KORONAVİRUSA YOLUXANLARIN SAYI - CANLI STATİSTİKA

"Oğlumun deportasiya edilməsi ilə bağlı məsələ ermənipərəstlərin hiyləsidir" — Fuad Abbasovun atası

16:20
09.06.2019
2190
Dünya
A
"Fuad Abbasovun deportasiya edilməsi ilə bağlı məsələ ermənipərəstlərin hiyləsidir. Burada bəzi azərbaycanlıların da rolu var".

"Ölkə.Az" bildirir ki, bunu Rusiyada fəaliyyət göstərən azərbaycanlı jurnalist Fuad Abbasovun atası Malik Abbasov Bakıda keçirdiyi mətbuat konfransında deyib.

Onun sözlərinə görə, Rusiyada bəzi Azərbaycan diaspor rəhbərləri Azərbaycan xalqı üçün müsbət addım atmayıb:

"Fikir vardı ki, Rusiyada yaşayan azərbaycanlılara lider seçilsin. Burada namizədliyi təklif olunanlar arasında Fuad Abbasovun da adı vardı. Çünki Fuadın Rusiyada yaşayan azərbaycanlılar arasında hörməti böyükdür. Amma Fuad demişdi ki, Rusiya vətəndaşı deyil, ona görə də bu, mümkün olmaz. Buna baxmayaraq, bəzi diaspor liderləri Fuada qarşı təxribat hazırladılar, nəticə də belə oldu. Əminəm ki, bunu Fuada qarşı hazırlayanlar Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov və Rusiya Azərbaycanlıları Federal Milli-Mədəni Muxtariyyətinin (AzərRos) prezidenti Mehriban Sadıqovadır".

M.Abbasov qeyd edib ki, həm ölkə daxilində, həm də ölkə xaricində azərbaycanlıların təhlükəsizliyinin təminatıçısı Azərbaycan hökumətidir:

"Azərbaycan hökumətinə müraciət edirəm, Fuad Abbasovu müdafiə etsinlər! Bu müdafiə dövlət tərəfindən olmalıdır. Fuad Abbasov ya sərbəst buraxılmalı, ya da Azərbaycana göndərilməlidir. Ehtimal edirik ki, o, şərlənə bilər. Buna görə də məsələ tezliklə həll edilməlidir".

F.Abbasovun atası Azərbaycan Milli Məclisinin deputatı Araz Əlizadəyə də cavab verib:

"Araz Əlizadə Azərbaycan üçün nə edib ki? Fuad Abbasov Rusiyada azərbaycanlıların maraqlarını qoruyurdu".

Rusiya Federal Təhlükəsizlik Xidmətinin təqdimatı əsasında Ximski şəhər məhkəməsi Fuad Abbasovun 50 il müddətində Rusiya ərazisinə girişinin qadağan edilməsi ilə bağlı qərar çıxarıb. Moskva vilayət məhkəməsi də F.Abbasovun apellyasiya şikayətini təmin etməyib. O, buna etiraz olaraq aclıq aksiyasına başlayıb.

Ölkə.Az

ŞƏRH YAZ
0

ABŞ-da koronavirusa yoluxanların sayı 3 milyon nəfəri ötdü

ABŞ-da koronavirusa yoluxanların sayı 3 milyon nəfəri ötdü
23:52
08.07.2020
430
Dünya
A
ABŞ-da yeni növ koronavirusa yoluxanların sayı 3 milyon nəfəri ötüb.

"Ölkə.Az" tremd-ə istinadən xəbər verir ki, bunu federal və yerli hakimiyyət orqanlarının məlumatları əsasında hesablamalar aparan Con Hopkins Universiteti bildirib.

Məlumata əsasən, ölkədə koronavirusa yoluxanların sayı 3 009 611 nəfərə çatıb. Koronavirusa yoluxanlardan 131 594 nəfəri vəfat edib, 963 476 nəfəri isə sağalıb.

Bildirilir ki, ən çox yoluxma halları Nyu-York (398 237), Kaliforniya (284 139), Florida (223 783) və Texas (216 026) ştatlarında qeydə alınıb.

Ölkə.Az

ŞƏRH YAZ
0

İkiqat dünya çempionu dənizdə batıb

İkiqat dünya çempionu  dənizdə batıb
14:04
08.07.2020
1203
Dünya
A
Snoubord üzrə ikiqat dünya çempionu Aleks Pullin dənizdə bataraq ölüb.

“Ölkə.Az” “9news”-ə istinadən xəbər verir ki, ikiqat dünya çempionu Avstraliyanın   Qold-Kost kurort şəhərində ölüb.
 İdmançı dənizaltı ov zamanı boğularaq ölüb. İdmançını hüşsüz vəziyyətdə oksigen aparatı olmadan  tapılıb. Ona 45 dəqiqə ərzində  təcili yardım göstərilsə də, nəticə verməyib. 
Ölkə.Az

ŞƏRH YAZ
0
BAĞLA