Oğurluq etdiyi mağazanı yandıran keçmiş məhkum saxlanıldı

Oğurluq etdiyi mağazanı yandıran keçmiş məhkum saxlanıldı
23:03
23.07.2019
1619
Hadisə
A
İyulun 19-da Ağdam rayon sakini N.Rüstəmova məxsus, ümumi sahəsi 32 kvm olan mağazada yanğın baş verib.

“Ölkə.Az” DİN-ə istinadən xəbər verir ki, Ağdam RPŞ-nin əməkdaşları tərəfindən aparılmış araşdırmalarla Quzanlı kənd sakini, əvvəllər məhkum olunmuş R.Hüseynovun həmin mağazadan oğurluq etməsi, daha sonra yanğını törətməsi müəyyən edilib.

Həyata keçirilmiş əməliyyat-axtarış tədbirləri ilə R.Hüseynov saxlanılıb.

Faktla əlaqədar Cinayət Məcəlləsinin müvafiq maddələri ilə cinayət işi başlanıb.

Ölkə.Az

ŞƏRH YAZ
0

BMW yoldan çıxıb aşdı, Qax sakini xəsarət aldı — FOTO

BMW yoldan çıxıb aşdı, Qax sakini xəsarət aldı
05:55
Bu gün
1329
Hadisə
A
Qaxda yol-nəqliyyat hadisəsi baş verib.

"Ölkə.Az" oxu.az-a istinadən xəbər verir ki, hadisə Qorağan-Qax avtomobil yolunun, rayonun Əlibəyli kəndi ərazisindən keçən hissəsində qeydə alınıb.

Əlibəyli kənd sakini 27 yaşlı Vaxtanqi Canaşvilinin idarə etdiyi BMW markalı avtomobil yoldan çıxaraq ağaclara çırpılıb.

Nəticədə sürücü aldığı xəsarətlərlə Qax Rayon Mərkəzi Xəstəxanasına çatdırılıb.

Fakt araşdırılır.

Ölkə.Az

ŞƏRH YAZ
0

Hamam otağında yad kişi ilə danışan bacısını öldürdü — Azərbaycanda dəhşətli namus cinayəti

Hamam otağında yad kişi ilə danışan bacısını öldürdü
00:05
Bu gün
2567
Hadisə
A
Cəlilabad rayonunda namus üstündə bacısını öldürməkdə təqsirli bilinən 1992-ci il təvəllüdlü Hikmət Sadıqovun məhkəmə prosesi başa çatıb.

"Ölkə.Az" teleqraf.com-a istinadən xəbər verir ki, Hikmət Sadıqov bu ilin yanvarın 2-də, saat 20 radələrində yaşadığı Cəlilabad rayonu, Üçtəpə kəndində yerləşən evə gəlib.

O, həmin evdə birlikdə yaşadığı, evli olduğu halda başqa kişi ilə sevgi münasibətində olmasından şübhələndiyi bacısı Arzu Cəfərovanın evin həyətində yerləşən hamam otağında sakit səslə mobil telefon vasitəsi ilə gizli danışmasına şahid olub.

Onda bacısının başqa kişi ilə sevgi münasibəti saxlamasına dair əminlik yaranıb. Qardaş bacısını öldürmək qərarına gəlib. Bu məqsədlə o, yaşadığı evin mətbəxindən bıçaq götürüb və hamama girib. Qardaşının ora gəldiyini görən Arzu dərhal telefonu söndürüb.

Hikmət isə bacısından telefonu ona verməsini tələb edib. Arzu telefonunu qardaşına verməkdən imtina edib.

Bundan qəzəblənən Hikmət bıçaqla Arzunun əvvəlcə qarın nahiyəsinə bir dəfə, yıxılmasından sonra yerdə uzanmış vəziyyətdə olarkən sinə və boğaz nahiyəsinə çoxsaylı zərbələr vurub.

Ümumilikdə 27 bıçaq xəsarəti alan Arzu hadisə yerindən ölüb. Cinayəti törədən Hikmət polisə gələrək təslim olub.

İstintaq orqanı tərəfindən Hikmət Sadıqovun barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.

Cinayət işi Lənkəran Ağır Cinayətlər Məhkəməsində araşdırılıb. Hakim Mehdixan Abdullayevin sədrliyi ilə baş tutan iclasda təqsirləndirilən şəxsin əməli sübuta yetirilib və o, cəzasını ciddi rejimli cəza çəkmə müəssisəsində çəkməklə 16 il azadlıqdan mərhum edilib.

Hökmdən narazı qalan Hikmət Sadıqov apelyasiya şikayəti verib.

İttihamla qismən özünü təqsirli bilən Hikmət Sadıqov qeyd edib ki, xüsusi amansızlıqla qətl törətməsi nə ibtidai istintaq zamanı, nə də məhkəmə istintaqı zamanı sübuta yetirilməyib. Hadisə vaxtı öz hərəkətlərini tam dərk etmək iqtidarında olmayıb, bacısına əsəbi halda xəsarət yetirib, niyyəti zərərçəkmişə əzab vermək olmayıb.

O, əməlini Cinayət Məcəlləsinin 120.1-ci (qəsdən adam öldürmə) maddəsinə tövsif edilməsini, həmin maddənin sanksiyasında nəzərdə tutulmuş cəzadan da aşağı həddə cəza təyin olunmasını istəyib.

Hikmət Sadıqovun şikayəti araşdırılması üçün Şirvan Apelyasiya Məhkəməsinə göndərilib. Hakim Rafiq Cəfərovun sədrliyi ilə baş tutan prosesdə apelyasiya şikayətinin dəlilləri araşdırılıb, sonda apelyasiya şikayətinin qismən təmin olunması barədə qərar elan edilib.

Lənkəran Ağır Cinayətlər Məhkəməsinin hökmü dəyişdirilib və Hikmət Sadıqovun cəzası 14 ilə endirilib.

Ölkə.Az

ŞƏRH YAZ
0
BAĞLA