KORONAVİRUSA YOLUXANLARIN SAYI - CANLI STATİSTİKA

Oğlu “Maserati” ilə avtoşluq edən deputatın otel və sanatoriyaları üzə çıxdı — FOTOLAR

Oğlu “Maserati” ilə avtoşluq edən deputatın otel və sanatoriyaları üzə çıxdı
16:26
14.08.2019
12678
Ölkə
A
"Naftalanın deputatı Mahir Aslanov ötən il mətbuata açıqlama vermişdi ki, "təmsil etdiyi" rayonda sanatoriya-filan tikdirmir, adında heç bir istirahət mərkəzi, biznes-filan yoxdur. Səsi Rumıniyadan gəlir, deyir maaşa baxıram. Oğlu "Maserati” ilə avtoşluq edəndə deyirdi ki, biz zəhmətkeş insanlarıq. İndi sizə təqdim etdiyim sənədlərə baxın".

"Ölkə.Az"ın xəbərinə görə, jurnalist Cavanşir Həsənli araşdırıb ki, Dövlət Şəhərsalma və Arxitektura Komitəsindən əldə olunan sübutlar deputatın umətbuata və ictimaiyyətə yalan dediyini təsdiq edir.

Mahir Aslanov ötən il mayın 16-da Naftalanın Şirvan prospekti 4 C ünvanında ümumi sahəsi 10 min kvadrat metrdən artıq 7 mərtəbəli müalicə-sağlamlıq mərkəzinin tikintisinə öz adına icazə alıb. "Naftalanda deputatın daha bir müalicə sağlamlıq mərkəzi də var, Kəpəz sanatoriyası.

Dövlət Şəhərsalma və Arxitektura Komitəsindən əldə olunan digər bir sənədə görə Mahir Aslanov öz adına 2017-ci il iyulun 18-də Xətai rayonu Nobel prospekti 9 ünvanında 7 mərtəbəli, mansardı olan ofis binasının tikintisinə icazə alıb. 

Yeri gəlmişkən oğlu Məhəmmədəli Aslanov Xətai rayonu İcra Hakimiyyəti başçısı aparatının Sosial-iqtisadi inkişafın təhlili və proqnozlaşdırılması şöbəsinin müdiri vəzifəsində çalışır. Amma deputat orada ofis yox, otel tikdirib. İndi həmin ünvanda 95 saylı seçki dairəsi adından şəxsi biznesini təmsil edən Mahir Aslanovun ümumi sahəsi 2249.1 kv.m. olan "Nobel" oteli fəaliyyət göstərir. 

Bundan əvvəl isə mətbuat yazıb ki, Bakıdakı HAPPY İNN HOTEL və Kəpəz mebel salonları da deputata məxsusdur. Niyə HAPPY İNN? Çünki deputatımız xalqın əvəzinə çox xoşbəxtdir, mandat, otellər, istirahət mərkəzləri, sərhəd tanımayan biznes, deklarasiyasız sərvət... Bir də deputatımızın səsi Avropadan, konkret desək Rumıniyadan gəlir. Buxarestdə 17 ildən bəri fəaliyyət göstərən NİCO KAPAZ SRL şirkətinin sahibidir".

Xatırladaq ki, 2015-ci ilin yanvar ayında avtoxuliqanlıq edən sürücünün 10 GV 888 dövlət nömrə nişanlı "Maserati” markalı bahalı avtomobil isə cərimə meydançasına aparılıb. Məlum olub ki, belə dəbdəbəli avtomobillə "avtoşluq” edən sürücü Famil Mahir oğlu Aslanovdur.(Criminal.az)

Ölkə.Az

ŞƏRH YAZ
1

Yaralanan əsgərlər: “Döyüş yoldaşlarımızın yanına qayıtmaq istəyirik” — VİDEO

Yaralanan əsgərlər: “Döyüş yoldaşlarımızın yanına qayıtmaq istəyirik”
12:13
Bu gün
2053
Ölkə
A
Azərbaycan – Ermənistan sərhədinin Tovuz rayonu hissəsində baş verən düşmən təxribatı nəticəsində şəhid olanlarla yanaşı yaralananlar da var.

“Real” TV yaralı hərbçilərimizin vəziyyəti ilə maraqlanmaq üçün onların müalicə olunduğu hospitala baş çəkib.

Tibb Baş İdarənin rəisi Elxan İbrahimov, Tibb Xidməti Polkovniki, Hospitalın aparıcı cərrahı Roman Çobanov hərbçilərimizin vəziyyəti barədə məlumat veriblər.

Hərbçilərimiz isə düşmən təxribatının onların əzmini qıra bilməyəcəyini, tezliklə səngər yoldaşlarının yanına qayıtmaq istədiklərini qeyd ediblər.

ŞƏRH YAZ
0

Ermənistan döyüşdəki itkilərlə bağlı yeni məlumat yaydı

Ermənistan döyüşdəki itkilərlə bağlı yeni məlumat yaydı
12:05
Bu gün
1944
Ölkə
A
Ermənistan Müdafiə Nazirliyinin mətbuat katibi Şuşan Stepanyan bildirib ki, Azərbaycan Ordusunun keçirdiyi hərbi əməliyyat tədbirləri nəticəsində yaralanan Ermənistan hərbçilərinin vəziyyəti ağırdır.

"Ölkə.Az" oxu.az-a istinadən xəbər verir ki, Ermənistanın Müdafiə Nazirliyinin mətbuat katibi Şuşan Stepanyan bu barədə öz “Facebook” səhifəsində məlumat verib.

Ş.Stepanyan qeyd edib ki, döyüşlərdə Ermənistanın 10 hərbi qulluqçusu müxtəlif dərəcəli bədən xəsarətləri alıb.

Hazırda onlardan birinin vəziyyəti kəskin ağır, beşinin vəziyyəti isə orta ağırdır.

ŞƏRH YAZ
0
BAĞLA