"Nuranə deyirdi ki, namaz qılıram, sakit durun, yoxsa sizi dağlayacam" — VİDEO

18:55
12.12.2019
4704
Ölkə
A
Bir neçə gündür ögey ananın iki azyaşlıya işgəncə verməsi ictimaiyyətin qəzəbinə səbəb olub.

"Ölkə.Az" APA-ya istinadən xəbər verir ki, anaları körpəykən vəfat edən Qulu və Hüseyn Kazımov qardaşları analığın və atanın onlarla qəddar davranıçlarından danışıblar.

Ögey anasının döydüyü, işgəncələrə məruz qalan 6 yaşlı Qulu əsasən qardaşı Hüseynin daha çox işgəncələrə məruz qalmasını və Nuranənin hansı səbəblə onları döyməsini bu sözlərlə ifadə edib:

“Nuranə bıçağı qızdırıb, qardaşım Hüseynin ayağına dağ basmışdı. Deyirdi, mən namaz qılanda səs eləməyin. Hüseynin əlini deşib duzlu suya basır, əlinə duz tökürdü. Yemək yeyəndə ağzımıza istiot tökürdü. Bütün bunlardan atamızın da xəbəri vardı. Deyirdi ki, yaxşı edir sizi döyür.

Hüseyni ördəkləri saxladığı hində taxtadan ayağından başı aşağı asırdı. Mən açıb evə gətirib stolun altında gizlədirdim. Bizə yemək də vermirdilər, ac qalırdıq. Yemək istəyəndə ağzımıza istiot tökürdülər. Verdikləri çiy kartof idi. Yeyib qaytarırdıq. Özləri yemək yeyəndə isə bizi üzü divara ayaqüstə saxlayırdılar ki, rahat yesinlər”.

Qeyd edək ki, Sabunçu rayonu ərazisində azyaşlılar - Qulu və Hüseyn adlı qardaşların ata və ögey anaları tərəfindən işgəncələrə məruz qalmaları xüsusatlarının istintaq yolu ilə araşdırılması məqsədi ilə Cinayət Məcəlləsinin 127.2.2 (qəsdən sağlamlığa az ağır zərər vurma, xüsusi amansızlıqla, o cümlədən zərərçəkənə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxs barəsində törədildikdə), 133.2.3 (əzab vermə, bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən törədildikdə) və 133.2.4-cü (əzab vermə, təqsirkar şəxs üçün aşkar surətdə yetkinlik yaşına çatmayan, habelə köməksiz vəziyyətdə olan şəxsə qarşı törədildikdə) maddələri ilə cinayət işi başlanıb. Ata həbs edilib, analıq isə polis nəzarətinə götürülüb.

ŞƏRH YAZ
0

Qrip, virusdan burnu tutulanlara — 1 MANATQLIQ RESEPT

Qrip, virusdan burnu tutulanlara
18:57
Bu gün
38
Ölkə
A
Qripdən, virusdan, soyuqdan, allergiyadan burnu tutulanlar bu ucuz və asan vasitəni etsələr, illərlə burun tutulması nədir bilməyəcəklər.

"Ölkə.Az" medicina.az-a istinadən xəbər verir ki, hətta xroniki burun tutulması zamanı da burun iltihabı və suyunu yoxa çıxarır.

Xroniki rinit zamanı çox effektivdir

1.Bir stəkan suda 1 çay qaşığı sodanı həll edib, burnu yuyursuz. Bunun üçün şpris istifadə edə bilərsiz. Yaxşı olar ki, hər burun dəliyinə suyu alıb yuxarı çıkib, ağızdan tüpürəsiz

Hər dəliyi 2-3 dəfə yuyursuz və yaxşıca fınxırırsız.

2-ci addım: Streptosid tabletini toz halına əzib hər burun dəliyinə sovurub çəkirsiz. Bunun üçün kağızdan borucuq düzəldib tozu buruna çəkirsiz. Toz elə yuxarı çəkilməlidir ki, boğaza da düşə bilsin. Bir tableti əzib hər iki burun dəliyinə 2-3 dəfə etməyə yetərli olacaq.

Bu metod ilk 3 gündə sutkada 5 dəfə olunur. Sonra burun tamamilə açılır və təmizlənir.

Kurs 5 gündür.

ŞƏRH YAZ
0

Yataq xəstəsi olan Ağakərimin ürəksızladan görüntüləri — VİDEO

Yataq xəstəsi olan Ağakərimin ürəksızladan görüntüləri
18:44
Bu gün
200
Ölkə
A
Ağakərimin səhhəti ilə bağlı son durum məlum olub.

"Ölkə.Az" baku.ws-ə istinadən xəbər verir ki, ARB TV əməkdaşları tanınmış meyxana ustadının evindən çəkiliş edib. 

Meyxanaçının son görüntüləri tamaşaçıların ürəyini sızladıb.

Həmkarı Ağamirzə ilə söhbət edən Ağakərim danışmaqda çətinlik çəkib. 

Yataq xəstəsi olan Ağakərimin son vəziyyətini təqdim edirik:

ŞƏRH YAZ
0
BAĞLA