“O mənim övladım deyil” — Kərim illər sonra etiraf etdi

“O mənim övladım deyil”
00:01
11.04.2018
6466
Maqazin
A
Müğənni Kərim Abbasov övladı olması ilə bağlı yayılan xəbərlərə münasibət bildirib.

"Ölkə.Az"ın Axşam.az-a istinadən məlumatına görə, sənətçi oğlu kimi təqdim etdiyi Səidin onun doğma övladı olmadığını deyib:

“İnsan ailə qurur övlad üçün. Allah mənə gec övlad verdi. Mən də meylimi saldım qaynımın oğluna. Övladım yox idi, Səidə oğlum dedim. O da məni çox istəyirdi. Mən də ona balam kimi baxırdım. Uşaq yenə də ata-anasının yanında idi. Səid yenə də mənim birinci balamdır. 

İndi də 7 ildən sonra övladım dünyaya gəldi. Bəziləri ünvanıma sonsuz dedilər, xəstədi övladı olmayacaq söylədilər. Özlərini Allahla bir tərəzidə tutdular. Allah istəyəndə verir, istəməyəndə vermir. 

7 ildir nə zülm çəkdim. Bir övladım mənə 75 minə başa gəldi. 7 il sonra qismətim oldu. Efirə baxıb, haqqımda deyilən sözlərə göz yaşı tökürdüm. Sındırırdılar məni. Bu uşaq da haqqımda o sözləri deyənlərə göz dağı olsun”.

Qeyd edək ki, Kərimin 2016-cı ildə oğlu dünyaya gəlib və sənətçi ona Yusif adını qoyub

Ölkə.Az

ŞƏRH YAZ
0

Xəstəxanalıq olan Ağakərimin — Yeni görüntüsü (FOTO)

Xəstəxanalıq olan Ağakərimin
12:37
Bu gün
534
Maqazin
A
Bir müddət öncə insult keçirib, xəstəxanaya yerləşdirilən meyxanaçı Ağakərimin (Kərim Novruzov) yeni görüntüsü üzə çıxıb.

"Ölkə.Az"Axşam.az-a istinadən xəbər verir ki,  onun fotosunu sosial media hesabında ziyarətinə gedən dostları paylaşıb.

Qeyd edək ki, meyxanaçının ayağı tutulmuşdu, xəstəxana xərclərini isə Heydər Əliyev Fondu qarşılamışdı.

Ölkə.Az

ŞƏRH YAZ
0

“Oğluna internet yükləmədiyimizə görə, zəhərləndiyini deyib” — Emmaya cavab

“Oğluna internet yükləmədiyimizə görə, zəhərləndiyini deyib”
10:51
Bu gün
940
Maqazin
A
Müğənni Elmira (Emma) Ələkbərzadənin “Riviera” restoranında balıqdan zəhərlənməsi barədə iddiasına qarşı tərəf münasibət bildirib.

"Ölkə.Az" xəbər verir ki, “Riviera” restoranından “Qafqazinfo”ya verilən məlumta görə, müğənni olmayan hadisəni xəbərə çevirməklə restoranın imicinə kölgə salmağa cəhd edib:

 “Əminliklə deyirik ki, Elmira xanımın “Riviera” restoranında yediyi qidadan “zəhərlənməsi” ilə bağlı yaydığı məlumat həqiqəti əks etdirmir. Əslində Elmira xanımı qıcıqlandıran “səbəb” onun restoranda olarkən əməkdaşlarımızdan restoran xidmətindən kənar xidmət tələb etməsi ilə bağlıdır.

Belə ki, martın 19-da saat 16.30 radələrində restorana gələn Elmira xanım balıqdan hazırlanmış salat sifariş edib. Restoranda olarkən ofisianta oğlunun internet limitinin bitdiyini, təcili olaraq ona internet paketi yükləməyə kömək etməsini xahiş edib. Restoranda internet limiti yüklənməsi üçün müvafiq cihaz olmadığı ona bildirilib. Elmira xanım 20 manat nəğd pul təklif edərək ofisiantdan öz maaş kartından oğlu üçün internet yükləməsini xahiş edib. Ofisiant maaş kartında pul olmadığını bildirdikdə, Elmira xanım post-terminal vasitəsilə internet yüklənməsini istəyib. Post-terminalın yalnız nağdsız ödəniş almaq funksiyasının olduğunu, internet yüklənməsinin mümkün olmadığı ona izah edildikdə ofisiantdan tələb edib ki, yaxınlıqda hardasa ödəmə mərkəzindən onun oğlu üçün internet paketi yükləsin. Lakin ona xidmət edən ofisiant bunu edə bilməyəcəyini Elmira xanıma bildirərək, digər müştərilərə də restoran daxilində xidmət göstərməli olduğunu izah edib. Həmçinin, ofisiantın xahişi ilə administrator da Elmira xanıma yaxınlaşaraq ofisiantın restorandan kənar xidmətə göndərilməsinin mümkün olmadığını nəzakətlə izah edib.

Elmira xanım orada olmayan oğlunun istəyini yerinə yetirə bilmədiyindən pərişan olduğunu anlayışla qarşılayırıq. Bir ana kimi narahat olduğunu, restoranımızın əməkdaşlarının onun tələbini icra etmədiyindən, guya, “zəhərlənməsinə” dair sosial şəbəkədə məlumat yaymasını qadın emosionallığı kimi qəbul edirik. “Zəhərlənmə”nin təsdiqi üçün ən azı müvafiq həkim rəyi olmalıdır ki, belə bir rəyin olmadığı da mübahisəsizdir.

Həmin gün “Riviera”da Elmira xanımın yediyi salatdan digər masalarda olan onlarla müştəri də yeyib və heç kəsdən irad, narazılıq, şikayət daxil olmayıb.

Yanlış məlumatı xanım müğənninin duyğusallığı kimi dəyərləndirərək, ondan hər hansı tələbimiz yoxdur”.

Ölkə.Az

ŞƏRH YAZ
0
BAĞLA