Oğlu “Maserati” ilə avtoşluq edən deputatın otel və sanatoriyaları üzə çıxdı — FOTOLAR

Oğlu “Maserati” ilə avtoşluq edən deputatın otel və sanatoriyaları üzə çıxdı
16:26
14.08.2019
11694
Ölkə
A
"Naftalanın deputatı Mahir Aslanov ötən il mətbuata açıqlama vermişdi ki, "təmsil etdiyi" rayonda sanatoriya-filan tikdirmir, adında heç bir istirahət mərkəzi, biznes-filan yoxdur. Səsi Rumıniyadan gəlir, deyir maaşa baxıram. Oğlu "Maserati” ilə avtoşluq edəndə deyirdi ki, biz zəhmətkeş insanlarıq. İndi sizə təqdim etdiyim sənədlərə baxın".

"Ölkə.Az"ın xəbərinə görə, jurnalist Cavanşir Həsənli araşdırıb ki, Dövlət Şəhərsalma və Arxitektura Komitəsindən əldə olunan sübutlar deputatın umətbuata və ictimaiyyətə yalan dediyini təsdiq edir.

Mahir Aslanov ötən il mayın 16-da Naftalanın Şirvan prospekti 4 C ünvanında ümumi sahəsi 10 min kvadrat metrdən artıq 7 mərtəbəli müalicə-sağlamlıq mərkəzinin tikintisinə öz adına icazə alıb. "Naftalanda deputatın daha bir müalicə sağlamlıq mərkəzi də var, Kəpəz sanatoriyası.

Dövlət Şəhərsalma və Arxitektura Komitəsindən əldə olunan digər bir sənədə görə Mahir Aslanov öz adına 2017-ci il iyulun 18-də Xətai rayonu Nobel prospekti 9 ünvanında 7 mərtəbəli, mansardı olan ofis binasının tikintisinə icazə alıb. 

Yeri gəlmişkən oğlu Məhəmmədəli Aslanov Xətai rayonu İcra Hakimiyyəti başçısı aparatının Sosial-iqtisadi inkişafın təhlili və proqnozlaşdırılması şöbəsinin müdiri vəzifəsində çalışır. Amma deputat orada ofis yox, otel tikdirib. İndi həmin ünvanda 95 saylı seçki dairəsi adından şəxsi biznesini təmsil edən Mahir Aslanovun ümumi sahəsi 2249.1 kv.m. olan "Nobel" oteli fəaliyyət göstərir. 

Bundan əvvəl isə mətbuat yazıb ki, Bakıdakı HAPPY İNN HOTEL və Kəpəz mebel salonları da deputata məxsusdur. Niyə HAPPY İNN? Çünki deputatımız xalqın əvəzinə çox xoşbəxtdir, mandat, otellər, istirahət mərkəzləri, sərhəd tanımayan biznes, deklarasiyasız sərvət... Bir də deputatımızın səsi Avropadan, konkret desək Rumıniyadan gəlir. Buxarestdə 17 ildən bəri fəaliyyət göstərən NİCO KAPAZ SRL şirkətinin sahibidir".

Xatırladaq ki, 2015-ci ilin yanvar ayında avtoxuliqanlıq edən sürücünün 10 GV 888 dövlət nömrə nişanlı "Maserati” markalı bahalı avtomobil isə cərimə meydançasına aparılıb. Məlum olub ki, belə dəbdəbəli avtomobillə "avtoşluq” edən sürücü Famil Mahir oğlu Aslanovdur.(Criminal.az)

Ölkə.Az

ŞƏRH YAZ
1

HUAWEI şirkəti 2019-cu ilin III rübü üzrə maliyyə hesabatını dərc edib

HUAWEI şirkəti 2019-cu ilin III rübü üzrə maliyyə hesabatını dərc edib
12:56
Bu gün
167
Ölkə
A

Şençjen, Çin, 16 oktyabr 2019-cu il —HUAWEI şirkəti bu gün 2019-cu ilin III rübü üzrə fəaliyyət nəticələri barədə elan edib. Bu ilin ilk üç rübü ərzində HUAWEI 610,8 mlrd. yuan məbləğində gəlir əldə edib, bu isə keçən illə müqayisədə 24,4% daha çoxdur. Bu dövr ərzində şirkətin xalis mənfəətində artım
8,7% təşkil edib 1 . HUAWEI şirkətinin əsas fəaliyyət sahələrini əvvəl olduğu kimi İKT-infrastrukturu və intellektual qurğular təşkil edib. Şirkət əməliyyat fəaliyyətinin effektivliyi və keyfiyyətini artırmağa davam edib, bu isə təşkilati sabitliyin və əməliyyat fəaliyyətində davamlılığın artması ilə nəticələnib. 2019-cu ilin ilk üç rübü ərzində şirkətin fəaliyyətinin effektivliyi də artıb. 5G şəbəkələrinin kommersiya sahəsində genişləndirilməsi bütün dünyada sürətlənib. HUAWEI məlumatların ötürülməsi sahəsində çalışan aparıcı şirkətlərin iştirakı ilə innovativ həlləri tətbiq etməyə davam edib.

