Nurəddin Mehdixanlı HİDDƏTLƏNDİ — Ölüm hökmü bərpa edilməlidir- FOTO

Nurəddin Mehdixanlı HİDDƏTLƏNDİ
14:22
22.07.2019
9697
Ölkə
A
Tanınmış aktyor, xalq artisti Nurəddin Mehdixanlı Sumqayıtda 55 yaşlı kişinin 8 yaşlı qızı zorlamasına münasibət bildirib.

 "Ölkə.Az" xəbər verir ki, sənətkar belə şəxslər barəsində ölüm hökmünün çıxarılmalı olduğu deyib:

"Ölüm hökmü qayıtmalıdır. Saysız qətl hadisələrinin və bu sayaq vəhşiliklərin əsas baş vermə səbəbi, ölüm hökmünün ləğv edilməsidir".

Qeyd edək ki, bir neçə gün öncə Sumqayıtda 17-ci mikrorayon ərazisində 8 yaşlı qız nənəsigilə qonaq gəlibmiş, öz evlərinə geri qayıdarkən yolda 55 yaşlı kişi ilə rastlaşıb. Həmin şəxs uşağa şirnikləndirici vədlər verərək aldadıb və yaxınlıqda yerləşən restoranın arxasındakı zirzəmiyə apararaq bir gecə orada saxlayıb. O, həmin gecə 8 yaşlı qızı zorlayıb.

Sumqayıt şəhər prokurorluğundan bildirilib ki, faktla bağlı Cinayət Məcəlləsinin 150.3.3-cü maddəsi ilə cinayət işi başlanılıb, cinayəti törətməkdə şübhəli bilinən şəxs saxlanaraq barəsində məhkəmə qərarı ilə həbs qətimkan tədbiri seçilib. İstintaq davam etdirilir.

Ölkə.Az 

ŞƏRH YAZ
0

Bakıda “yiyəsi çıxmayan” qəsəbənin bitməyən su dərdi — VİDEO

Bakıda “yiyəsi çıxmayan” qəsəbənin bitməyən su dərdi
21:01
Bu gün
1708
Ölkə
A
Suraxanı rayonu Binə qəsəbəsi, “Südçülük sovxozu” adlanan ərazidə yaşayan minlərlə sakin şirin su və yolsuzluqdan əziyyət çəkir.

"Ölkə.Az" baku.tv-yə istinadən xəbər verir ki, qəsəbənin uzun illər əvvəl salınmasına baxmayaraq, ərazidə nə su xətti, nə də asvalt yol olub. Sakinlər bildirirlər ki, uşaqlar məktəbə suyun içi ilə gedib-gəlirlər, yaşlı insanlar yolu gedə bilmirlər. Dəfələrlə yıxılıb suyun içində qalanlar olub.  

Sakinlər qeyd edirlər ki, uzun illərdir ya pul verib su alırlar, ya da quyu suyu içirlər. Hətta sudan zəhərlənən uşaqlar da olub. 

Başı bəlalı qəsəbənin dərdi bununla da bitmir. Belə ki, buradakı vətəndaşlar hansı inzibati rayonun tabeçiliyində yaşadıqlarından da xəbərsizdilər. Sakinlər komunal ödənişləri Xəzər rayonuna, digər ödənişləri isə Suraxanı rayonuna ödəyirlər.  

“Suraxanı rayonu atır Xəzər rayonunun üstünə, Xəzər rayonu atır Suraxanı rayonunun üstünə”.  

Mövcud vəziyyətlə bağlı vətəndaşlar hər iki icra orqanına müraciət etsələr də, heç bir nəticəsi olmayıb. 

Suraxanı rayon icra nümayəndələrindən onlara verilən cavab isə belə olub: 

“Gedin, hara şikayət edirsiz, edin, nə vaxt pul ayrılacaq, onda problemləri həll edəcəyik”.  

Məsələ ilə bağlı ilk olaraq Suraxanı rayon icra hakimiyyətinə yollandıq. Burada şifahi açıqlama verən şöbə müdiri Bərduxan Bərduxanov sözügedən ərazinin Suraxanı rayonu ərazisi olmadığını bildirib.  

Xəzər Rayon İcra hakimiyyətində isə ümumiyyətlə, suallarımıza cavab verilmədi. Hətta Baku TV-ni tanımadıqlarını bildirdilər.  

