"Oğlumun deportasiya edilməsi ilə bağlı məsələ ermənipərəstlərin hiyləsidir" — Fuad Abbasovun atası

16:20
09.06.2019
1850
Dünya
A
"Fuad Abbasovun deportasiya edilməsi ilə bağlı məsələ ermənipərəstlərin hiyləsidir. Burada bəzi azərbaycanlıların da rolu var".

"Ölkə.Az" bildirir ki, bunu Rusiyada fəaliyyət göstərən azərbaycanlı jurnalist Fuad Abbasovun atası Malik Abbasov Bakıda keçirdiyi mətbuat konfransında deyib.

Onun sözlərinə görə, Rusiyada bəzi Azərbaycan diaspor rəhbərləri Azərbaycan xalqı üçün müsbət addım atmayıb:

"Fikir vardı ki, Rusiyada yaşayan azərbaycanlılara lider seçilsin. Burada namizədliyi təklif olunanlar arasında Fuad Abbasovun da adı vardı. Çünki Fuadın Rusiyada yaşayan azərbaycanlılar arasında hörməti böyükdür. Amma Fuad demişdi ki, Rusiya vətəndaşı deyil, ona görə də bu, mümkün olmaz. Buna baxmayaraq, bəzi diaspor liderləri Fuada qarşı təxribat hazırladılar, nəticə də belə oldu. Əminəm ki, bunu Fuada qarşı hazırlayanlar Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov və Rusiya Azərbaycanlıları Federal Milli-Mədəni Muxtariyyətinin (AzərRos) prezidenti Mehriban Sadıqovadır".

M.Abbasov qeyd edib ki, həm ölkə daxilində, həm də ölkə xaricində azərbaycanlıların təhlükəsizliyinin təminatıçısı Azərbaycan hökumətidir:

"Azərbaycan hökumətinə müraciət edirəm, Fuad Abbasovu müdafiə etsinlər! Bu müdafiə dövlət tərəfindən olmalıdır. Fuad Abbasov ya sərbəst buraxılmalı, ya da Azərbaycana göndərilməlidir. Ehtimal edirik ki, o, şərlənə bilər. Buna görə də məsələ tezliklə həll edilməlidir".

F.Abbasovun atası Azərbaycan Milli Məclisinin deputatı Araz Əlizadəyə də cavab verib:

"Araz Əlizadə Azərbaycan üçün nə edib ki? Fuad Abbasov Rusiyada azərbaycanlıların maraqlarını qoruyurdu".

Rusiya Federal Təhlükəsizlik Xidmətinin təqdimatı əsasında Ximski şəhər məhkəməsi Fuad Abbasovun 50 il müddətində Rusiya ərazisinə girişinin qadağan edilməsi ilə bağlı qərar çıxarıb. Moskva vilayət məhkəməsi də F.Abbasovun apellyasiya şikayətini təmin etməyib. O, buna etiraz olaraq aclıq aksiyasına başlayıb.

Ölkə.Az

ŞƏRH YAZ
0

Çəkiliş zamanı iki AKTYOR BİRDƏN VƏFAT ETDİ

Çəkiliş zamanı iki AKTYOR BİRDƏN VƏFAT ETDİ
12:10
Bu gün
365
Dünya
A
Meksikada serial çəkilişi zamanı iki aktyor körpüdən yıxılaraq həyatını itirib.

''Ölkə.Az'' xəbər verir ki, Meksikada ''Sin Miedo a la Verdad'' adlı serialın çəkilişi zamanı bədbəxt hadisə baş verib. Serialın iki aktyoru ehtiyatsızlıq edərək körpüdən yıxılıb və onların həyatını xilas etmək mümkün olmayıb. 

Hadisənin təfərrüatları mediaya açıqlanmayıb. 

Ölkə.Az

ŞƏRH YAZ
0

Ukraynalı qız bakirəliyini bu qiymətə SATDI

Ukraynalı qız bakirəliyini bu qiymətə SATDI
10:49
Bu gün
1141
Dünya
A
19 yaşlı Xarkov sakini bakirəliyini 1,3 milyon avroya satıb.

“Ölkə.Az” Daily Mail-ə istinadən bildirir ki, qız xarici eskort xidməti saytında hərrac təşkil edib. Hərracda yalnız sərvəti ən azı 10 milyon avro olan kişilər iştirak edə bilərdi. Bundan əlavə, potensial alıcılar niyyətlərinin ciddiliyini təsdiqləyən 10 faizlik bir depozit ödəməlidirlər.

Ukraynalı başlanğıc olaraq qiymətini 100 min avro olduğunu bildirib. Hərracın qalibi 1,3 milyon avro təklif edən, Münhenli iş adamı olub. Üstəlik, kişi qızla evlənəcəyini və ona aylıq 10 min avro müavinət ödəyəcəyini də vəd edib.

Ölkə.Az

ŞƏRH YAZ
0
BAĞLA