"O səs" yarışmasında iştirak edən müğənnini keçmiş əri öldürdü — FOTOLAR

11:32
20.10.2017
2084
Maqazin
A
Kambocada "O Səs" müsabiqəsində iştirak edən və böyük tamaşaçı kütləsi toplayan San Sreylai silahlı hücuma məruz qalıb.

"Ölkə.Az" xəbər verir ki, paytaxt Phnom Penhdə baş verən hücumda 23 yaşlı qadın keçmiş əri tərəfindən odlu silahla qətlə yetirilib. Qatil ər sonradan intihar edib.

Sanı öldürən şəxsin keçmiş əri 53 yaşlı Çey Rin olduğu müəyyən edilib. Gənc qadını vurduqdan sonra Çey silahı özünə tuşlayıb və tətiyi çəkib.

Ötən il müsabiqədə finala qədər çıxış edən müğənni ərindən ayrılıb və cütlük keçmişdə də yola getməyib. Hadisə şahidləri bildirir ki, keçmiş əri Sana 3-4 dəfə atəş açıb.

Hikmət Həsənov
Ölkə.Az

ŞƏRH YAZ
0

Enrike İqlesias: “Səhər yeməyi əvəzinə sevişirik”

Enrike İqlesias: “Səhər yeməyi əvəzinə sevişirik”
17:55
Bu gün
2704
Maqazin
A
Gənc qızların sevimlisi olan ispan müğənni Enrike İqlesias iştirak etdiyi televiziya verilişində özəl həyatından danışıb.

“Ölkə.Az” xəbər verir ki, İqlesias övladları dünyaya gəldikdən sonra ailə həyatının dəyişdiyini bildirib.

2001-ci ildən bu yana Anna Kurnikova ilə birlikdə olan müğənni deyib:

“Ata olmaq əla hissdir. Bu, dünyadakı ən gözəl hisslərdən biridir. Ata olmaq məni dəyişdirdi. Artıq avtomobili sürətlə idarə etmirəm. Bir addımı atanda əvvəlcədən düşünürəm. İndi məsuliyyətli adamam”.

37 yaşlı Anna Kurnikova ilə münasibətləri barədə isə bunları deyib: “Vaxtımızın çox hissəsini övladlarımıza ayırırıq. Səhər yeməyi əvəzinə sevişirik. Biri ilə uzun müddət birlikdəsinizsə, evil kimisiniz. Gələcəkdə evlənmək barədə düşünə bilərəm”.

Ölkə.Az

ŞƏRH YAZ
0

"Bəs niyə həmin verilişə də irad bildirmirlər?" — Mehriban Xanlarova verilişinin BAĞLANMASINDAN DANIŞDI

15:25
Bu gün
7016
Maqazin
A
"Tanınmış aktrisa, əməkdar artist Mehriban Xanlarova ARB TV-də aparıcısı olduğu "Canım sizə desin" verilişinin bağlanmasından danışıb.

Aktrisa "Ölkə.Az"ın əməkdaşıyla söhbətində bildirib ki, teleməkanda daha pis işlərlə məşğul olan proqramlar olduğu halda, onun verilişinin bağlanılması haqsızlıqdır:

"Zəng edib dedilər ki, veriliş bağlanıb. Nə halda olduğumu deməyə ehtiyac yoxdur. Efirdə olduğumuz bir ay idi. Əgər veriliş "Azəri Vandam"a görə bağlanıbsa, bu, doğru deyil. Çünki həmin şəxs sosial şəbəkədə fenomenə çevrilmiş biridir. Biz də efirə dəvət etdik və bacardığımız qədər şou yaratdıq. Kimisə təhqir etmədik, kiməsə artıq-əskik söz demədik. Amma bu gün də monitor arxasında şirə dönənlər məni təhqir etməkdə davam edirlər. Teleməkanda elə verilişlər var ki, baxılası deyil. Bəs niyə onlara bir söz demirlər?".

Qeyd edək ki, "Azəri Vandam"ın sözügedən proqramdakı çıxışı tənqidlərə səbəb olmuşdu.

İntiqam VALEHOĞLU
Ölkə.Az

ŞƏRH YAZ
1
BAĞLA