Oğuzda 3 nəfərin öldüyü dəhşətli qəzanın görüntüləri — VİDEO

Oğuzda 3 nəfərin öldüyü dəhşətli qəzanın görüntüləri
20:15
21.08.2017
41
Hadisə
A
Dünən Oğuzda baş verən ağır yol qəzasında 3 nəfər ölüb, 4 nəfər isə xəsarət alıb.

Ölkə.Az ARB TV-yə istinadən xəbər verir ki, hadisə avqustun 20-i Qaraməryəm-İsmayıllı-Şəki magistiral yolunun Oğuz rayonu Kərimli kəndi ərazisindən keçən hissəsində baş verib.

Şəki rayonu Aşağı Göynük kənd sakini, 46 yaşlı Vəlyəddin Hünmətovun idarəetdiyi “Mersedes”lə Oğuz rayonu Kərimli kənd sakini 27 yaşlı Cəmil Abdullayevin idarəetdiyi “Volkswagen Passat” markalı avtomobil toqquşub. Sərnişinlərdən biri Qəbələ rayon sakini Müzəffər Fətəliyev aldığı ağır bədən xəsarətlərindən hadisə yerində ölüb. Qəza nəticəsində müxtəlif dərəcəli bədən xəsarətləri alan 6 nəfər isə Oğuz MRX-a aparılıblar.

Yaralılar - Bakı şəhər sakinləri olan 53 yaşlı Məhsuma Kahraman, onun 12 yaşlı övladı Murad Kahraman, “Volkswagen Passat”ın sürücüsü Cəmil Abdullayev, onun anası 57 yaşlı Sədaqət Abdullayeva, “Mersedes”in sürücüsü Vəlyəddin Hünmətov və Şəkinin Şin kəndindən 54 yaşlı Şükür Ağamirzəyev Şəki MRX-a göndəriliblər

Vəlyəddin Hünmətov və Şükür Ağamirzəyev xəstəxanaya daxil olduqdan bir qədər sonra aldıqları ağır bədən xəsarətlərindən ölüblər.

Faktla bağlı DİN-nin Baş Dövlət Yol Polisi İdarəsinin Baş İstintaq və Təhqiqat bölməsində araşdırma aparılır.

ŞƏRH YAZ
0

DİN Bakıda əməliyyat keçirdi — FOTOLAR

DİN Bakıda əməliyyat keçirdi
11:44
Bu gün
1387
Hadisə
A
Daxili işlər orqanlarının əməkdaşları tərəfindən cinayətkarlıqla mübarizə sahəsində növbəti əməliyyat tədbirləri həyata keçirilib. Nəticədə odlu silah-sursatın və narkotik maddələrin qanunsuz alqı-satqısı ilə məşğul olan şəxslər saxlanılıblar.

Daxili İşlər Nazirliyinin mətbuat xidmətindən "Ölkə.Az"a verilən məlumata görə, Baş Mütəşəkkil Cinayətkarlıqla Mübarizə İdarəsinə Xətai rayon sakini Zülfüqar Cəfərovda odlu silah-sursat olduğu barədə əməliyyat məlumatı daxil olub. Həyata keçirilən əməliyyat-axtarış tədbirləri nəticəsində o, şübhəli şəxs qismində saxlanılaraq Baş İdarəyə gətirilib. 

Z.Cəfərovun üzərinə baxış zamanı ondan “Beretta” markalı tapança və 3 ədəd patron aşkar edilərək götürülüb.Baş İdarə əməkdaşları tərəfindən həyata keçirilən növbəti əməliyyat nəticəsində narkotik vasitələrin alqı-satqısı ilə məşğul olan şəxs saxlanılıb. Belə ki, paytaxt sakini Ziya Ağayev 1 kiloqram narkotik vasitə olan qurudulmuş marixuananı Nizami rayonu ərazisində 6000 manata satmaq istəyən zaman polis tərəfindən tutulub.

Faktlarla bağlı Cinayət Məcəlləsinin müvafiq maddələri ilə cinayət işi başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.

ŞƏRH YAZ
0

Bakıda "BMW X5" dəhşətli qəza törətdi: Ölən var

Bakıda
11:03
Bu gün
1630
Hadisə
A
Bu gün Bakıda dəhşətli yol qəzası baş verib.

"Ölkə.Az" Lent.az-a istinadən xəbər verir ki, səhər saat 7:00 radələrində Sabunçu rayonu ərazisində - Zabrata gedən yolda "BMW X5" markalı avtomobil 55-60 yaşlı qadını vurub.

Zərbənin gücündən qadın hadisə yerində ölüb və tanınmaz hala düşüb.

Ölən qadının şəxsiyyətini dəqiqləşdirmək hələlik mümkün olmayıb. Araşdırma aparılır.

ŞƏRH YAZ
0
BAĞLA