Məsələn, 5G Super Uplink həlli və ya intellektual və sadələşdirilmiş nəqliyyat şəbəkələri. Şirkət, həmçinin, sənaye tərəfdaşları ilə işləyərək 5G şəbəkələrində “determinasiya olunan məlumatlardan” istifadə etməklə qarşılıqlı əlaqə üçün innovativ bazar yaradır. Bu məlumatların ötürülməsi sahəsində fəaliyyət göstərən şirkətlərin  innovasiya inkişafı və artımını təmin edəcək. İndiyədək HUAWEI məlumatların ötürülməsi sahəsində dünyanın aparıcı şirkətləri ilə 5G şəbəkələri ilə bağlı 60-dan çox kommersiya müqaviləsi bağlayıb. Şirkət, həmçinin, dünya bazarlarına 5G üçün 400 000-dən artıq aktiv Massive MIMO antenalarının təchizatını həyata keçirib. HUAWEI məlumatların optik ötürülməsi, məlumat mübadiləsi üçün həlləri və, İT məhsullarının istehsalı və təchizatında sabit artım nümayiş etdirib. Şirkət, həmçinin, müəssisələr üçün HUAWEI Horizon Digital Platform platformasını təqdim edib. Vahid, açıq və effektiv platforma HUAWEI-in zəngin texnoloji təcrübəsinə əsaslanır. Bu həll sayəsində Şirkət bütün dünyada rəqəmsal texnologiyaların istifadəsi üçün zəmin yaratmaqla və dəyəri trilyon ABŞ dolları təşkil edən rəqəmsal transformasiya sənayesini yaratmaqla müştəri və tərəfdaşlarla işləyəcək. Yeni platforma, həmçinin, dövlət orqanları, kommunal xidmətlər, maliyyə sektoru, nəqliyyat və elektroenergetika kimi sahələrə rəqəmsal transformasiyanı sürətləndirməyə imkan verəcək.

1 Burada göstərilən maliyyə göstəriciləri Maliyyə hesabatlarının beynəlxalq standartlarına (MHBS) uyğun olaraq toplanılan audit tərəfindən yoxlanılmayan məlumatlardır. Məbləğlər 2019-cu ilin sentyabr ayının sonuna olan bazar məzənnəsi üzrə ABŞ dollarında (USD) təkrar hesablanıb. USD 1,00 =
CNY 7,1292 2019-cu ilin III rübünün sonunda Fortune Global 500 siyahısından 700-dən çox şəhər, 228 şirkət və Fortune Global 100 siyahısından 58 şirkət HUAWEI-i rəqəmsal transformasiya sahəsində tərəfdaş olaraq seçib.

HUAWEI bulud servisinin hazırlanması prosesi sürətləndirilib. HUAWEI III rübdə hesablamalarstrategiyasını elan edib və süni intellektin öyrənilməsi üçün dünyada ən sürətli Atlas 900 klasterini təqdim edib. Bundan əlavə, şirkət Ascend prosessorları əsasında süni intellektin öyrənilməsi üçün HUAWEI CLOUD bulud klaster servisləri, Kunpeng və Ascend prosessorları əsasında 112 yeni servis, həmçinin, sənaye sektoru üçün “rəqəmsal əkizlər” kimi digər innovativ məhsulları da işə salıb. Məhsullar dövlət idarəçiliyi, internet xidmətləri, avtomobil sənayesi, maliyyə sektoru və bir çox digər sahədə əhəmiyyətli
nəticələrə nail olmağa kömək edib. Üç milyona yaxın korporativ istifadəçi və tərtibatçı məhsul və həllərin hazırlanmasında HUAWEI CLOUD istifadə edir.
HUAWEI Consumer Business Group da sabit artım nümayiş etdirir. 2019-cu ilin ilk üç rübündə HUAWEI smartfonlarının təchizatı 185 mln. ədədi keçərək keçən ilin göstəricilərindən 26% artıq olub. Şirkətin FK, planşet və aksessuar istehsalı kimi yeni fəaliyyət sahələri də əhəmiyyətli göstəricilər nümayiş etdirib.

Bunda əlavə, III rübdə həm PT, həm aparat tərkibi baxımından innovativ olan ağıllı HONOR Visionekranını təqdim edib. Bu ekran həm ekspert cəmiyyəti, həm istehlakçılar arasında geniş rəğbət qazanıb. Şirkət bütün istifadə ssenarilərində vahid rahat istifadəçi təcrübəsinin təmin olunması üçün etibarlı ekosistem üzərində çalışır. HUAWEI Mobile Services mobil xidmətlər ekosistemi 170-dən çox ölkə və regionu əhatə edərək sürətli templə inkişaf edir. Bütün dünyada 1,07 mln. tərtibatçı artıq sistemdə qeydiyyatdan keçib.

ŞƏRH YAZ
0

Duman, çiskin olacaq — Sabahın havası

Duman, çiskin olacaq
12:25
Bu gün
507
Ölkə
A
Oktyabrın 23-də Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Səhər bəzi yerlərdə zəif duman, çiskin olacaq. Şimal-qərb küləyi əsəcək.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, havanın temperaturu Abşeron yarımadasında gecə 15-17, gündüz 20-22, Bakıda gecə 14-16, gündüz 20-22 dərəcə isti təşkil edəcək.

Atmosfer təzyiqi normadan yüksək 767 mm civə sütunu, nisbi rütubət gecə 70-80, gündüz 50-55 faiz olacaq.

Oktyabrın 23-də Azərbaycanın rayonlarında hava əsasən yağmursuz keçəcək. Lakin gecə və axşam bəzi şimal və şərq rayonlarda şimşək çaxacağı, qısamüddətli yağış yağacağı ehtimalı var. Gecə və səhər ayrı-ayrı yerlərdə duman olacaq. Şərq küləyi əsəcək.

Havanın temperaturu gecə 9-14, gündüz 20-25, dağlarda gecə 3-8, gündüz 11-16 dərəcə isti təşkil edəcək.

ŞƏRH YAZ
0
BAĞLA