Nurəddin Mehdixanlı HİDDƏTLƏNDİ — Ölüm hökmü bərpa edilməlidir- FOTO

Nurəddin Mehdixanlı HİDDƏTLƏNDİ
14:22
22.07.2019
9698
Ölkə
A
Tanınmış aktyor, xalq artisti Nurəddin Mehdixanlı Sumqayıtda 55 yaşlı kişinin 8 yaşlı qızı zorlamasına münasibət bildirib.

 "Ölkə.Az" xəbər verir ki, sənətkar belə şəxslər barəsində ölüm hökmünün çıxarılmalı olduğu deyib:

"Ölüm hökmü qayıtmalıdır. Saysız qətl hadisələrinin və bu sayaq vəhşiliklərin əsas baş vermə səbəbi, ölüm hökmünün ləğv edilməsidir".

Qeyd edək ki, bir neçə gün öncə Sumqayıtda 17-ci mikrorayon ərazisində 8 yaşlı qız nənəsigilə qonaq gəlibmiş, öz evlərinə geri qayıdarkən yolda 55 yaşlı kişi ilə rastlaşıb. Həmin şəxs uşağa şirnikləndirici vədlər verərək aldadıb və yaxınlıqda yerləşən restoranın arxasındakı zirzəmiyə apararaq bir gecə orada saxlayıb. O, həmin gecə 8 yaşlı qızı zorlayıb.

Sumqayıt şəhər prokurorluğundan bildirilib ki, faktla bağlı Cinayət Məcəlləsinin 150.3.3-cü maddəsi ilə cinayət işi başlanılıb, cinayəti törətməkdə şübhəli bilinən şəxs saxlanaraq barəsində məhkəmə qərarı ilə həbs qətimkan tədbiri seçilib. İstintaq davam etdirilir.

Ölkə.Az 

ŞƏRH YAZ
0

Bakının ən özbaşına marşrut avtobusları — ÖLÜM TƏHLÜKƏSİ - VİDEO

Bakının ən özbaşına marşrut avtobusları
14:26
Bu gün
302
Ölkə
A
Bakıda bəzi marşrut xətlərindəki özbaşınalıqlar, sərnişinlərin həyatlarının heç sayılması halları heç kimə sirr deyil.

"Ölkə.Az"ın news24.az-a istinadən məlumatına görə, son günlər yayılan videogörüntülər də bəzi marşrut xətlərindəki özbaşınalığın daha da artdığını göstərir. Xətai rayonu ərazisində ötüşən və qırmızıda keçən 113 nömrəli sərnişin avtobusu, Binəqədi rayonu Azadlıq prospektində sərnişinlə dolu halda əks zolağa çıxaraq xeyli insanın və digər maşınlarda olanları ölümlə üz-üzə qoyan 165 saylı marşrut xətti buna bariz nümunədir.

Maraqlıdır ki, qaydaları pozan 99 LZ 861 dövlət qeydiyyat nişanlı, içi sərnişinlə dolu avtobus bir neçə ay əvvəl Yasamalda dəhşətli qəza törədib və 8 maşını əzib. Həmin vaxt mətbuatda bu barədə çoxsaylı şikayətlər yazılıb. Bu dəfə həmin avtobus daha kobud qayda pozuntusu edib.

Dəfələrlə 165, 113 kimi marşrutları sürən sürücülərin özbaşınalıqları, cinayətləri, qayda pozuntuları barədə yazılsa da, şikayətlər edilsə də dövlət qurumları sınıq-salxaq bu avtobuslarla bağlı heç bir tədbir görmür.

Baş vermiş hadisələrin görüntülərini təqdim edirik.

ŞƏRH YAZ
0

Metroda özünü qatarın altına atan şəxsin kimliyi məlum oldu

Metroda özünü qatarın altına atan şəxsin kimliyi məlum oldu
13:47
Bu gün
1636
Ölkə
A
Daxili İşlər Nazirliyi Metronun “Neftçilər” stansiyasının platformasında özünü qatar yoluna atan şəxs barədə məlumat yayıb.

"Ölkə.Az" xəbər verir ki, dekabrın 11-də saat 18 radələrində metronun “Neftçilər” stansiyasının platformasında bir nəfər özünü qatar yoluna atmışdır.

Bu zaman orada olan DİN BİTİ-yə bilavasitə tabe olan Diplomatik Nümayəndəliklərin Mühafizəsi üzrə Əlahiddə Polis Taborunun əməkdaşları tərəfindən dərhal görülmüş tədbirlərlə həmin şəxs qatar yolundan çıxarılmışdır. Onun Masallı rayon sakini V.Əzimov olması müəyyən edilmişdir.

Natiq Allahverdiyev
Ölkə.Az

 

ŞƏRH YAZ
0
BAĞLA