Nüşabə Ələsgərli dərslik yazdı — FOTO

Nüşabə Ələsgərli dərslik yazdı
16:52
08.07.2019
4081
Mədəniyyət
A
Əməkdar artist, Dövlət Mədəniyyət və İncəsənət Universitetinin müəllimi Nüşabə Ələsgərli dərs vəsaiti yazıb.

Sənətçi "Ölkə.Az"ın əməkdaşı ilə söhbətində bildirib ki, "Şəfiqə Axundova yaradıcılığının üslub xüsusiyyətləri" adlanan kitab Azərbaycan musiqişünaslığı üçün ilkdir:

"Kitabda Şəfiqə xanımın əsərlərinin musiqi dili, üslub xüsusiyyətləri araşdırılıb. Onun yaradıcılığında əsas əhəmiyyət kəsb edən vokal musiqisi olduğuna görə, həm onun janr xüsusiyyətlərini, həm də musiqi dilinin özünəməxsus cəhətlərini üzə çıxartmışıq. Kitab üç hissədən ibarətdir. Birinci fəsildə Axundovanın yaradıclığının mərhələləri yer alıb.  İkinci fəsildə vokal yaradıcılığında milli üslub xüsusiyyətlərinin təhlilinə yer verilib. Bura vokal əsərləri, həmçinin xalq musiqisi üslubuna əsaslanan mahnılar da aiddir. Üçüncü fəsil isə "Şəfiqə Axundovanın "Gəlin qayası" operasında muğam ənənələrinin təzahürü" adlanır".   

Qeyd edək ki, kitabın elmi redaktoru sənətşünaslıq üzrə fəlsəfə doktoru, dosent Ellada Hüseynova, rəyçisi Sənətşünaslıq üzrə fəlsəfə doktoru, professor Məryəm Babayevadır.


İntiqam VALEHOĞLU
Ölkə.Az

ŞƏRH YAZ
0

Emin və azərbaycanlı məşhurlardan “Azərbaycan-101” layihəsi — VİDEO

Emin və azərbaycanlı məşhurlardan “Azərbaycan-101” layihəsi
11:38
Bu gün
470
Mədəniyyət
A
Xalq artisti Emin Ağalarov Azərbaycana həsr olunmuş "Azərbaycan-101" adlı irimiqyaslı musiqi layihəsini təqdim edib.

“Ölkə.Az” qafqazinfo-ya istinadən xəbər verir ki, yeni layihəsinin işıq üzü görməsi haqda məlumat verən Emin həmyerlilərini Azərbaycanın Müstəqillik Günü münasibəti ilə təbrik edib və 2019-cu ildə republikanın 101 yaşı tamam olduğunu qeyd edib:

“Azərbaycan! Mən səni sevirəm! Harada olmağımızdan asılı olmayaraq, biz həmişə doğma torpağımızı, yaxın insanlarımızı, uşaqlığımızı, doğma diyarımızı düşünürük və xatırlayırıq. Azərbaycan, bizim hamımızı birləşdirdiyin üçün çox sağ ol!

Layihədə Emin Ağalarovla yanaşı Xalq artistləri Aygün Kazımova, Zülfiyyə Xanbabayeva, Elçin Əzizov, Yusif Eyvazov, eləcə də Jony, Bahh Tee və digər məşhur azərbaycanlı artistlər yer alıb.

Xalq artisti, həmçinin, mahnının müəlliflərinə - söz yazarı, Heydər Əliyev Fondunun vitse-prezidenti Leyla Əliyevaya və bəstəkar Ruslan Ağababayevə xüsusi minnətdarlığını bildirib. Klipin rejissoru Emin Muradovdur.

Ölkə.Az

ŞƏRH YAZ
0

Nərimanovun Gürcüstandakı heykəli bərpa olunur

Nərimanovun Gürcüstandakı heykəli bərpa olunur
17:38
18.10.2019
1437
Mədəniyyət
A
Gürcüstanın Marneuli rayonunun mərkəzində Azərbaycanın görkəmli dövlət xadimi, yazıçı və həkim Nəriman Nərimanovun heykəli və onun adını daşıyan park bərpa olunacaq.

"Ölkə.Az" Report-a istinadən xəbər verir ki, bu barədə Marneuli rayonunun icra başçısı Zaur Darğallı bildirib.

Onun sözlərinə görə, rayonda olan bütün parkların bərpası nəzərdə tutulub: “Təmir-bərpa işləri zamanı parkların ərazisində yerləşən obyektlər də nəzərə alınacaq. Bu işlərin aparılması ilə bağlı müsabiqə keçiriləcək. Müsabiqəyə təqdim olunan layihələrin həyata keçirilməsi məqsədilə tender elan olunacaq. Marneulidəki bütün parkların bərpasının 2020-ci ilin sonuna qədər başa çatdırılması planlaşdırılıb”.

Qeyd edək ki, ötən ay N.Nərimanovun Marneulidəki heykəli daha da qəzalı vəziyyətə düşüb. 1980-ci illərin əvvələrində ucaldılan abidənin postamentində yerləşən mərmər lövhələrin bir neçəsi yerindən qopub, fundamentində çatlar əmələ gəlib. Heykəlin yerləşdiyi parkın təmir-bərpa və abadlıq işlərinə böyük ehtiyacı var. 

ŞƏRH YAZ
1
BAĞLA