Nuhun gəmisi Ağrı dağda — ŞOK FAKTLAR ÜZƏ ÇIXDI

Nuhun gəmisi Ağrı dağda
16:50
19.04.2018
5269
Dünya
A
Sənədli film prodüseri Cem Sertesen Nuhun gəmisinin qalıqlarının Ağrının Doğubayazıt rayonunda olduğunu iddia edib.

 “Ölkə.Az” xəbər verir ki, prodüserin sözlərinə əsasən, həftələrlə davam edən çalışmalardan sonra yeraltı radar görüntülərində  gəminin gövdəsi görünüb.

Cem deyib:
“Bəşəriyyət tarixinin ən böyük əfsanəsi olan Nuhun Gəmisi ilə yalnız biz yox, dünyanın bütün alimləri maraqlanır. Avropalı, amerikalı, asiyalı, hər kəs Nuhun Gəmisinin Türkiyənin şərqində olduğunu qəbul edir. Bu məkan isə Ağrının Doğubayazıt rayonudur”.

Prodüser bildirib ki, Nuhun Gəmisi ilə bağlı 23 illik tədqiqatın nəticələrinə əsasən sənədli film çəkib. Sertesen qeyd edib ki, 1995-ci ildə gəminin qalıqlarını gördükdən sonra sənədli film lentə almaq qərarına gəlib:
“Gəmini İlhan Durupınar kəşf etdi. Ara Güler ilk fotolarını çəkdi və Salih Bayraktutan elmi araşdırmaya başladı. Həftələrlə davam edən çalışmalardan sonra yeraltı radar görüntülərində gəminin gövdəsi göründü. Məsələ ilə bağlı hesabat dövrün baş nazirliyinə təqdim edildi”.

Hikmət Həsənov
Ölkə.Az

ŞƏRH YAZ
0

Türkiyə 2 şəhid verdi

Türkiyə 2 şəhid verdi
01:02
Bu gün
1608
Dünya
A
İraqın şimalında əməliyyat zamanı terrorçuların hücumu nəticəsində Türkiyə şəhid verib.

"Ölkə.Az" Türkiyə mətbuatına istinadən xəbər verir ki,bu barədə Türkiyə Silahlı Qüvvələri Baş Qərargahı məlumat yayıb. Bildirilir ki, hücum nəticəsində 2 əsgər şəhid olub, 2-si yaralanıb.

Digər təfərrüatlar hələ ki açıqlanmır.

Ölkə.Az

ŞƏRH YAZ
0

Həsən Ruhani: “Sən kimsən ki, İran və digər ölkələrlə danışıqlar aparasan!?"

Həsən Ruhani: “Sən kimsən ki, İran və digər ölkələrlə danışıqlar aparasan!?
23:05
21.05.2018
1744
Dünya
A
ABŞ-ın İrana və bütün dünyaya nə etmələri lazım olduğunu söyləmək hüququ yoxdur.

"Ölkə.Az" TASS-a istinadən xəbər verir ki, bu sözləri İran prezidenti Həsən Ruhani deyib.

"Artıq dünya Amerikanın müstəqil və suveren dövlətlərin yerinə qərar qəbul etməsi ilə razılaşa bilmir. ABŞ hökuməti 15 il əvvələ – kiçik Corc Buşun 2003-cü il bəyanatları dövrünə qayıdıb. Lakin bu gün biz Amerikanın bütün dünyanın taleyini müəyyən etməsi və öz yanaşmasını dünyanın qəti olaraq rədd etdiyi güc yolu ilə qəbul etdirməsi ilə razılaşa bilmərik", - deyə Ruhani qeyd edib.

İran prezidenti ABŞ-ın dövlət katibi Mayk Pompeoya müraciət edərək İran xalqının ABŞ-ın yalanlarından doyduğunu bildirib:

"Dünən casus mərkəzində həkim işləyən adam, indi ABŞ-ın dövlət katibi olub və dünyanın taleyini həll etmək istəyir. Sən kimsən ki, İran və digər ölkələrlə danışıqlar aparasan!? İran xalqı artıq sizin yalanlarınızdan doyub", - deyə İran prezidenti vurğulayıb.

Ölkə.Az

ŞƏRH YAZ
0
BAĞLA