KORONAVİRUSA YOLUXANLARIN SAYI - CANLI STATİSTİKA

"Oğlumun deportasiya edilməsi ilə bağlı məsələ ermənipərəstlərin hiyləsidir" — Fuad Abbasovun atası

16:20
09.06.2019
2196
Dünya
A
"Fuad Abbasovun deportasiya edilməsi ilə bağlı məsələ ermənipərəstlərin hiyləsidir. Burada bəzi azərbaycanlıların da rolu var".

"Ölkə.Az" bildirir ki, bunu Rusiyada fəaliyyət göstərən azərbaycanlı jurnalist Fuad Abbasovun atası Malik Abbasov Bakıda keçirdiyi mətbuat konfransında deyib.

Onun sözlərinə görə, Rusiyada bəzi Azərbaycan diaspor rəhbərləri Azərbaycan xalqı üçün müsbət addım atmayıb:

"Fikir vardı ki, Rusiyada yaşayan azərbaycanlılara lider seçilsin. Burada namizədliyi təklif olunanlar arasında Fuad Abbasovun da adı vardı. Çünki Fuadın Rusiyada yaşayan azərbaycanlılar arasında hörməti böyükdür. Amma Fuad demişdi ki, Rusiya vətəndaşı deyil, ona görə də bu, mümkün olmaz. Buna baxmayaraq, bəzi diaspor liderləri Fuada qarşı təxribat hazırladılar, nəticə də belə oldu. Əminəm ki, bunu Fuada qarşı hazırlayanlar Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov və Rusiya Azərbaycanlıları Federal Milli-Mədəni Muxtariyyətinin (AzərRos) prezidenti Mehriban Sadıqovadır".

M.Abbasov qeyd edib ki, həm ölkə daxilində, həm də ölkə xaricində azərbaycanlıların təhlükəsizliyinin təminatıçısı Azərbaycan hökumətidir:

"Azərbaycan hökumətinə müraciət edirəm, Fuad Abbasovu müdafiə etsinlər! Bu müdafiə dövlət tərəfindən olmalıdır. Fuad Abbasov ya sərbəst buraxılmalı, ya da Azərbaycana göndərilməlidir. Ehtimal edirik ki, o, şərlənə bilər. Buna görə də məsələ tezliklə həll edilməlidir".

F.Abbasovun atası Azərbaycan Milli Məclisinin deputatı Araz Əlizadəyə də cavab verib:

"Araz Əlizadə Azərbaycan üçün nə edib ki? Fuad Abbasov Rusiyada azərbaycanlıların maraqlarını qoruyurdu".

Rusiya Federal Təhlükəsizlik Xidmətinin təqdimatı əsasında Ximski şəhər məhkəməsi Fuad Abbasovun 50 il müddətində Rusiya ərazisinə girişinin qadağan edilməsi ilə bağlı qərar çıxarıb. Moskva vilayət məhkəməsi də F.Abbasovun apellyasiya şikayətini təmin etməyib. O, buna etiraz olaraq aclıq aksiyasına başlayıb.

Ölkə.Az

ŞƏRH YAZ
0

Alimlər koronavirusa yeni yoluxma riskini aşkarladılar

Alimlər koronavirusa yeni yoluxma riskini aşkarladılar
09:56
Bu gün
2134
Dünya
A
Yerimə tempi və artıq çəki koronavirusun ağır formada inkişafı riski ilə əlaqəli ola bilər.

"Ölkə.Az" Report-a istinadən xəbər verir ki, onların tədqiqatının nəticələri mətbuatda dərc edilib.

Alimlər 400 mindən çox britaniyalının sağlamlıq vəziyyəti haqqında məlumatları təhlil edərək belə nəticəyə gəliblər ki, piylənmədən əziyyət çəkən insanların 49 faizdən çoxunda koronavirus xəstəliyinin ağır formasının inkişafı riski mövcuddur. Bu halda mütəxəssislər qeyd edirlər ki, bədən quruluşundan asılı olmayaraq yavaş yeriyən insanlar daha çox risklə üzləşirlər.

Xüsusi halda, normal çəkiyə malik, saatda 4,8 kilometr sürətlə gedən insanlar, saatda 6,4 kilometr sürətlə gedənlərlə müqayisədə COVID-19-un ağır formasına yoluxma riskinə iki dəfə çox malikdirlər.

Beləliklə, tədqiqatçılar bu nəticəyə gəliblər ki, piylənmə dərəcəsindən asılı olmayaraq yerimə tempi koronavirusun ağır formasının riski amilidir.

Daha əvvəl Britaniyanın Tibbi Araşdırma Şurasının Molekulyar Biologiya Laboratoriyasının alimləri COVID-19 olan xəstələrdə ölüm riskini artıran bir neçə təhlükəli mutasiya aşkar ediblər. Öz növbəsində Çin tədqiqatçıları da nəticəyə gəliblər ki, COVID-19 infeksiyasından ölüm faizi riskini yüksəldən amillərdən biri də qanda şəkərin həddən artıq yüksək olması - hiperqlikemiyadır.

Qeyd edək ki, yeni koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

ŞƏRH YAZ
0

Bolqarıstanda dəhşətli qəza 6 nəfərin həyatına SON QOYDU

Bolqarıstanda dəhşətli qəza 6 nəfərin həyatına SON QOYDU
08:05
Bu gün
1671
Dünya
A
Bolqarıstanda dəhşətli yol qəzası baş verib.

''Ölkə.Az'' xəbər verir ki, Bolqarıstanın Burqaz şəhərinə gedən yük avtomobili idarəetməni itirərək yolun əks istiqamətinə yönəlib. Əks istiqamətdə hərəkət edən yük maşını 5 minik avtomobilə çırpılıb. Qəzada 6 nəfər həlak olub, 5 nəfər yaralanıb. Yük avtomobili qəzadan dərhal sonra alışaraq yanmağa başlayıb. Hadisə yerinə cəlb edilən yanğın söndürən və təcilli tibbi yardım briqadası uzunmüddətli tıxaca səbəb olub.

Bulgaristan'da kontrolden çıkan tır 5 aracı biçti: 6 ölü, 5 yaralı

Ölkə.Az

ŞƏRH YAZ
0
BAĞLA