O kresloda rahat otura bilirsiz, Orxan müəllim?

O kresloda rahat otura bilirsiz, Orxan müəllim?
15:16
11.09.2017
28
İdman
A

Aydın BAĞIROV


Söz vaxtına çəkər, ötən ilin bugünləri ardıcıl məğlubiyyətlərdən və 0:8 hesablı tarixi “Qəbələ” biabırçılığından sonra AFFA “Neftçi”dəki uğursuz kadrı Elnur Məmmədovu göndərib idarəetməyə başqa bir nümayəndəsi – sonradan elə təxminən Elnur Məmmədovun bacarıqsız işgüzar yolunu gedəcək Orxan Hüseynzadəni gətirdi.

Gənc kadrdı, bəziləri dedi ki, peşəkar futbol idarəçiliyini əla bilir, “Neftçi”ni düzəldəcək. Amma Orxan müəllimin faktiki rəhbərliyi dövründə komanda ötən mövsümü rəzil sonluqla başa vurdu: 8 komanda arasında 7-ci yeri tutdu, kubok üzünə də həsrət qaldı. Dırnaqarası “xidmətlər”inə görə isə AFFA və SOCAR-dakı birgə qruplaşma bir medal qalmadı Orxan Hüseynzadənin sinəsinə taxmasın. Klub üçün acınacaqlı sonluqla bitən çempionatdan cəmi 2 ay sonra onu icraçı direktorluqdan çıxarıb prezident təyin etdilər.

Təəccüblü deyil ki... Tərsinədi bizdə çox şey.

“Neftçi”yə rəhbərliyindən 1 il ötür. Amma bircə metr irəli gedə bilməyib klub. Gələndə komanda harda idisə, elə indi də ordadı, 7-ci yerdə, cəmi 1 xalla. Hə, “Neftçi” cəmi bir xal toplayıb. “Neftçi”ni idarə edənlər də sərvət...

Yeyib gözləri doyandan sonra (əgər doysa, təbii ki) bu yazıq komandayla da maraqlansalar, pis olmaz.

***

Hələlik isə sadiq fədakar azarkeşlərindən başqa kiminsə vecinə deyil “Neftçi”. Nə Orxan Hüseynzadənin, nə də onun AFFA və SOCAR-dakı ağalarının.

Elə bilirlər olmayan azarkeşlərinə hansısa rəngbərəng kartlar hazırlayanda rəhmətlik Banişevski dirilib  bunların futbolçuları əvəzinə qollar vuracaq. Futbolçu dedim, yadıma düşdü, problemlərin kökü bilirsiz həm də hardadı? Xaricdə harda zay oyunçu var, gətirib dürtürlər komandaya. 

Bu işin arxasındakı menecerlər isə gedir bağlanır təbii ki, AFFA-nın rəhbərliyinə. Məsələn, Riyad Rəfiyev federasiyada çalışır, milli komandada hansısa vəzifəsi də var. Amma o, həm də “Neftçi”yə futbolçu gətirir və buna görə yaxşı pul qazanır. Kamil Məmmədov isə tanınmış menecerdi. Zamanında Berti Foqtsu Azərbaycana gətirdiyinə görə ölkə onu və ona dəstək olan AFFA-nı həmişə sevə-sevə xatırlayacaq. Sözüm Foqtsda deyil. Hər nə hikmətdirsə, Kamil Məmmədovla Riyad Rəfiyevin “Neftçi”yə gətirdikləri futbolçular da Foqts kimi yararsız çıxırlar. Ən acınacaqlısı da odu ki, bu futbolçulara nə qədər pullar xərclənir. Yəqin ki, illik milyon dollardan çox. Amma topası heç 10 manata dəymir. 

Yəni, qısa desək, futbol zövqləri, futbolçu seçimləri bu qədər “yüksəkdir”...

Amma əsas odu, onlar AFFA ilə birgə istədiklərini edirlər, kimi istəyirlər “Neftçi”yə gətirirlər, sənəddə vəzifəsi prezident olan Orxan müəllim də buna ya heç nə demir, ya da əlbəttə, deyə bilmir.

Beləliklə də klubun büdcəsi havaya sovrulur, nəticələr isə... Göz qabağındadı.

***

Dünən Premyer Liqada “Neftçi” “Sumqayıt”a uduzdu. Bayaq Banişevskidən söz açmışdım, rəhmətliyin ruhu sakit deyil yəqin ki. Çünki son 3 ildə bu, “Neftçi”nin çempionat və kuboklarda 47-ci məğlubiyyəti idi...

Təsəvvür edirsiniz, 47-ci məğlubiyyəti...

...O kresloda rahat otura bilirsiz, Orxan müəllim?

Qol.az

ŞƏRH YAZ
0

"Qarabağ" - "Sumqayıt" matçında kütləvi dava — VİDEO + FOTO

22:29
17.11.2017
1531
İdman
A
Azərbaycan Premyer Liqasının XII turu çərçivəsində keçirilən “Qarabağ” – “Sumqayıt” matçında kütləvi dava baş verib.

