"Oğlumun deportasiya edilməsi ilə bağlı məsələ ermənipərəstlərin hiyləsidir" — Fuad Abbasovun atası

16:20
09.06.2019
1464
Dünya
A
"Fuad Abbasovun deportasiya edilməsi ilə bağlı məsələ ermənipərəstlərin hiyləsidir. Burada bəzi azərbaycanlıların da rolu var".

"Ölkə.Az" bildirir ki, bunu Rusiyada fəaliyyət göstərən azərbaycanlı jurnalist Fuad Abbasovun atası Malik Abbasov Bakıda keçirdiyi mətbuat konfransında deyib.

Onun sözlərinə görə, Rusiyada bəzi Azərbaycan diaspor rəhbərləri Azərbaycan xalqı üçün müsbət addım atmayıb:

"Fikir vardı ki, Rusiyada yaşayan azərbaycanlılara lider seçilsin. Burada namizədliyi təklif olunanlar arasında Fuad Abbasovun da adı vardı. Çünki Fuadın Rusiyada yaşayan azərbaycanlılar arasında hörməti böyükdür. Amma Fuad demişdi ki, Rusiya vətəndaşı deyil, ona görə də bu, mümkün olmaz. Buna baxmayaraq, bəzi diaspor liderləri Fuada qarşı təxribat hazırladılar, nəticə də belə oldu. Əminəm ki, bunu Fuada qarşı hazırlayanlar Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov və Rusiya Azərbaycanlıları Federal Milli-Mədəni Muxtariyyətinin (AzərRos) prezidenti Mehriban Sadıqovadır".

M.Abbasov qeyd edib ki, həm ölkə daxilində, həm də ölkə xaricində azərbaycanlıların təhlükəsizliyinin təminatıçısı Azərbaycan hökumətidir:

"Azərbaycan hökumətinə müraciət edirəm, Fuad Abbasovu müdafiə etsinlər! Bu müdafiə dövlət tərəfindən olmalıdır. Fuad Abbasov ya sərbəst buraxılmalı, ya da Azərbaycana göndərilməlidir. Ehtimal edirik ki, o, şərlənə bilər. Buna görə də məsələ tezliklə həll edilməlidir".

F.Abbasovun atası Azərbaycan Milli Məclisinin deputatı Araz Əlizadəyə də cavab verib:

"Araz Əlizadə Azərbaycan üçün nə edib ki? Fuad Abbasov Rusiyada azərbaycanlıların maraqlarını qoruyurdu".

Rusiya Federal Təhlükəsizlik Xidmətinin təqdimatı əsasında Ximski şəhər məhkəməsi Fuad Abbasovun 50 il müddətində Rusiya ərazisinə girişinin qadağan edilməsi ilə bağlı qərar çıxarıb. Moskva vilayət məhkəməsi də F.Abbasovun apellyasiya şikayətini təmin etməyib. O, buna etiraz olaraq aclıq aksiyasına başlayıb.

Ölkə.Az

ŞƏRH YAZ
0

Microsoft 40 milyon yeni internet istifadəçisi qazanmağı hədəfləyir

Microsoft 40 milyon yeni internet istifadəçisi qazanmağı hədəfləyir
07:58
Bu gün
1460
Dünya
A
Microsoft-un Airband təşəbbüsü Latın Amerikası və Sub-Sahara Afrikasında fəaliyyətə başlayır. 2022-ci ilə qədər dünyaya 40 milyon yeni İnternet istifadəçisi gətirməyi hədəfləyir. ABŞ-ın kənd yerlərində internetə çıxışı yaxşılaşdırmaq üçün 2017-ci ildə qurulan Airband indi Latın Amerikası və Sub-Sahara Afrikadakı istifadəçiləri hədəf alacaq.

"Ölkə.Az" bildirir ki, Amerikada 600 MHz spektrində istifadə olunmamış Koqnitiv Radio Şəbəkələrindən (TVWS) istifadə edərək, şirkət 3 milyon amerikalıya genişzolaqlı şəbəkəyə çıxışı təmin edib. Şirkət beynəlxalq əməliyyatlarda digər yenilikçi texnologiyalar kimi radio şəbəkələrindən də faydalanmağı planlaşdırır və yerli şirkətlərlə əməkdaşlıq edəcək.

Airband ilə əməkdaşlıq edəcək şirkətlərin hər bir sahə üçün xüsusi ehtiyacları anlaya bilməsi, qanuni əngəlləri aradan qaldırmaq üçün hökumətlərlə işləməsi və son istifadəçilərə internet bağlantısı təmin etmək üçün İnternet xidməti təminatçıları ilə işləmələri gözlənilir.

Qeyd etmək lazımdır ki, Microsoft dünyada daha çox İnternet istifadəçisi qazanmaqla məşğul olan yeganə texnologiya nəhəngi deyil. Facebook istifadəçi bazasını genişləndirmək üçün internet dronları və peykləri üçün sürücüləri sınaqdan keçirir.

Ölkə.Az

ŞƏRH YAZ
0

Ucuz qiymətə Nissan Skyline modelləri satılan anbar aşkar edilib — VİDEO

Ucuz qiymətə Nissan Skyline modelləri satılan anbar aşkar edilib
03:56
Bu gün
1633
Dünya
A
Yaponiyada ideal vəziyyətdə olan Nissan Skyline modelləri satılan anbar aşkar edilib. Burada model üçün orijinal ehtiyat hissələrini də əldə etmək olar. Avtomobillər və ehtiyat hissələri çox ucuz qiymətə təklif edilir.

"Ölkə.Az" bildirir ki, modelin fanatları üçün pərəstiş yerinə çevriləcək Trust Kikaku mağazası yapon sportkarları üçün orijinal ehtiyat hissələrinin, həmçinin işlənilmiş avtomobillərin satışı üzrə ixtisaslaşıb. Ayrıca anbarda Nissan Skyline modellərindən ibarət olan özəl kolleksiya yerləşir ki, həmin avtomobilləri də satın almaq olar.

Anbardan çəkilmiş videoicmalı Sammit adlı blogger dərc edib. Anbarın ətrafında çoxsaylı avtomobillər düzülüb. Burada əla vəziyyətdə olan bir neçə kuzovu və 34-cü kuzova sahib olan yaxşı vəziyyətli avtomobilləri də görmək olar. Anbarın içində isə örtüyün altında saxlanılan müxtəlif rəngli yeni avtomobillər dururlar.

Kolleksiyada adi nüsxələr ilə yanaşı, V-Spec Nur (Nürburqrinqin qısaldılmış variantı) modifikasiyasına malik olan sportkarlar da mövcuddur. Xatırladaq ki, Nissan Skyline V-Spec Nur modeli 750 nüsxəlik tirajla istehsal edilib. Üstəlik avtomobillərin qiyməti o qədər baha deyil. Məsələn, kompressorsuz mühərriki olan model üçün satıcı iki min dollar istəyir. Daha güclü modellər yeddi min dollara başa gələcəkdir. Turbomühərrikli Skyline modelini doqquz min dollara almaq olar. (milli.az)

Ölkə.Az

ŞƏRH YAZ
0
BAĞLA