"Oğlumun deportasiya edilməsi ilə bağlı məsələ ermənipərəstlərin hiyləsidir" — Fuad Abbasovun atası

16:20
09.06.2019
1936
Dünya
A
"Fuad Abbasovun deportasiya edilməsi ilə bağlı məsələ ermənipərəstlərin hiyləsidir. Burada bəzi azərbaycanlıların da rolu var".

"Ölkə.Az" bildirir ki, bunu Rusiyada fəaliyyət göstərən azərbaycanlı jurnalist Fuad Abbasovun atası Malik Abbasov Bakıda keçirdiyi mətbuat konfransında deyib.

Onun sözlərinə görə, Rusiyada bəzi Azərbaycan diaspor rəhbərləri Azərbaycan xalqı üçün müsbət addım atmayıb:

"Fikir vardı ki, Rusiyada yaşayan azərbaycanlılara lider seçilsin. Burada namizədliyi təklif olunanlar arasında Fuad Abbasovun da adı vardı. Çünki Fuadın Rusiyada yaşayan azərbaycanlılar arasında hörməti böyükdür. Amma Fuad demişdi ki, Rusiya vətəndaşı deyil, ona görə də bu, mümkün olmaz. Buna baxmayaraq, bəzi diaspor liderləri Fuada qarşı təxribat hazırladılar, nəticə də belə oldu. Əminəm ki, bunu Fuada qarşı hazırlayanlar Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov və Rusiya Azərbaycanlıları Federal Milli-Mədəni Muxtariyyətinin (AzərRos) prezidenti Mehriban Sadıqovadır".

M.Abbasov qeyd edib ki, həm ölkə daxilində, həm də ölkə xaricində azərbaycanlıların təhlükəsizliyinin təminatıçısı Azərbaycan hökumətidir:

"Azərbaycan hökumətinə müraciət edirəm, Fuad Abbasovu müdafiə etsinlər! Bu müdafiə dövlət tərəfindən olmalıdır. Fuad Abbasov ya sərbəst buraxılmalı, ya da Azərbaycana göndərilməlidir. Ehtimal edirik ki, o, şərlənə bilər. Buna görə də məsələ tezliklə həll edilməlidir".

F.Abbasovun atası Azərbaycan Milli Məclisinin deputatı Araz Əlizadəyə də cavab verib:

"Araz Əlizadə Azərbaycan üçün nə edib ki? Fuad Abbasov Rusiyada azərbaycanlıların maraqlarını qoruyurdu".

Rusiya Federal Təhlükəsizlik Xidmətinin təqdimatı əsasında Ximski şəhər məhkəməsi Fuad Abbasovun 50 il müddətində Rusiya ərazisinə girişinin qadağan edilməsi ilə bağlı qərar çıxarıb. Moskva vilayət məhkəməsi də F.Abbasovun apellyasiya şikayətini təmin etməyib. O, buna etiraz olaraq aclıq aksiyasına başlayıb.

Ölkə.Az

ŞƏRH YAZ
0

Türkiyədə zəlzələlər: 130 min insan ölüb, 70 min ev dağılıb — VİDEO

Türkiyədə zəlzələlər: 130 min insan ölüb, 70 min ev dağılıb
17:28
Bu gün
3172
Dünya
A
Türkiyənin yerləşdiyi coğrafiyada 1500-cü ildən başlayaraq bir çox güclü zəlzələlər baş verib.

"Ölkə.Az" redaktor.az-a istinadən xəbər verir ki, bu yeraltı təkanların bir İstanbul şəhərinin payına düşür.

Zəlzələlər nəticəsində minlərlə insan ölüb.

Daha ətraflı videodan zləyin:

ŞƏRH YAZ
0

Göyərtəsinə bomba qoyulması barədə məlumat alan təyyarə təcili eniş edib

Göyərtəsinə bomba qoyulması barədə məlumat alan təyyarə təcili eniş edib
16:30
Bu gün
1806
Dünya
A
Rusiyada göyərtəsindən bomba olması barədə məlumat alan sərnişin təyyarəsi eniş etməli olub.

“Ölkə.Az” “interfax”a istinadən xəbər verir ki, Xabarovsk-Moskva marşrutunu icra edən sərnişin təyyarəsində naməlum şəxs təyyarənin göyərtəsində partlayıcı qurğu qoyulması barədə məlumat verib. Bundan sonra pilot təyyarənin təcili olaraq eniş etməsi barədə qərar verib. Təyyarənin göyərtəsində təxminən 250  sərnişin olub.

Ölkə.Az

ŞƏRH YAZ
0
BAĞLA