Ölkə.Az Yenicag.az-a istinadən xəbər verir ki, buna qonaq komandanın azarkeşlərinin Ağdam təmsilçisinin fanatlarına qarşı təhqiramiz ifadələr işlətməsi səbəb olub.

Nəticədə tərəflər arasında dava düşüb. Məsələyə müdaxilə edən polis əməkdaşları “Qarabağ Ordusu” azarkeş qrupunun rəhbəri Ramiq Quliyevlə ağdamlıların rəsmi fan-klubunun rəhbəri Elvin Süleymanovu saxlayıb. Hər iki azarkeş Sabunçu rayon 12-ci polis bölməsinə aparılıb.

 

ŞƏRH YAZ
0

Qurban Qurbanov: “Çelsi” ilə matçdan hər şey gözləmək olar

Qurban Qurbanov: “Çelsi” ilə matçdan hər şey gözləmək olar
22:05
17.11.2017
605
İdman
A
Azərbaycan Premyer Liqasının 12-ci turunda evdə “Sumqayıt”ı 2:0 hesabı ilə məğlub edən “Qarabağ”ın baş məşqçisi Qurban Qurbanov oyunsonrası mətbuat konfransında jurnalistlərin suallarını cavablandırıb.

Ölkə.Az Report-a istinadən xəbər verir ki, Qurbanov öncə oyunla bağlı fikirlərini bildirib: 

“Açığı, hiss olunurdu ki, tonusdan düşmüşdük. Çünki neçə gün idi oynamırdıq. Futbolçuların istirahətə daha çox ehtiyacları var idi. Futbolçulara faydalı oyun oldu. Belə matçlarda azlıqda qalmaq onları bir az da bərkidir. Komandamı təbrik edirəm”.

- Komandada qırmızı vərəqələrin sayı çoxalıb. Bu, nə ilə bağlıdır?

- Elə bir səbəb yoxdur. Futbol mübarizə oyunurdusa, burda mütləq belə hallar olacaq. Elə olub ki, qırmızı vərəqəlik hərəkət olmayıb, lakin hakim verib. Mən yenə də futbolçularda səhv axtarıram. İnşallah, bunda da xeyir var. Oyunçular daha diqqətli olurlar. Belə hallara hazır olmalıyıq. Bəzən məşqdə də bunların üzərində çalışırıq, qırmızı vərəqə olsa, hansı dəyişikliyi edək. Açığı, qapıçının qırmızı vərəqəsini gözləmirdik.

- Anton Kanibolotskiyə çox şans vermirsiniz. Qışda onunla yollarınızı ayırmağı düşünmürsünüz?

- Yollarımızı ayırmağı düşünmürük. Düzdür, ona elə də çox oyunda şans vermədik. 3 qapıçının olması mənim üçün vacibdir. Kanibolotsini digərlərindən zəif saymıram. Qapı xətti elədir ki, çalışmalıyıq ki, orda dayanan oyunçunun oyun təcrübəsi olsun.

- Millinin baş məşqçisi olduğunuz üçün artıq rəqib komandanın da oyununu diqqətlə izləmək məcburiyyətindəsiniz. Bu, sizə çətinlik yaratmayacaq?

- Xeyr. Rəqiblərin oyunçularını da tanıyıram. Lazım olduqca gedib kənardan izləyəcəyik. Hər biri tanışdır. Amma yenə də izləmək lazımdır.

- Məşqçilərdən biri deyib ki, klubun inkişafı üçün ən azı mövsümdə 60 oyun keçirməlidir. “Qarabağ”ın çox oyun keçirməsinin uğurlu çıxışında rolu varmı?

- Bu, hamıya bəllidir. Nə qədər çox oyun keçirsə, futbolçu daha dözümlü olar. Baxır 60 oyunu necə keçirirsən. Bəzən 40 - 50 oyun da olar. Oyun sayını artırmaq olar, amma keyfiyyətə daha çox üstünlük vermək lazımdır. 40 keyfiyyətli oyun, 60 keyfiyyətsiz matçdan daha yaxşıdır.

- “Çelsi” ilə matçdan nə gözləmək olar?

- Hər şey. Rəqib, qarşısına qoyulan məqsədi bəllidir. Futbolçulara inam verməliyik ki, bu komandaya qarşı mübarizə aparmaq olar. Azarkeşlər də inansınlar ki, yaxşı mübarizə olacaq. Ən azı buna söz verirəm. Hətta məğlub olsaq da, azarkeşlərin mübarizədən razı qalmalarına çalışacağıq. Bir neçə günümüz var. Rəqibi daha yaxından tanımağa çalışacağıq. “Çelsi” fərqli sistemdə oynayır.

ŞƏRH YAZ
0
BAĞLA