"Oğlumun deportasiya edilməsi ilə bağlı məsələ ermənipərəstlərin hiyləsidir" — Fuad Abbasovun atası

16:20
09.06.2019
1881
Dünya
A
"Fuad Abbasovun deportasiya edilməsi ilə bağlı məsələ ermənipərəstlərin hiyləsidir. Burada bəzi azərbaycanlıların da rolu var".

"Ölkə.Az" bildirir ki, bunu Rusiyada fəaliyyət göstərən azərbaycanlı jurnalist Fuad Abbasovun atası Malik Abbasov Bakıda keçirdiyi mətbuat konfransında deyib.

Onun sözlərinə görə, Rusiyada bəzi Azərbaycan diaspor rəhbərləri Azərbaycan xalqı üçün müsbət addım atmayıb:

"Fikir vardı ki, Rusiyada yaşayan azərbaycanlılara lider seçilsin. Burada namizədliyi təklif olunanlar arasında Fuad Abbasovun da adı vardı. Çünki Fuadın Rusiyada yaşayan azərbaycanlılar arasında hörməti böyükdür. Amma Fuad demişdi ki, Rusiya vətəndaşı deyil, ona görə də bu, mümkün olmaz. Buna baxmayaraq, bəzi diaspor liderləri Fuada qarşı təxribat hazırladılar, nəticə də belə oldu. Əminəm ki, bunu Fuada qarşı hazırlayanlar Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov və Rusiya Azərbaycanlıları Federal Milli-Mədəni Muxtariyyətinin (AzərRos) prezidenti Mehriban Sadıqovadır".

M.Abbasov qeyd edib ki, həm ölkə daxilində, həm də ölkə xaricində azərbaycanlıların təhlükəsizliyinin təminatıçısı Azərbaycan hökumətidir:

"Azərbaycan hökumətinə müraciət edirəm, Fuad Abbasovu müdafiə etsinlər! Bu müdafiə dövlət tərəfindən olmalıdır. Fuad Abbasov ya sərbəst buraxılmalı, ya da Azərbaycana göndərilməlidir. Ehtimal edirik ki, o, şərlənə bilər. Buna görə də məsələ tezliklə həll edilməlidir".

F.Abbasovun atası Azərbaycan Milli Məclisinin deputatı Araz Əlizadəyə də cavab verib:

"Araz Əlizadə Azərbaycan üçün nə edib ki? Fuad Abbasov Rusiyada azərbaycanlıların maraqlarını qoruyurdu".

Rusiya Federal Təhlükəsizlik Xidmətinin təqdimatı əsasında Ximski şəhər məhkəməsi Fuad Abbasovun 50 il müddətində Rusiya ərazisinə girişinin qadağan edilməsi ilə bağlı qərar çıxarıb. Moskva vilayət məhkəməsi də F.Abbasovun apellyasiya şikayətini təmin etməyib. O, buna etiraz olaraq aclıq aksiyasına başlayıb.

Ölkə.Az

ŞƏRH YAZ
0

Helikopter yük maşınına ÇIRPILDI

Helikopter yük maşınına ÇIRPILDI
06:00
Bu gün
377
Dünya
A
Braziliyada yol kənarına eniş edən helikopterin pərvanəsinə yük maşını çırpılıb.

''Ölkə.Az'' xəbər verir ki, Braziliyada polis qüvvətlərinin təlimi sırasında içində 5 nəfərin olduğu helikopter yol kənarına eniş edib. Polis helikopterinin pərvanələrinə həmin an yoldan keçən yük maşını çırpılıb. Qəza zamanı helikopterə ciddi ziyan dəysə də, xəsarət alan olmayıb.

Helikoptere kamyon çarptı

Ölkə.Az

ŞƏRH YAZ
0

Paraqvayda cinayətkar dəstə HƏBSXANADAN QAÇDI

Paraqvayda cinayətkar dəstə HƏBSXANADAN QAÇDI
05:10
Bu gün
469
Dünya
A
Paraqvayda təhlükəli cinayətkar dəstə həbsxanadan qaçıb.

“Ölkə.Az” xəbər verir ki, həbsxanada  tuneldən keçərək, əsas cinayətkar qrup Birinci Kapital Komandanlığının 75 üzvü  qaçmağa nail olub.

Bu barədə ABC məlumat yayıb.

Cinayətkar qrup Braziliya və Paraqvayda fəaliyyət göstərən ən böyük və ən təhlükəli dəstədir. Onların bir neçə min üzvü həbsdədir.

Paraqvayın ədliyyə naziri Sesiliya Perez qaçışın rüşvət sayəsində baş verdiyini düşünür. Hücrələrin birində həbsxana işçiləri yerlə dolu iki yüzə qədər çanta tapıblar. Tunel birinci mərtəbədə qazılsa da , məhbuslar üçün üst mərtəbələrdən kiminsə qapıları açdığı bildirilir.

"Heç kimin bir şey görmədiyini təsəvvür etmək mümkün deyil",- deyə nazir bildirib.

Qeyd edək ki, həbsxana rəisi, təhlükəsizlik xidmətinin rəhbəri və qurumun təhlükəsizlik şöbələrinin müdirləri artıq işdən çıxarılıb.

Ölkə.Az

ŞƏRH YAZ
0
BAĞLA