Ərazinin tam olaraq hansı rayonun balansında olduğunu öyrənmək üçün Əmlak məsələləri üzrə Dövlət Komitəsinin mətbuat xidməti ilə əlaqə saxladıq. Buradan bildirdilər ki, inzibati ərazi bölgüsünə görə, südçülük sovxozu adlanan ərazi faktiki olaraq Suraxanı rayonunun inzibati ərazisidir. Aydın olan isə odur ki, məsul icra qrumları nəinki sakinlərin problemləri ilə maraqlanmaq, ümumiyyətlə, rayonun inzibati sərhədlərini də bilmirlər.  

ŞƏRH YAZ
0

Yunis Səfərov və digərlərinin cinayət işi icraata verilib

Yunis Səfərov və digərlərinin cinayət işi icraata verilib
20:29
Bu gün
3176
Ölkə
A
Gəncə Şəhər İcra Hakimiyyətinin başçısı və polis əməkdaşına qarşı əvvəlcədən planlaşdırılmış terror aktı törətməkdə təqsirləndirilən Yunis Səfərov də daxil olmaqla 12 dəstə üzvünün cinayət işi Gəncə Ağır Cinayətlər Məhkəməsində icraata verilib.

"Ölkə.Az" report-a istinadən xəbər verir ki, cinayət işinə hakim Məhəmməd Bağırovun sədrlik etdiyi kollegiya baxacaq. Hazırlıq iclasının vaxtı hələlik açıqlanmayıb.

Cinayət işi üzrə Elmar Vəliyev və daha 5 nəfər zərərçəkmiş qismində tanınıb.

Qeyd edək ki, 2018-ci ilin iyulun 3-də Yunis Səfərovun xarici dövlətlərdə fəaliyyət göstərən radikal dini dairələri təmsil edən mütəşəkkil dəstə tərkibində Gəncə şəhərində şəhər İcra Hakimiyyətinin başçısı və polis əməkdaşına qarşı əvvəlcədən planlaşdırılmış terror aktı olmaqla Azərbaycan Respublikasının Konstitusiya quruluşunun zorla dəyişdirilməsinə, şəriət qanunlarına əsaslanan idarə üsulunun təşkilinə yönələn terrorçuluq, qanunvericiliklə nəzərdə tutulmayan sabit silahlı qrupun yaradılmasına, ölkəmizin hüdudlarından kənarda silahlı birləşmələrdə təlim keçilməsi, çoxsaylı odlu silah, döyüş sursatı və partlayıcı qurğuların quldurluq və digər qanunsuz yollarla ələ keçirilərək saxlanılması, polis əməkdaşlarının ağırlaşdırıcı hallarda qəsdən öldürülməsinə cəhd edilməsi, ayrı-ayrı vəzifəli şəxslərin dövlət xadimləri kimi xidməti fəaliyyətlərinə son qoymaq və bu fəaliyyətə görə qisas almaq məqsədilə terror aktlarına hazırlıq, dövlət əleyhinə açıq çağırışlar və törətdikləri sair ağır və xüsusilə ağır cinayət əməllərinə görə Baş Prokurorluğun Ağır cinayətlərə dair işlər üzrə istintaq idarəsində başlanmış cinayət işinin istintaqı başa çatdırılıb.

Daxili İşlər Nazirliyi, Dövlət Təhlükəsizliyi Xidməti və Baş Prokurorluğun əməkdaşlarından ibarət birgə istintaq-əməliyyat qrupu tərəfindən cinayət işi üzrə çoxsaylı istintaq hərəkətləri aparılmaqla Y.Səfərov da daxil olmaqla mütəşəkkil dəstənin 12 üzvü barəsində istintaq yekunlaşdırılaraq dekabrın 5-də baxılması üçün Gəncə Ağır Cinayətlər Məhkəməsinə göndərilib.

Cinayət təqibi orqanından qaçıb ölkə hüdudlarından kənarda gizlənən 11 nəfər barəsində isə beynəlxalq axtarış elan olunmaqla barələrində zəruri istintaq və əməliyyat-axtarış tədbirləri davam etdirilir.

Ölkə.Az

ŞƏRH YAZ
0
BAĞLA