"Oğlumun deportasiya edilməsi ilə bağlı məsələ ermənipərəstlərin hiyləsidir" — Fuad Abbasovun atası

16:20
09.06.2019
1402
Dünya
A
"Fuad Abbasovun deportasiya edilməsi ilə bağlı məsələ ermənipərəstlərin hiyləsidir. Burada bəzi azərbaycanlıların da rolu var".

"Ölkə.Az" bildirir ki, bunu Rusiyada fəaliyyət göstərən azərbaycanlı jurnalist Fuad Abbasovun atası Malik Abbasov Bakıda keçirdiyi mətbuat konfransında deyib.

Onun sözlərinə görə, Rusiyada bəzi Azərbaycan diaspor rəhbərləri Azərbaycan xalqı üçün müsbət addım atmayıb:

"Fikir vardı ki, Rusiyada yaşayan azərbaycanlılara lider seçilsin. Burada namizədliyi təklif olunanlar arasında Fuad Abbasovun da adı vardı. Çünki Fuadın Rusiyada yaşayan azərbaycanlılar arasında hörməti böyükdür. Amma Fuad demişdi ki, Rusiya vətəndaşı deyil, ona görə də bu, mümkün olmaz. Buna baxmayaraq, bəzi diaspor liderləri Fuada qarşı təxribat hazırladılar, nəticə də belə oldu. Əminəm ki, bunu Fuada qarşı hazırlayanlar Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov və Rusiya Azərbaycanlıları Federal Milli-Mədəni Muxtariyyətinin (AzərRos) prezidenti Mehriban Sadıqovadır".

M.Abbasov qeyd edib ki, həm ölkə daxilində, həm də ölkə xaricində azərbaycanlıların təhlükəsizliyinin təminatıçısı Azərbaycan hökumətidir:

"Azərbaycan hökumətinə müraciət edirəm, Fuad Abbasovu müdafiə etsinlər! Bu müdafiə dövlət tərəfindən olmalıdır. Fuad Abbasov ya sərbəst buraxılmalı, ya da Azərbaycana göndərilməlidir. Ehtimal edirik ki, o, şərlənə bilər. Buna görə də məsələ tezliklə həll edilməlidir".

F.Abbasovun atası Azərbaycan Milli Məclisinin deputatı Araz Əlizadəyə də cavab verib:

"Araz Əlizadə Azərbaycan üçün nə edib ki? Fuad Abbasov Rusiyada azərbaycanlıların maraqlarını qoruyurdu".

Rusiya Federal Təhlükəsizlik Xidmətinin təqdimatı əsasında Ximski şəhər məhkəməsi Fuad Abbasovun 50 il müddətində Rusiya ərazisinə girişinin qadağan edilməsi ilə bağlı qərar çıxarıb. Moskva vilayət məhkəməsi də F.Abbasovun apellyasiya şikayətini təmin etməyib. O, buna etiraz olaraq aclıq aksiyasına başlayıb.

Ölkə.Az

ŞƏRH YAZ
0

200 milyon insanın həyatı TƏHLÜKƏDƏDİR — XƏBƏRDARLIQ

200 milyon insanın həyatı TƏHLÜKƏDƏDİR
06:33
Bu gün
9
Dünya
A
Qlobal iqlim böhranı 200 milyon insanın həyatını təhlükə altına atır.

"Ölkə.Az" xəbər verir ki, dünyanın ən böyük humanitar yardım şəbəkəsi olan Beynəlxalq Qızıl Xaç və Qızıl Aypara Dərnəkləri Federasiyasının (IFRC) yayımladığı "Hərəkətsizliyin Əvəzi" hesabatına görə, dünyada 108 milyon insanın iqlim dəyişikliyindən qaynaqlanan səbəblərlə humanitar yardıma möhtac şəkildə yaşayır.

Qlobal iqlim dəyişikliyinə qarşı lazımi tədbirlərin görülməməsi səbəbindən fırtına, quraqlıq və sel fəlakətləri meydana gəlir və bundan ən çox əziyyət çəkən canlılar insanlar olur. 2050-ci ilə qədər bu səbəblərdən əziyyət çəkən insanların sayının 200 milyona çatacağı gözlənilir. Bu artımım iqtisadi zərəri isə 20 milyard dollara çata bilər.

Əgər iqlimin dostu qalmağa və inkişafa dair addımlar atmağa bu gün başlanılsa, humanitar yardıma möhtac insanların sayı 2030-cu ildə 68 milyona, 2050-ci ildə isə 10 milyona qədər azala bilər. (publika.az)

ŞƏRH YAZ
0

Çində məscidləri dağıdırlar

Çində məscidləri dağıdırlar
05:30
Bu gün
268
Dünya
A
Çində məscid və minarələri məhv edirlər.

"Ölkə.Az" bildirir ki, bu barədə Lenta.ru "Independent" nəşrinə istinadən xəbər verir.

Belə ki, Daxili Monqolustan, Xenyean, Ninsya və Hansu vilayətlərindəki dini tikililər məhz edilməkdədir. Məsələn,  "Çinin kiçik Məkkəsi" adlandırılan Linsya şəhərinin kənarındakı kənddə minarələr dağıdılıb. Burada Çinin müsəlmanlarının ən böyük hissəsini təşkil edən xueylər yaşayır. Bundan başqa, hökumət Yunyan vilayətindəki üç məscidi bağlayıb, bütünlükdə ölkədə isə ərəb yazısı qadağan olunub.

Müsəlmanları düşərgələrə göndərir, onları övladlarından ayırır və öldürürlər. İyun ayında Çin hökuməti müsəlman uyğur əsirlərin işgəncələrə məruz qalması barədə məlumatları təkzib edib. Ölkənin xarici işlər naziri isə deyib ki, səhvən “təhsil və peşə hazırlığı mərkəzlərini” “əsir düşərgələri” adlandırırlar. 

Ölkə.Az

ŞƏRH YAZ
0
BAĞLA