Okeanda itkin düşən qadın il yarım sonra tapıldı — ŞOK TƏFƏRRÜAT

Okeanda itkin düşən qadın il yarım sonra tapıldı
10:20
10.06.2019
29352
Dünya
A
İndoneziyanın Nininq Sunarsix adlı sakininin başına qəribə hadisə gəlib.

“Ölkə.Az” xəbər verir ki, 52 yaşlı Nininq Yava adasının qərbindəki kurortların birində istirahət etmək qərarına gəlib. Günlərin birində dənizdə güclü fırtına qopur. Bu zaman Sunarsix çimərlikdə olub. Sahilə hücum çəkən iri dalğa qadını ağuşuna alaraq açıq dənizə aparır. Nininq qışqırır, köməyə çağırır, amma fırtınadan heç kəs onu xilas edə bilmir.

Fırtına sakitləşdikdən sonra qadını axtarmağa başlayırlar. Xilasedicilər bir neçə gün ərzində sahili ələk-vələk edirlər. Amma itkin düşən qadının meyiti tapılmır. 7 həftə sonra eybəcər hala düşən bir meyit tapılır. Tanımaq üçün Sunarsixin ailəsini çağırırlar. Amma ailə üzvləri bildirirlər ki, bu, Nininqin meyiti deyil. Bundan sonra heç kəs qadının axtarışı ilə məşğul olmur. Xilasedicilərin fikrinə əsasən, Nininq dəniz sakinlərinin yeminə çevrilib.

Amma bu hadisə bununla bitmir. İl yarım sonra əsl mistika baş verir. 2018-ci ilin iyun ayının sonunda Nininqin əmisi qəribə yuxular görür. Yuxuda o, eyni çimərlikdə olub və Sunarsix bütün doğmalarını dəniz sahilinə çağırıb. Sonradan bu yuxular təkrarlanmağa başlayıb.

İndoneziyalılar xürafatçılığa meyllidir. O, bu yuxunu doğmalarına danışır. Ailə qərara gəlir ki, Yava adasındakı o kurorta getsinlər. İlk gün onlar heç kəsi tapa bilmirlər. İkinci gün isə əsl möcüzə baş verir. Eyni yerdə qohumları Nininqi tapırlar. Nininq huşsuz vəziyyətdə uzanmışdı. Sunarsixi yaxınlıqdakı xəstəxanaya aparırlar. Həkimlər bildirirlər ki, onun vəziyyəti çox ağırdır, amma yaşayacaq.

18 ay Nininqin harada olduğunu heç kəs bilmir. Ancaq o, özünə gəldikdən sonra həqiqətlər üzə çıxa bilər...

Ölkə.Az

ŞƏRH YAZ
0

Kaşıkçı cinayəti ilə bağlı yeni faktlar — Səs yazıları üzə çıxdı

Kaşıkçı cinayəti ilə bağlı yeni faktlar
12:43
Bu gün
414
Dünya
A
BMT-nin hesabatçısı Aqnes Kallamard Kaşıkçı cinayətinə dair hesabat hazırlayıb.

“Ölkə.Az” xəbər verir ki, hesabatda türk kəşfiyyatının verdiyi bəzi səs yazıları yer alıb.

Səs yazılarına əsasən, Səudiyyə Ərəbistanının İstanbuldakı baş konsulu cinayətdən bir neçə gün əvvəl müəyyən şəxslərlə təhlükəsizliklə bağlı bir tapşırıq üzrə görüş keçirir. Konsul ilə danışan şəxs dövlət rəsmiləri tərəfindən verilən bu vəzifə üçün etibarlı birinə ehtiyac duyduunu deyir. Uteybi başqa bir şəxslə görüşdə Ər-Riyaddan ona zəng gəldiyini və məsələnin çox gizli olduğunu deyir.

Danışıqlardan baş konsulun Ər-Riyadan gələcək şəxslər üçün qalmağa yer və təyyarə bileti təşkil etdiyi də aydın olur.

Kaşıkçının qətlindən bir gün əvvəl isə şəxsiyyəti naməlum olan şəxs “Sabah Səudiyyədən bir komissiya gələcək. Konsulluqda bir işləri var. İçəridəki işləri iki ya da üç gün davam edəcək” deyir.

Ölkə.Az

ŞƏRH YAZ
0

Dünyada 100 milyard dollardan çox pulu olan üçüncü nəfər o oldu

Dünyada 100 milyard dollardan çox pulu olan üçüncü nəfər o oldu
07:30
Bu gün
2858
Dünya
A
“Louis Vuitton Moët Hennessy” şirkətlər qrupunun prezidenti və banisi, fransalı biznesmen Bernar Arno dünyada yüz milyard dollardan çox pulu olan insanlar siyahısına daxil olub.

“Ölkə.Az” xəbər verir ki, bu barədə “Bloomberg” məlumat yayıb.

Nəşriyyatın ekspertlərinin hesablamasına görə, Arnonun pulu 3 milyard artaraq 100.4 milyard dollara çatıb. Artıq o, dünyada yüz milyard dollardan çox pulu olan üçüncü şəxsdir. Birinci şəxs Ceff Bezos, ikinci isə Bill Qeytsdir.

2019-cu ilin əvvəlində Arnonun kapitalı şirkətinin səhmlərinin bahalaşması hesabına 43%, yəni 32 milyard dollar artıb. Bu isə ona milyarderlər reytinqində mövqeyini yuxarı pillələrə dartmağa kömək edib. 

Ölkə.Az
 

 

ŞƏRH YAZ
0
BAĞLA