması barədə sürücülərlə profilaktik söhbətlər aparılaraq, onlara hüquq və vəzifələri izah edilib.

Reyd zamanı 30-a yaxın avtomobil yoxlanışdan keçirilib. Bununla yanaşı reyd zamanı ciddi qayda pozuntularına yol verərək həm nəqliyyatın həm də piyadaların hərəkəti üçün təhlükə törədən, təhlükəsizlik kəmərindən istifadə etməyən, avtomobilin konstruksiyasında dəyişiklik edən, eləcə də sənədsiz avtomobil idarə edən sürücülər saxlanaraq barələrində inzibati xəta haqqında protokol tərtib olunub.

Ölkə.Az

ŞƏRH YAZ
0
BAĞLA