"Oğlumun deportasiya edilməsi ilə bağlı məsələ ermənipərəstlərin hiyləsidir" — Fuad Abbasovun atası

16:20
09.06.2019
1388
Dünya
A
"Fuad Abbasovun deportasiya edilməsi ilə bağlı məsələ ermənipərəstlərin hiyləsidir. Burada bəzi azərbaycanlıların da rolu var".

"Ölkə.Az" bildirir ki, bunu Rusiyada fəaliyyət göstərən azərbaycanlı jurnalist Fuad Abbasovun atası Malik Abbasov Bakıda keçirdiyi mətbuat konfransında deyib.

Onun sözlərinə görə, Rusiyada bəzi Azərbaycan diaspor rəhbərləri Azərbaycan xalqı üçün müsbət addım atmayıb:

"Fikir vardı ki, Rusiyada yaşayan azərbaycanlılara lider seçilsin. Burada namizədliyi təklif olunanlar arasında Fuad Abbasovun da adı vardı. Çünki Fuadın Rusiyada yaşayan azərbaycanlılar arasında hörməti böyükdür. Amma Fuad demişdi ki, Rusiya vətəndaşı deyil, ona görə də bu, mümkün olmaz. Buna baxmayaraq, bəzi diaspor liderləri Fuada qarşı təxribat hazırladılar, nəticə də belə oldu. Əminəm ki, bunu Fuada qarşı hazırlayanlar Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov və Rusiya Azərbaycanlıları Federal Milli-Mədəni Muxtariyyətinin (AzərRos) prezidenti Mehriban Sadıqovadır".

M.Abbasov qeyd edib ki, həm ölkə daxilində, həm də ölkə xaricində azərbaycanlıların təhlükəsizliyinin təminatıçısı Azərbaycan hökumətidir:

"Azərbaycan hökumətinə müraciət edirəm, Fuad Abbasovu müdafiə etsinlər! Bu müdafiə dövlət tərəfindən olmalıdır. Fuad Abbasov ya sərbəst buraxılmalı, ya da Azərbaycana göndərilməlidir. Ehtimal edirik ki, o, şərlənə bilər. Buna görə də məsələ tezliklə həll edilməlidir".

F.Abbasovun atası Azərbaycan Milli Məclisinin deputatı Araz Əlizadəyə də cavab verib:

"Araz Əlizadə Azərbaycan üçün nə edib ki? Fuad Abbasov Rusiyada azərbaycanlıların maraqlarını qoruyurdu".

Rusiya Federal Təhlükəsizlik Xidmətinin təqdimatı əsasında Ximski şəhər məhkəməsi Fuad Abbasovun 50 il müddətində Rusiya ərazisinə girişinin qadağan edilməsi ilə bağlı qərar çıxarıb. Moskva vilayət məhkəməsi də F.Abbasovun apellyasiya şikayətini təmin etməyib. O, buna etiraz olaraq aclıq aksiyasına başlayıb.

Ölkə.Az

ŞƏRH YAZ
0

İranda qadınlarla bağlı inqilabi qərar — Gələn aydan...

İranda qadınlarla bağlı inqilabi qərar
17:51
Bu gün
1097
Dünya
A
İranlı qadınların stadionda futbola baxmasına şərait yaradılacaq.

“Ölkə.Az” APA-ya istinadən xəbər verir ki, bunu bu gün İranın vitse-prezidenti Hüseyn Əli Əmiri bildirib.

Vitse-prezident hazırda ölkənin bütün stadionlarında yenidənqurma işləri aparıldığını nəzərə çatdırıb. Qadınların stadiona daxil olmaları üçün xüsusi keçidlər qurulur və kişilərdən ayrı oturmaları üçün bölmələr inşa edilir.

Vitse-prezident deyib ki, futbol kimi maraqlı bir oyuna baxmaq hüququnu qadınlardan almaq olmaz.

İranlı qadınların oktyabrın 10-da Azadi stadionunda İran və Kamboca komandaları arasında keçirilən görüşü izləyə biləcəkləri də açıqlanıb.

Ölkə.Az

ŞƏRH YAZ
0

Şagirdi məktəbdən çıxardılar — Artıq çəkisinə görə

Şagirdi məktəbdən çıxardılar
17:06
Bu gün
1077
Dünya
A
Özünə uyğun məktəbli forması tapa bilməyən artıq çəklili qızı oxuduğu məktəbdən qovublar.

"Ölkə.Az" bildirir ki, hadisə Böyük Britaniyanın Portçester şəhərindəki məktəblərinin birində baş verib.

14 yaşlı Kada Consun oxuduğu təhsil müəssisəsində məktəb forması geyinmək məcburidir. Qeyri-standart bədən formasına malik qız əyninə normal pencək tapsa da, formanın yubkası əyninə olmayıb. Buna görə də, qız eyni rəngdə ətək geyinirmiş.

Maraqlı burasıdır ki, Kada uzun illər bu üsuldan istifadə edib və sözgüdən mövzuda yalnız 10-cu sinifdə problem yaşayıb. Qızın qarşısında şərt qoyublar: ya hamı kimi forma geyəcək, ya da evdə dərs almalı olacaq.

Məktəblinin anası Karlin Cons bildirib ki, qızı tam sağlamdır və onun görünüşünün səhhəti ilə heç bir bağlılığı yoxdur.

Təhsil müəssisəsinin direktoru deyib ki, problem təkcə qızın məktəb gerbinin əks olunduğu yubkanı geyinməməsi deyil, həm də bu yubkanın bir qədər qısa olmasıdır. 

Hazırda hər iki tərəfi təmin edəcək uniformanın axtarışları aparılır.

Ölkə.Az

ŞƏRH YAZ
0
BAĞLA