"O, nə avtomobildir ki?" — "Şərurlu İsfəndiyar” oğluna məxsus olduğu deyilən avtomobildən DANIŞDI

11:30
25.02.2018
11090
Ölkə
A
"Şərurlu İsfəndiyar” kimi tanınan iş adamı İsfəndiyar Axundov sosial şəbəkələrdə onun oğluna məxsus olduğu deyilən və iqtisdaçı alim Qubad İbadoğlu tərəfindən sosial şəbəkədə gündəmə gətirilən və "Şərurlu İsfəndiyar” kimi tanınan iş adamı İsfəndiyar Axundovun oğluna məxsus olduğu deyilən "10-AA-665" dövlət nömrə nişanlı "Mercedes–Benz S Class" avtomobili ilə bağlı açıqlama verib.

İ.Axundov "Ölkə.Az"a açıqlamasında sözügedən avtomobilin ona və ya ailəsinə məxsus olmadığını bildirib:

"Bizdə ondan da bahalı avtomobillər var. O, nə avtomobildir ki? Yazılanlara fikir vermək lazım deyil. O, avtomobil bizə məxsus deyil. Əgər bizim olsaydı, onu gizlətməzdim".

Xatırladaq ki, ötən gün iqtisadçı-alim Qubad İbadoğlu sosial şəbəkədə "Brabus” şirkəti tərəfindən xüsusi qaydada yığılmış super avtomobil modeli Mercedes-Benz S Class-ın şəklini paylaşaraq, onun kimə məxsus olması ilə bağlı izləyicilərə sual ünvanlayıb. "Bu avtomobil xüsusi qaydada yığılıb, 8 silindiri var, mühərrikinin həcmi 5912 kv. sm-dir, 850 at gücünə malikdir, maksimum sürəti saatda 350 km-dir. .. Avtomobilin zavod qiyməti 381 min dollar və ya hazırkı məzənnə ilə 650 min manatdır” – deyə iqtisadçı yazır.

"Qaynarinfo"ya daxil olan məlumata görə, bu bahalı avtomobil tikinti maqnatı, "Şərurlu İsfəndiyar” kimi tanınan İsfəndiyar Axundovun oğluna məxsusdur.

Zaur Əziz
Ölkə.Az

ŞƏRH YAZ
0

Ötən günün cinayət statistikası

Ötən günün cinayət statistikası
11:00
Bu gün
147
Ölkə
A
Sentyabrın 20-dən 21-dək daxili işlər orqanlarında qeydə alınmış cinayət və hadisələr haqqında statistik məlumat açıqlanıb.

Daxili İşlər Nazirliyindən "Ölkə.Az"a verilən məlumata görə, respublikanın daxili işlər orqanları tərəfindən gün ərzində 82 cinayət faktı qeydə alınıb, onların da 10-u “isti izlər”lə açılıb. Əvvəlki dövrlərdən bağlı qalmış 7 cinayətin açılması təmin olunub.

Axtarışda olduğuna görə ümumilikdə 16 nəfər, o cümlədən borclu şəxs qismində axtarışda olan 9 nəfər saxlanılaraq aidiyyəti üzrə təhvil verilib.

Respublikanın avtomobil yollarında 4 yol-nəqliyyat hadisəsi baş verib, nəticədə 5 nəfər ölüb, 3 nəfər xəsarət alıb.

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 5, qanunsuz saxlanılan silah-sursatla bağlı 1 fakt müəyyən edilib. Cinayət törətməkdə şübhəli bilinən 18 nəfər saxlanılıb.
Ötən gün respublikanın avtomobil yollarında 4 yol-nəqliyyat hadisəsi baş verib.

Ötən gün qəzalar nəticəsində 5 nəfər ölüb, 3 nəfər xəsarət alıb.

ŞƏRH YAZ
0

Məşhur gecə klubunda şəxsi ədavət — MƏHKƏMƏ İŞİ

Məşhur gecə klubunda şəxsi ədavət
10:10
Bu gün
1186
Ölkə
A
Bakı Ağır Cinayətlər Məhkəməsində gecə kubunda cinayət törədən şəxsin məhkəməsi başlayıb.

“Ölkə.Az”ın məlumatına görə, cinayət məcəlləsinin 126.1-ci maddəsi ilə təqsirləndirilən Abudov Xanlar Maşallah oğlunun məhkəmə prosesinə hakim Cavid Hüseynov sədrlik edəcək. 

Bu ilin mart ayında Yasamal rayonu, İzmir küçəsində yerləşən"Solfeggio Lounge & Club"da əlbəyaxa dava zamanı bir nəfər xəsarət alıb.

Belə ki, gecə saatlarında 1991-ci il təvəllüdlü Rəhimov Tərlan Aydın oğlu naməlum şəxslərlə əlbəyaxa dava edib. Naməlum şəxslərdən biri ona bir neçə bıçaq zərbəsi endirib. Yaralı təcili yardım avtomobili ilə 1 saylı Kliniki Tibbi Mərkəzə yerləşdirilib.

Araşdırmalar zamanı məlum olub ki, T. Rəhimovu Xanlar Abudov adlı şəxs bıçaqlayıb. İstintaq araşdırmaları zamanı məlum olub ki, onlar arasında çoxdan şəxsi ədavət olub. Ancaq uzun müddət bir-birini görməyən gənclər təsadüfən gecə klubunda rastlaşıblar. Aralarındakı ədavəti çözə bilməyən gənclərin əlbəyaxa davası qanla nəticələnib.

ŞƏRH YAZ
0
BAĞLA