Oğuzda ağır yol qəzasında 3 nəfər öldü — FOTOLAR

Oğuzda ağır yol qəzasında 3 nəfər öldü
20:14
20.08.2017
57
Hadisə
A
Oğuzda baş verən ağır yol qəzasında 3 nəfər ölüb, 4 nəfər xəsarət alıb.

Ölkə.Az APA-ya istinadən xəbər verir ki, hadisə bu gün günorta saatlarında Qaraməryəm-İsmayıllı-Şəki magistiral yolunun Oğuz rayonu Kərimli kəndi ərazisindən keçən hissəsində baş verib.

İki minik avtomobilinin toqquşması nəticəsində hələki şəxsiyyəti məlum olmayan bir nəfər aldığı ağır bədən xəsarətlərdən hadisə yerində ölüb və Oğuz Mərkəzi Rayon Xəstəxanasının (MRX) morquna aparılıb. Qəza nəticəsində müxtəlif dərəcəli bədən xəsarətləri alan 6 nəfər isə Oğuz  MRX-a aparılıblar.

Oğuz MRX-dan verilən məlumata görə, yaralılar - Bakı şəhər sakinləri olan Məhsuma Qəhrəmanova, onun 13 yaşlı övladı Murad Qəhrəmanov, Oğuz rayon sakinləri 1960-cı il təvəllüdlü Sədaqət Abdullayeva, onun övladı 1990-cı il təvəllüdlü Cəmil Abdullayev, Şəkinin Şin kəndindən 1963-cü il təvəllüdlü Şükür Ağamirzəyev və Şəkinin Aşağı Göynük kənd sakini Ziyəddin adlı şəxs ilkin tibbi yardım göstərildikdən sonra müayinə və müalicələrini davam etdirmək üçün Şəki MRX-a göndəriliblər.

Şəki MRX-dan bildirilib ki,  Ziyəddin və Şükür adlı iki yaralı xəstəxanaya daxil olduqdan bir qədər sonra aldıqları ağır bədən xəsarətlərindən ölüblər. Digər yaralıların müayinəsi davam etdirilir.

Faktla bağlı DİN-nin Baş Dövlət Yol Polisi İdarəsinin Baş İstintaq və Təhqiqat bölməsində araşdırma aparılır.

ŞƏRH YAZ
0

Azərbaycanlı sərhəddə saxlanıldı — 6 kriptovalyuta cihazı müsadirə olundu

Azərbaycanlı sərhəddə saxlanıldı
01:32
Bu gün
500
Hadisə
A
Bolqarıstan-Türkiyə sərhədini keçən avtomobil Hamzabeyli sərhəd keçid məntəqəsində saxlanılıb.

“Ölkə.Az” Türkiyə mətbuatına istinadən xəbər verir ki, avtomobilə baxış keçirilərkən arxa oturacaqların altında kriptovalyuta istehsalı üçün istifadə edilən 6 cihaz aşkarlanıb.

Gürcüstanlı sürücü T.T və avtomobildəki azərbaycanlı sərnişin D.P saxlanılıb.

Faktla bağlı araşdırma davam etdirilir.

Ölkə.Az

ŞƏRH YAZ
0

Xızıda fabrik sürücüsünü döyüb, maşına bağladılar — Metrlərlə sürüyüb, işgəncə verdilər

Xızıda fabrik sürücüsünü döyüb, maşına bağladılar
01:16
Bu gün
631
Hadisə
A
Xızıda fabrik sürücüsünü döyərək, öz maşını ilə 200 metr sürüyüblər.

"Ölkə.Az"ın "Report"a istinadən verdiyi məlumata görə, hadisə "Giləzi Quşçuluq fabriki"ndə baş verib.

Belə ki, həmin fabrikdə sürücü kimi çalışan 1955-ci il təvəllüdlü Mail Məhərrəm oğlu Əliyev bir neçə şəxs tərəfindən döyülüb. Məlumata görə, M. Əliyev fabrikdə çalışan şəxslərlə mübahisə edib.

Mübahisə sonradan əlbəyaxa davaya çevrilib. Həmin şəxslər sürücünü döydükdən sonra onu öz avtomobilinə bağlayaraq, təxminən 200 metr sürüyüblər.

63 yaşlı kişi ağır vəziyyətdə Sumqayıt şəhər TTYX-a çatdırılıb. Hazırda onun vəziyyətinin orta ağır olduğu bildirilir.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA