"Oğlumun deportasiya edilməsi ilə bağlı məsələ ermənipərəstlərin hiyləsidir" — Fuad Abbasovun atası

16:20
09.06.2019
1257
Dünya
A
"Fuad Abbasovun deportasiya edilməsi ilə bağlı məsələ ermənipərəstlərin hiyləsidir. Burada bəzi azərbaycanlıların da rolu var".

"Ölkə.Az" bildirir ki, bunu Rusiyada fəaliyyət göstərən azərbaycanlı jurnalist Fuad Abbasovun atası Malik Abbasov Bakıda keçirdiyi mətbuat konfransında deyib.

Onun sözlərinə görə, Rusiyada bəzi Azərbaycan diaspor rəhbərləri Azərbaycan xalqı üçün müsbət addım atmayıb:

"Fikir vardı ki, Rusiyada yaşayan azərbaycanlılara lider seçilsin. Burada namizədliyi təklif olunanlar arasında Fuad Abbasovun da adı vardı. Çünki Fuadın Rusiyada yaşayan azərbaycanlılar arasında hörməti böyükdür. Amma Fuad demişdi ki, Rusiya vətəndaşı deyil, ona görə də bu, mümkün olmaz. Buna baxmayaraq, bəzi diaspor liderləri Fuada qarşı təxribat hazırladılar, nəticə də belə oldu. Əminəm ki, bunu Fuada qarşı hazırlayanlar Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov və Rusiya Azərbaycanlıları Federal Milli-Mədəni Muxtariyyətinin (AzərRos) prezidenti Mehriban Sadıqovadır".

M.Abbasov qeyd edib ki, həm ölkə daxilində, həm də ölkə xaricində azərbaycanlıların təhlükəsizliyinin təminatıçısı Azərbaycan hökumətidir:

"Azərbaycan hökumətinə müraciət edirəm, Fuad Abbasovu müdafiə etsinlər! Bu müdafiə dövlət tərəfindən olmalıdır. Fuad Abbasov ya sərbəst buraxılmalı, ya da Azərbaycana göndərilməlidir. Ehtimal edirik ki, o, şərlənə bilər. Buna görə də məsələ tezliklə həll edilməlidir".

F.Abbasovun atası Azərbaycan Milli Məclisinin deputatı Araz Əlizadəyə də cavab verib:

"Araz Əlizadə Azərbaycan üçün nə edib ki? Fuad Abbasov Rusiyada azərbaycanlıların maraqlarını qoruyurdu".

Rusiya Federal Təhlükəsizlik Xidmətinin təqdimatı əsasında Ximski şəhər məhkəməsi Fuad Abbasovun 50 il müddətində Rusiya ərazisinə girişinin qadağan edilməsi ilə bağlı qərar çıxarıb. Moskva vilayət məhkəməsi də F.Abbasovun apellyasiya şikayətini təmin etməyib. O, buna etiraz olaraq aclıq aksiyasına başlayıb.

Ölkə.Az

ŞƏRH YAZ
0

Bir milyarderdən boşandı, digərinə ərə gedir — FOTO

Bir milyarderdən boşandı, digərinə ərə gedir
17:23
Bu gün
993
Dünya
A
Milyarder Abramoviçin keçmiş arvadı, dizayner və iş adamı Darya Jukova yunanıstanlı milyarder Stavros Niarxos ilə ailə qurmağa hazırlaşır.

“Ölkə.Az” xarici mətbuata istinadən  xəbər verir ki, gəmiqayırma şirkətinin varisi Niarxos Darya Jukovaya iyun ayında evlilik təklifi edib.

Cütlük bu evlilik məsələsini ictimaiyyətdən gizliyə saxlamağa çalışıb. Onlar bu il ərzində toy etməyə çalışır. Jukovun nişanlısı ondan 5 yaşındadır. Darya Jukova Roman Abramoviçdən 2017-ci ilin yayında on illik evlilikdən sonra ayrılıb. Bu evlilikdən iki uşaq dünyaya gəlib.

Ölkə.Az

ŞƏRH YAZ
0

Erməni əsgər ölü tapıldı

Erməni əsgər ölü tapıldı
14:10
Bu gün
1604
Dünya
A
Ermənistan hərbi birləşmələrinin döyüş mövqeyində olan hərbi hissələrinin birində 19 yaşlı əsgərin meyidi tapılıb.

“Ölkə.Az” xəbər verir ki, bu barədə Ermənistan Müdafiə Nazirliyi məlumat yayıb.

Nazirliyin yaydığı məlumata görə, görə hərbi hissədə meyidi tapılan hərbçi 2000-ci il təvəllüdlü sıravi əsgər Amik Yeqiyayeviç Vardanyanındır. Ölümün səbəbləri bəlli deyil. Araşdırma aparılır.

Ölkə.Az

ŞƏRH YAZ
0
BAĞLA