AXTAR

Axtarışın nəticələri

Bütün nəticələr

"O konfransın yerini mənə deyin!" — Akif Nağı

Bakıda “Avronest” Parlament Assambleyasının iclası keçirilir.

22.09.2017 11:34 Bölmə: Ölkə Oxunma sayı: 558
A- A A+

Konfransda Ermənistanı “Avronest” PA-dakı nümayəndə heyətinin rəhbəri Armen Aşotyan və heyətin üzvü Mane Tandilyan təmsil edəcək.

Erməni deputatların Bakıya gəlişi Azərbaycan ictimaiyyəti tərəfindən birmənalı qarşılanmayıb.

Məsələ ilə bağlı Qarabağ Azadlıq Təşkilatının (QAT) sədri Akif Nağı Ölkə.Az-a danışıb:

"Konfrans harada keçirilir yerini gizlədirlər. Əgər konfransın keçiriləcəyi yeri bilirsinizsə, onun yerini mənə deyin. Bizim etiraz aksiyası keçirmək fikirimiz var. Bir neçə gündür ki, bu məsələ ilə bağlı məşğuluq. Sentyabr ayının 15-də ilk etiraz aksiyasını Xarici İşlər Nazirliyinin qarşısında keçirdik. Tələblərimizi qoyduq, şüarlarımızı səsləndirdik və bildirdik ki, nə qədər torpaqlarımız işğal altındadır, Ermənistandan hər hansısa bir nümayəndənin Azərbaycana səfəri yolverilməzdir. Xarici İşlər Nazirliyinin mətbuat xidmətinin rəhbəri Hikmət Hacıyev bizi dinlədi və bildirdi ki, səsləndirdiyiniz fikirləri rəhbərliyə çatdıracam".

Dünən 7 saatdan çox hava limanında ermənilərin gəlməyini gözlədiklərini deyən QAT sədri qeyd etdi ki, nə Rusiya, nə də Gürcüstan reysləri ilə erməni deputatlar gəlmədi:

"Onlar ölkəyə hansı yolla gəldilər bilmədik. Gecə xəbər tutduq ki, erməni deputatlar artıq Bakıdadır. Gözləyirik. Konfransın yerini axtarırıq. Keçiriləcəyi yeri tapsaq, konfransın işini pozacağıq".

Səxavət Məmməd
Ölkə.Az

Partner Xəbər