Oğurluqda ittiham edilən xalq artisti: "Dekabrda olan hadisədir" — VİDEO

Oğurluqda ittiham edilən xalq artisti:
11:55
12.04.2017
29
Maqazin
A
Məlum olduğu kimi xalq artisti Ramiz Məmmədov oğurluqda ittiham edilir.

Südabə Zalova adlı qadın iddia edir ki, Məmmədov şadlıq saraylarından birində onun sırğasını yerdən tapıb. "Ölkə.Az" səsləndirilən ittihamlarla bağlı xalq artistinin fikirlərini öyrənib.

- Ramiz müəllim, Südabə Zalova adlı qadın sizi oğurluqda ittiham edir. Həmin məclis nə vaxt olub?

- O görüntülər dekabr ayında çəkilib. Məhərrəm Bədirzadənin nəvəsinin toyu idi.  

- Südabə xanım Məhərrəm Bədirzadənin qohumudur?

- Dəqiq bilmirəm, o qadını tanımıram.

- Bəs niyə məhz sizdən şübhələnir?

- Məclisə saat səkkizdə gəldim. Gödəkçəmi soyunanda ayağım sürüşdü. Gördüm ki, ayağımın altında nəsə var. Elə bildim düymədir. Koftada olur e, üzüyün qaşına bənzəyir, bax ondan idi. Götürdüm, yerdə yox idi ki atım, qoydum cibimə. Məni qarşıladılar, oturduq, yedik-içdik, gecə birin yarısında evə getdik. Səhəri gün Məhərrəm zəng vurdu ki, qudalarım bizə gəlmişdi. Bir qadın zəng vurub ki, sırğamı itirmişəm, kameraya da sən düşmüsən aşağı əyiləndə. Dedim ki, götürmüşəm. Evdəkilərə də göstərdim ki, bunu dünən yerdən tapmışam. Həmin gün də aparıb Məhərrəmə qaytardım. Qadın da mənə zəng vurub ki, o deyil, mənim sırğam qızıl idi. Dedim, ay bacım, mən onu tapmışam. Bəlkə mən yerdən düyməmi, alışqanımı götürmüşəm. Sən həmin gün niyə demirdin ki, sırğam itib, deyəydin də?! Onu başa sala bilmədim. Dedim, ay qız, məgər mən əşya tapanam?

- Qadın bildirir ki, siz onu təhqir etmisiniz?

- Kimin yanında, harda təhqir etmişəm? Dedim ki, məndən nə istəyirsən, şantaj etmək istəyirsən? Məgər bu təhqirdi? Dedim, məndən şübhələnirsənsə, polisə şikayət elə. Əgər bu cinayətdirsə, gəlib məni tutub aparsınlar da. 

- Polisə çağırılmısınız?

- Nizami rayon polis idarəsinin 24-cü bölməsindən Allahşükür adlı müstəntiq zəng vurdu ki, Ramiz müəllim, sizdən şikayət var. Getdim, sizə danışdığım kimi onlara da danışdım. Mənə dedi ki, deyəsən bu qadında psixoloji problem var. Allah eləsin həmin sırğanı götürən adam tez tapılsın. Bilinsin ki, burada mənlik bir şey yoxdur.


İntiqam VALEHOĞLU
Ölkə.Az

ŞƏRH YAZ
0

Oktay Kaynarcanın acılarla dolu həyat hekayəsi — Anasını əmisi ilə evləndiriblər

Oktay Kaynarcanın acılarla dolu həyat hekayəsi
11:30
15.12.2017
4256
Maqazin
A
Son illər "Eşkiya dünyaya hükümdar olmaz" serialı ilə milyonların sevgisini qazanan Oktay Kaynarcanın acılarla dolu həyat hekayəsi var.

"Ölkə.Az" xəbər verir ki, Oktayın heç kəs tərəfindən bilinməyən bir həyatı olub. Aktyor sirr kimi saxladığı həyat hekayəsini oxucularımıza təqdim edirik.

Aktyor əsasən "Kurtlar Vadisi" serialındakı Süleyman Çakır obrazı ilə məşhurlaşmışdı. Obraz o qədər sevilmişdi ki, hətta serialda Süleyman Çakır öləndə Türkiyədə məscidlərdə cənazə namazı qılınıb, yas saxlanılmışdı.

2009-cu ildə Oktayın atası Adil Kaynarca vəfat edib. Bu vaxt türk mətbuatı "məşhur aktyorun atası vəfat etdi"- başlıqlı yazılar yazmışdı. Çünki hamı Adili Oktayın atası bilirdi.

Amma Adil Kaynarcanın ölümü ilə aktyorun 30 ildən çox sirr kimi saxladığı həqiqət ortaya çıxdı. Adil Kaynarca əslində Oktayın əmisidir.

Kaynarca uşaqlıq dövrünü anası və atası ilə Berlində keçirib. İstanbulda yaşayan əmisi isə arvadını istirahət üçün Almaniyaya, qardaşının yanına göndərirdi. Adil arvadını təyyarəyə mindirir, Oktayın atası Özkan isə hava limanında qadını qarşılayırdı.
Hava limanında qardaşı arvadını qarşılayan Özkan geri qayıdanda avtomobil qəzasına düşüb. Bu qəzada Oktayın atası və əmisi arvadı həlak olur. O dövrdə Oktayın cəmi 5 yaşı olub.

Ailəni yasa boğan bu hadisədən sonra böyüklərin qərarı ilə Oktayın anası Nursel əmisi Adil ilə evləndirilib. Oktay uzun illər Adili atası zənn edib, sirri öyrəndikdən sonra isə reallığı qəbul edib.

Adil Kaynarca dünyasını dəyişəndə isə Oktay "həm atamı, həm əmimi itirdim"-demişdi.

Hikmət Həsənov
Ölkə.Az

ŞƏRH YAZ
0

Azərbaycanlı müğənni həbsdən azad olundu — FOTO

Azərbaycanlı müğənni həbsdən azad olundu
23:56
14.12.2017
4523
Maqazin
A
Əməkdar artist Rəhman Rəhmanovun oğlu, “Azəristar” musiqi yarışmasının iştirakçısı Emil Rəhmanov azadlığa buraxılıb.

“Ölkə.Az” xəbər verir ki, bu barədə ifaçının aktyor dostu Cavanşir Məhərrəmov məlumat verib.

Qeyd edək ki, müğənni Emil Rəhmanov İlk dəfə 2008-ci ildə soyğunçuluq etməkdə təqsirləndirilərək həbs olunub. O, 6 il azadlıqdan məhrum edilmişdi. Daha sonra isə 2016-cı ilin yanvarında yenidən həbs edilib və 2 illik müddətə azadlıqdan məhrum edilib.

Ölkə.Az

ŞƏRH YAZ
2
BAĞLA