Nuşirəvan Məhərrəmli ləhcə və dialektlə danışanlara səsləndi

Nuşirəvan Məhərrəmli ləhcə və dialektlə danışanlara səsləndi
13:47
19.10.2017
194
Ölkə
A
"Ədəbi dil normalarının qorunması hər bir kəsin vətəndaşlıq borcu olmalıdır".

"Ölkə.Az"ın APA-ya istinadən verdiyi məlumata görə, bunu Milli Televiziya və Radio Şurasının sədri Nuşirəvan Məhərrəmli deyib.

N. Məhərrəmli bildirib ki, hər bir kəs Ana dilini səlis bilməlidir: "Hər birimiz orta məktəbdə "Azərbaycan dili" dərsi keçirik. Bu dərslik Azərbaycanın bütün bölgələrinin dilləri əsasında formalaşıb. O baxımdan biz hər hansı ləhcədə, dialektdə danışmamalı, alınma sözlərdən minimum istifadə etməliyik. Alınma sözlərdən yalnız Azərbaycan dilində qarşılığı olmayanda istifadə olunmalıdır. Bu məsələdə əsas iş ziyalılarımızın, QHT-nın, ümumiyyətlə, cəmiyyətin fəal qisminin üzərinə düşür. Mən ədəbi dil normalarının qorunması ilə bir müddət əvvəl keçirilən konfransda da çağırış etdim ki, ziyalılar, QHT, cəmiyyətin fəal qismi bu işdə öndə getsinlər. Çünki Azərbaycan dilində danışanların sayı nə qədər azalırsa, bu, Azərbaycan dilinə ziyan vurur. Hər birimiz doğma torpağımızda, Azərbaycanda yaşayırıqsa, dilimizin inkişafına çalışmalıyıq, dilimizin zəifləməsinə yox".

N. Məhərrəmli telekanallarda ədəbi dil normalarına riayət olunması sahəsində monitorinqlərin davamlı şəkildə aparılacağını da qeyd edib: "Amma bu məsələdə əsas iş mütəxəssislərin üzərinə düşür. Dil sahəsində çalışan Azərbaycan Milli Elmlər Akademiyasının Dilçilik İnstitutu, dil üzrə ayrıca Dövlət Komissiyası var. Onlar bu sahədə fikirlərini deməlidir. MTRŞ yalnız mütəxəssislərin rəyi əsasında hər hansı tədbir görə bilər".

N. Məhərrəmli AMEA Dilçilik İnstitutunun hazırladığı və ədəbi dil normalarının pozulmasına görə inzibati cərimələri nəzərdə tutan layihə ilə hələ tanış olmadığını da bildirib: "Bu layihə ilə tanış olduqdan sonra fikir deyə bilərəm".

ŞƏRH YAZ
0

“Formula-1” ilə bağlı icazə sənədi üçün müraciətin müddəti bu gün başa çatdı

“Formula-1” ilə bağlı icazə sənədi üçün müraciətin müddəti bu gün başa çatdı
09:58
Bu gün
262
Ölkə
A
“2018 Formula-1” Azərbaycan Qran-prisi ərəfəsində nəqliyyatın hərəkətinin qadağan olunduğu ərazilərdə yaşayan sakinlərə, kirayənişinlərə və işgüzar fəaliyyətlə məşğul olanlara bütün zonalara girişlə bağlı icazə sənədi üçün müraciət bu gün başa çatıb.

“Ölkə.Az”ın məlumatına görə, icazə sənədi yalnız “2018 Formula-1” Azərbaycan Qran-prisi ərəfəsində yol məhdudiyyəti təqdim edilən müddət (23 aprel – 1 may) üçün etibarlıdır.

Qeyd edək ki, “2018 Formula-1” Azərbaycan Qran-prisi ərəfəsində nəqliyyatın hərəkətinin qadağan olunduğu ərazilər 3 zonaya ayrılıb. Birinci zonaya trekin əhatə etdiyi İçərişəhər, ikinci zonaya Azadlıq meydanı və onun yaxınlığında yerləşən digər ərazilər, üçüncü zona isə BMT-nin 50 illiyi küçəsini əhatə edir.

Xatırladaq ki, bu ərazilərdə yaşayan sakinlər, kirayənişinlər və işgüzar fəaliyyətlə məşğul olanlar bütün zonalara giriş üçün icazə sənədini aprelin 12-dən 23-dək

- İçərişəhər Dövlət Tarix-Memarlıq Qoruğu İdarəsi, Böyük Qala küçəsi 42/19, Zəncirli ev 2 mərtəbədən,

- 4 saylı Mənzil Kommunal İstismar Sahəsi, Xəqani küçəsi 26/32, 5-ci blok 2-ci mərtəbədən,

- 58 saylı Mənzil Kommunal İstismar Sahəsi, İstiqlaliyyət küçəsi 5 ünvanlarından əldə etməli idi.

Qeyd edək ki, 1 və 2-ci zonalarda nəqliyyatın hərəkətinə gecə vaxtı 00:00-dan 06:00-dək icazə veriləcək.

1-ci zonaya giriş Azneft dairəsi, 2-ci zonaya Rəşid Behbudov küçəsi, 3-cü zonaya isə giriş Lermontov küçəsi (Şəlalələr parkı) tərəfdən olacaq.

3-cü zonada isə nəqliyyatın hərəkətinə gün ərzində giriş imkanı olacaq və icazə  sənədi olan avtomobillər günün istənilən saatı bu zonaya daxil ola biləcəklər.

Qeyd edək ki, Bakıda üçüncü dəfə təşkil olunacaq “2018 Formula-1” Azərbaycan Qran-prisi aprelin 27-29-da baş tutacaq.

ŞƏRH YAZ
0

Bakıda vəzifəli şəxsin evi yarıldı

Bakıda vəzifəli şəxsin evi yarıldı
09:53
Bu gün
499
Ölkə
A
Hadisə Xətai rayonu, Həzi Aslanov qəsəbəsində qeydə alınıb.

Bakıda vəzifəli şəxsin evi yarıldı

“Ölkə.Az”a hüquq-mühafizə orqanlarından verilən məlumata görə, qəsəbə sakini Abil Qədirovun evindən içində 100 min manat dəyərində qızıl-zinət əşyaları, 30 min dollar da pul olan seyf oğurlanıb. 

Faktla bağlı hadisə yerinə 37-ci polis bölməsinin əməkdaşları gəlib, ilkin müayinələr aparıblar. Baş vermiş cinayət işi ilə bağlı Xətai RPİ-nin İstintaq Şöbəsində cinayət məcəlləsinin oğurluq maddəsi ilə cinayət işi başlanıb. 

Qeyd edək ki, Abil Qədirov Nazirlər Kabineti Aparatının qaçqınların, məcburi köçkünlərin problemləri və miqrasiya şöbəsinin məsləhətçisi vəzifəsində çalışıb. Sonra isə həmin şöbənin Abşeron rayon üzrə baş məsləhətçisi vəzifəsinə təyin edilib.

Faktla bağlı zərəçəkən Abil Qədirovun mövqeyinidə öyrəndik. O, hadisənin axşam saatlarında evdə olmadıqları vaxt baş veridiyni bildirdi:
“Evdən təxminən 3-4 saat olardı çıxmışdıq, gəldik gördük ki, seyfi aparıblar. Oğrular evə qapını açmaq yolu ilə daxil olublar. Nəticəsi barədə cinayətin üstü açılanda məlumat verə bilərəm”.

ŞƏRH YAZ
0
BAĞLA