Nyu-Yorkda Tramp әleyhinә aksiya keçirildi
ABŞ-ın Nyu-York şәhәrindә ölkə prezidenti Donald Tramp әleyhinә etiraz aksiyası keçirilib.
“Ölkə.Az” TRT-yə istinadən xəbər verir ki, etiraz aksiyası Nyu-Yorkun Manhettan bölgәsindә ''Trump'' otelinin qarşısında keçirilib.
Aksiya iştirakçıları Tramp әleyhinә şüarlar sәslәndirib vә onun qaçqın siyasәtinә etirazlarını bildiriblәr. Aksiyaçılar hәmçinin Amerika-Meksika sərhədlərində ailələri ilə birgə həbs olunan mühacir uşaqların ailәlәrindәn uzaqlaşdırılmasına vә xüsusi tәcridxanalara göndәrilmәsinә dә etiraz bildiriblәr.
“ABŞ-ın qaçqın siyasәti bir cinayәtdir” yazılmış plakatlar daşıyan aksiyaçılar “Tәcridxanalara yox” şüarını sәslәndiriblәr.
Qeyd edək ki, ABŞ rәhbәrliyinin qәrarına әsasәn Amerika-Meksika sərhəddini qanunsuz keçən ailələr həbs olunur, uşaqları isə xüsusi təcridxanalara göndərilir.
Ölkə.Az
